საქართველოს სახელმწიფო უშიშროების სამინისტროს სამხედრო მოსამსახურეთა თანამდებობრივი სარგოს განაკვეთების დამტკიცებისა და „აღმასრულებელი ხელისუფლების მაღალი რანგის თანამდებობის პირთა შრომის ანაზღაურების შესახებ“ საქართველოს პრეზიდენტის 2000 წლის 8 აპრილის №139 ბრძანებულებაში დამატების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს პრეზიდენტის ბრძანებულება (1)
ცვლილებები (1)
დოკუმენტის ტექსტი
საქართველოს პრეზიდენტის
ბრძანებულება №272
2003 წლის 20 ივნისი
ქ. თბილისი
საქართველოს სახელმწიფო უშიშროების სამინისტროს სამხედრო მოსამსახურეთა თანამდებობრივი სარგოს განაკვეთების დამტკიცებისა და „აღმასრულებელი ხელისუფლების მაღალი რანგის თანამდებობის პირთა შრომის ანაზღაურების შესახებ“ საქართველოს პრეზიდენტის 2000 წლის 8 აპრილის №139 ბრძანებულებაში დამატების შეტანის თაობაზე
1. დამტკიცდეს საქართველოს სახელმწიფო უშიშროების სამინისტროს სამხედრო მოსამსახურეთა თანამდებობრივი სარგოს განაკვეთები თანდართული ნუსხის მიხედვით.
2. ბრძანებულების პირველი პუნქტით განსაზღვრულ სამხედრო მოსამსახურეთა თანამდებობრივი სარგოს განაკვეთების დაფინანსება განხორციელდეს საქართველოს სახელმწიფო უშიშროების სამინისტროსათვის სახელმწიფო ბიუჯეტით გათვალისწინებული ასიგნებებიდან.
3. შეტანილ იქნეს დამატება „აღმასრულებელი ხელისუფლების მაღალი რანგის თანამდებობის პირთა შრომის ანაზღაურების შესახებ“ საქართველოს პრეზიდენტის 2000 წლის 8 აპრილის №139 ბრძანებულებაში („საქართველოს საკანონმდებლო მაცნე“, III ნაწილი, 2000 წლის №33) და ბრძანებულების პირველი პუნქტი ჩამოყალიბდეს შემდეგი რედაქციით:
„1. დამტკიცდეს აღმასრულებელი ხელისუფლების მაღალი რანგის თანამდებობის პირთა თანამდებობრივი სარგოები თანახმად დანართისა (გარდა საქართველოს სახელმწიფო უშიშროების სამინისტროს სამხედრო მოსამსახურეთა თანამდებობრივი სარგოებისა)“.
4. ძალადაკარგულად ჩაითვალოს „საქართველოს სახელმწიფო უშიშროების სამინისტროს სამხედრო მოსამსახურეთა თანამდებობრივი სარგოს განაკვეთების დამტკიცების შესახებ“ საქართველოს პრეზიდენტის 1998 წლის 25 დეკემბრის № 713 ბრძანებულება („საქართველოს საკანონმდებლო მაცნე“, III ნაწილი, 1999 წლის № 2 (9) ).
ე. შევარდნაძე
საქართველოს სახელმწიფო უშიშროების სამინისტროს სამხედრო მოსამსახურეთა თანამდებობრივი სარგოს განაკვეთების ნუსხა (ლარებში)
| N | თანამდებობის დასახელება | თანამდებობრივი სარგო (ცენტრალური აპარატი) | თანამდებობრივი სარგო (ტერიტო-რიული ორგანოები) |
| 1. | მინისტრი | 165 | 140 |
| 2. | მინისტრის პირველი მოადგილე | 150 | 135 |
| 3. | მინისტრის მოადგილე | 140 | 130 |
| 4. | სამინისტროს დეპარტამენტის უფროსი და მასთან გათანაბრებული პირები | 135 | 125 |
| 5. | სამინისტროს დეპარტამენტის უფროსის მოადგილე, სამინისტროს მთავარი სამმართველოს უფროსი, ცენტრის უფროსი და მათთან გათანაბრებული პირები | 130 | 120 |
| 6. | სამინისტროს მთავარი სამმართველოს უფროსის მოადგილე, ცენტრის უფროსის მოადგილე, სამინისტროს დეპარტამენტში შემავალი სამმართველოს უფროსი და მათთან გათანაბრებული პირები | 125 | 115 |
| 7. | სამინისტროს დეპარტამენტში შემავალი სამმართველოს უფროსის მოადგილე, სამინისტროს დეპარტამენტში შემავალი ბიუროს უფროსი და მათთან გათანაბრებული პირები | 115 | 105 |
| 8. | სამინისტროს დეპარტამენტში შემავალი ბიუროს უფროსის მოადგილე და მასთან გათანაბრებული პირები | 105 | 95 |
| 9. | სამინისტროს დეპარტამენტში შემავალი განყოფილების უფროსი, სამინისტროს სამმართველოში შემავალი განყოფილების უფროსი და მათთან გათანაბრებული პირები | 95 | 85 |
| 10. | სამინისტროს დეპარტამენტში შემავალი განყოფილების უფროსის მოადგილე, სამინისტროს სამმართველოში შემავალი განყოფილების უფროსის მოადგილე და მათთან გათანაბრებული პირები | 80 | 75 |
| 11. | სამინისტროს ქვეგანყოფილების უფროსი და მასთან გათანაბრებული პირები | 70 | 65 |
| 12. | სამინისტროს ქვეგანყოფილების უფროსის მოადგილე და მასთან გათანაბრებული პირები | 60 | 55 |
| 13. | სამინისტროს უფროსი ოპერატიული თანამშრომელი და მასთან გათანაბრებული პირები | 55 | 50 |
| 14. | სამინისტროს ოპერატიული თანამშრომელი და მასთან გათანაბრებული პირები | 45 | 40 |
| 15. | სამინისტროს მზვერავი და მასთან გათანაბრებული პირები | 40 | 35 |