1. საკრებულოს ადგილსამყოფელია დაბა აჟარა, ხოლო „ოკუპირებული ტერიტორიების შესახებ“ საქართველოს კანონის შესაბამისად აჟარის მუნიციპალიტეტში საქართველოს იურისდიქციის სრულად აღდგენამდე ქ.თბილისი, დ.აღმაშენებლის 89/24.
2. საკრებულოს სხდომები ტარდება საკრებულოს ადმინისტრაციულ შენობაში. საკრებულოს მიერ სხდომის სხვა ადგილას ჩატარება დაიშვება საკრებულოს განკარგულებით ან საკრებულოს თავმჯდომარის ბრძანებით, ამ დებულების (რეგლამენტის) 48-ე მუხლით დადგენილი წესით.
3. საკრებულოს შენობაზე, აგრეთვე იმ ადგილზე, სადაც იმართება საკრებულოს სხდომა, აღმართული უნდა იყოს საქართველოს სახელმწიფო დროშა. საკრებულოს შენობაში საქართველოს სახელმწიფო და თვითმმართველი ერთეულის სიმბოლოები გამოიყენება საქართველოს კანონმდებლობით დადგენილი წესით