ზუგდიდის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთებისა და თანამდებობათა დასახელების დამტკიცების შესახებ

 

ზუგდიდის მუნიციპალიტეტის საკრებულოს

დადგენილება №21

2010 წლის 17 ივლისი

ქ. ზუგდიდი

ზუგდიდის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთებისა და თანამდებობათა დასახელების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ი“ ქვეპუნქტის, ,,ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე“ საქართველოს პრეზიდენტის №726 ბრძანებულებაში ცვლილებების შეტანის შესახებ, საქართველოს პრეზიდენტის №637 ბრძანებულების დანართი №4-ის, „საჯარო სამსახურის შესახებ“ საქართველოს კანონის მე-9 მუხლის მე-3 პუნქტის „პ“ ქვეპუნქტისა და „ნორმატიული აქტების შესახებ“ საქართველოს კანონის შესაბამისად:

ზუგდიდის მუნიციპალიტეტის საკრებულომ დაადგინა:

1. დამტკიცდეს ზუგდიდის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთებისა და თანამდებობათა დასახელებები დანართი №1-ის შესაბამისად (დანართი №1 თან ერთვის).

2. ამ დადგენილების ამოქმედებიდან ძალადაკარგულად ჩაითვალოს ზუგდიდის მუნიციპალიტეტის საკრებულოს 2009 წლის 12 იანვრის №1 დადგენილება ,,ზუგდიდის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთებისა და თანამდებობათა დასახელების დამტკიცების შესახებ“.

3. დადგენილება გაეგზავნოს ზუგდიდის მუნიციპალიტეტის გამგეობას.

4. დაევალოს საკრებულოს აპარატს ,,ნორმატიული აქტების შესახებ“ საქართველოს კანონით განსაზღვრუ-ლი წესით დადგენილების რეგისტრაცია და გამოქვეყნება.

5. დადგენილება ამოქმედდეს ,,ნორმატიული აქტების შესახებ“ საქართველოს კანონის შესაბამისად, გამოქვეყნებისთანავე.

საკრებულოს თავმჯდომარე ლ. კონჯარია

დანართი N1

ზუგდიდის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთები და თანადებობათა დასახელება

თანამდებობათა დასახელება	თანამდებობათა სარგოები (ლარებში)
საკრებულოს თავმჯდომარე	2360
საკრებულოს თავმჯდომარის მოადგილე	1100
საკრებულოს კომისიის თავმჯდომარე	650
საკრებულოს ფრაქციის თავმჯდომარე	650
აპარატის უფროსი	700
სხვა უფროსი საჯარო თანამდებობის პირი
განყოფილების უფროსი	450
უმცროსი საჯარო თანამდებობა
მთავარი სპეციალისტი	420
წამყვანი სპეციალისტი	380
უფროსი სპეციალისტი	340
სპეციალისტი	300