"ქარელის მუნიციპალიტეტის სიმბოლოების – გერბის და დროშის დამტკიცების შესახებ"

ქარელის მუნიციპალიტეტის საკრებულო ს

დადგენილება №38

2010 წლის 30 დეკემბერი

ქ. ქარელი

ქარელის მუნიციპალიტეტის სიმბოლოების – გერბის და დროშის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-8 მუხლის შესაბამისად,

1. დამტკიცდეს საქართველოს პარლამენტთან არსებული ჰერალდიკის სახელმწიფო საბჭოსთან შეთანხმებული ქარელის მუნიციპალიტეტის შემდეგი სიმბოლოები:

ა) ქარელის მუნიციპალიტეტის დროშა, რომელიც წარმოადგენს: მეწამული ველის ქსოვილს, რომლის ცენტრში მოთავსებულია ირიბი ჯვრის ფორმის, ანუ ერთმანეთზე გადაჯვარედინებული საერო და სასულიერო ხელისუფლების აღმნიშვნელი ოქროს ორი კვერთხი. კვერთხთა თავებს შორის მოთავსებულია წმინდა მეფე დავით IV „აღმაშენებლის“ თავსარქმელი – გვირგვინი; კვერთხების მარჯვნივ და მარცხნივ თითო ჰერალდიკური ოქროს ჯვარი; ხოლო კვერთხების ქვემოთ სამყურას ფორმის მუხის ოქროს ფოთოლი ოქროსივე ორი ნაყოფით (რკოთი)

დროშის პროპორცია 2:3.

(დანართი №1).

ბ) ქარელის მუნიციპალიტეტის გერბი, რომლის ფარი წარმოადგენს: მეწამულ ველს, რომლის ცენტრში მოთავსებულია ირიბი ჯვრის ფორმის, ანუ ერთმანეთზე გადაჯვარედინებული საერო და სასულიერო ხელისუფლების აღმნიშვნელი ოქროს ორი კვერთხი. კვერთხთა თავებს შორის მოთავსებულია წმინდა მეფე დავით IV „აღმაშენებლის“ ოქროს თავსარქმელი – გვირგვინი; კვერთხების მარჯვნივ და მარცხნივ თითო ჰერალდიკური ოქროს ჯვარი; ხოლო კვერთხების ქვემოთ სამყურას ფორმის მუხის ოქროს ფოთოლი ოქროსივე ორი ნაყოფით (რკოთი).

 გერბის ფარს ზემოთ მოთავსებულია საქალაქო ვერცხლის გვირგვინი-სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია კარიბჭით.

 ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავად ჩაწერილია დევიზი „ქარელი“.

(დანართი № 2)

2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                    პ. ღვინიაშვილი