ქონების გადასახადის შემოღების და განაკვეთების განსაზღვრის შესახებ

ლაგოდეხის მუნიციპალიტეტის საკრებულო ს

დადგენილება №3

2011 წლის 21 იანვარი

ქ.ლაგოდეხი

ქონების გადასახადის შემოღების და განაკვეთების განსაზღვრის შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „მ“ ქვეპუნქტების და „ნორმატიული აქტების შესახებ“ საქართველოს კანონის 25-ე მუხლის შესაბამისად, აგრეთვე საქართველოს მთავრობის 2010 წლის 23 დეკემბრის №394 დადგენილების „სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე’’ თანახმად, ლაგოდეხის მუნიციპალიტეტის საკრებულო ადგენს:

1. შემოღებულ იქნ ე ს ქონების გადასახადი.

2. განისაზღვროს ქონების გადასახადის განაკვეთები დანართის შესაბამისად.

3. ეს დადგენილება ძალაშია გამოქვეყნებისთანავე.

4. ამ დადგენილების ამოქმედებისთანავე ძალადაკარგულად ჩაითვალოს ლაგოდეხის მუნიციპალიტეტის საკრებულოს 2010 წლის 28 აპრილის №13 დადგენილება „ქონების გადასახადის შემოღების და განაკვეთების განსაზღვრის შესახებ’’.

საკრებულოს თავმჯდომარე      გ. გოზალიშვილი

 

  დანართი

ქონების გადასახადის განაკვეთები

    მუხლი 1

 საწარმოსთვის/ორგანიზაციისთვის დასაბეგრ ქონებაზე, გარდა მიწისა, გადასახადის წლიური განაკვეთი განსაზღვრულია დასაბეგრი ქონების ღირებულების 1%-ით.

    მუხლი 2

საწარმოსთვის/ორგანიზაციისთვის ლიზინგით გაცემულ დასაბეგრ ქონებაზე გადასახადის წლიური განაკვეთი განსაზღვრულია დასაბეგრი ქონების საშუალო წლიური საბალანსო ნარჩენი ღირებულების 1%-ით.

    მუხლი 3

ფიზიკური პირისთვის დასაბეგრ ქონებაზე, გარდა მიწისა, გადასახადის წლიური განაკვეთი დიფერენცირებულია გადასახადის გადამხდელის ოჯახის მიერ საგადასახადო წლის განმავლობაში მიღებული შემოსავლების მიხედვით და განსაზღვრულია შემდეგი ოდენობით:

1. 100 000 ლარამდე შემოსავლის მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,1%.

2. 100 000 ლარისა და მეტი შემოსავლის მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,9%.

3. სასოფლო-სამეურნეო დანიშნულების მიწაზე ქონების წლიური გადასახადი 1ჰა-ზე გაანგარიშებით დიფერენცირებულია მიწის ხარისხის მიხედვით და განსაზღვრულია:

ა) სახნავი და მრავალწლიანი ნარგავებით დაკავებული მიწებისათვის მიწის ხარისხის მიხედვით:

კარგი – 86 ლარი;

მწირი – 65 ლარი.

ბ) ბუნებრივი სათიბებისათვის – 18 ლარი;

გ) გაკულტურებული სათიბებისათვის – 20 ლარი;

დ) ბუნებრივი საძოვრებისათვის – 15 ლარი;

ე) გაკულტურებული საძოვრებისათვის – 16 ლარი.

4. არასასოფლო-სამეურნეო დანიშნულების მიწაზე ქონების წლიური გადასახადი 1 კვ.მ-ზე გაანგარიშებით გადასახადის საბაზისო განაკვეთის (0,24 ლარი) და ტერიტორიული კოეფიციენტის (0,3) გათვალისწინებით შეადგენს 0,072 ლარს.