სახელმწიფო ხაზინის განკარგულებაში არსებული თავისუფალი ფულადი სახსრებით მოკლევადიანი სესხების გაცემის წესის დამტკიცების თაობაზე

საქართველოს მთავრობის

დადგენილება №53

2011 წლის 31 იანვარი

ქ. თბილისი

  სახელმწიფო ხაზინის განკარგულებაში არსებული თავისუფალი ფულადი სახსრებით მოკლევადიანი სესხების გაცემის წესის დამტკიცების თაობაზე

მუხლი 1 . დამატებითი საბიუჯეტო შემოსულობების მიღების მიზნით , „საქართველოს მთავრობის სტრუქტურის , უფლებამოსილებისა და საქმიანობის წესის შესახებ “ საქართველოს კანონის მე -6 მუხლის პირველი პუნქტისა და „ნორმატიული აქტების შესახებ “ საქართველოს კანონის მე -12 მუხლის საფუძველზე დამტკიცდეს თანდართული სახელმწიფო ხაზინის განკარგულებაში არსებული თავისუფალი ფულადი სახსრებით მოკლევადიანი სესხების გაცემის წესი .

მუხლი 2 . დადგენილება ამოქმედდეს გამოქვეყნებისთანავე .

პრემიერ -მინისტრი ნ . გილაური

სახელმწიფო ხაზინის განკარგულებაში არსებული თავისუფალი ფულადი სახსრებით მოკლევადიანი სესხების გაცემის წესი

    მუხლი 1

სახელმწიფო ხაზინის განკარგულებაში არსებული თავისუფალი ფულადი სახსრებით მოკლევადიანი სესხების გაცემის წესი (შემდგომში – წესი ) განსაზღვრავს მოკლევადიანი სესხის გაცემასთან დაკავშირებული პროცედურების სამართლებრივ საფუძვლებს .

    მუხლი 2

საქართველოს ფინანსთა სამინისტროს სახაზინო სამსახური (შემდგომში – სახელმწიფო ხაზინა ) უფლებამოსილია გასცეს მოკლევადიანი სესხი მის განკარგულებაში არსებული თავისუფალი ფულადი სახსრების ხარჯზე .

    მუხლი 3

თავისუფალი ფულადი სახსრებით გაცემული მოკლევადიანი სესხები დაიფარება იმავე წელს .

    მუხლი 4

მოკლევადიანი სესხის მისაღებად იურიდიული პირი სახელმწიფო ხაზინაში წარადგენს განცხადებას , რომელიც უნდა შეიცავდეს ინფორმაციას სესხის ოდენობის , სარგებლობის ვადისა და მიზნობრიობის შესახებ .

    მუხლი 5

1 . სესხის მიმღების მიერ წარდგენილ განცხადებას იხილავს საქართველოს ფინანსთა მინისტრი და დადებითი გადაწყვეტილების მიღების შემთხვევაში გამოსცემს ინდივიდუალურ ადმინისტრაციულ -სამართლებრივ აქტს (ბრძანებას ) თავისუფალი ფულადი სახსრებით მოკლევადიანი სესხის გაცემის შესახებ , რომელშიც მიეთითება :

ა ) სესხის მიმღები ;

ბ ) სესხის გამცემი ;

გ ) სესხის ოდენობა ;

დ ) სესხის მოთხოვნის უზრუნველყოფის საშუალება , ასეთის არსებობის შემთხვევაში ;

ე ) სესხით სარგებლობის წლიური საპროცენტო განაკვეთი ;

ვ ) სესხით სარგებლობისა და სესხის დაბრუნების ვადები ;

ზ ) საჭიროების შემთხვევაში , სესხის გაცემასთან დაკავშირებული სხვა პირობები .

2. ამ მუხლის პირველი პუნქტით გათვალისწინებული ბრძანების გამოცემის შემთხვევაში , მის შესაბამისად ფორმდება სასესხო ხელშეკრულება საქართველოს ფინანსთა სამინისტროსა და სესხის მიმღებს შორის .

    მუხლი 6

სესხზე დარიცხული საპროცენტო სარგებელი მიიმართება სახელმწიფო ბიუჯეტის შემოსულობებში შესაბამის კოდზე .

    მუხლი 7

სესხის მიმღების მიერ სასესხო ხელშეკრულებით ნაკისრი სესხის დაბრუნების ვადების დარღვევის შემთხვევაში , სახელმწიფო ხაზინა მიმართავს ხელშეკრულებით გათვალისწინებულ სანქციებს .

    მუხლი 8

თავისუფალი ფულადი სახსრებით გაცემული მოკლევადიანი სესხების აღრიცხვისა და ანგარიშგების წესს ამტკიცებს საქართველოს ფინანსთა მინისტრი ინდივიდუალური ადმინისტრაციულ -სამართლებრივი აქტით (ბრძანებით ).