გურჯაანის მუნიციპალიტეტის ადმინისტრაციულ ფარგლებში ქონების გადასახადის განაკვეთების დადგენის შესახებ

 გურჯაანისმუნიციპალიტეტის საკრებულო ს

  დადგენილება №2

  2011 წლის 9 თებერვალი

ქ. გურჯაანი

 გურჯაანისმუნიციპალიტეტის ადმინისტრაციულ ფარგლებში ქონების გადასახადის განაკვეთების დადგენის შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „მ“ ქვეპუნქტის, „საქართველოს საგადასახადო კოდექსის“ მე-6 მუხლის მე-6 ნაწილის, მე-7 მუხლის, 201-ე – 206-ე მუხლების, „სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე“ საქართველოს მთავრობის 2010 წლის 23 დეკემბრის №394 დადგენილების, „ნორმატიული აქტების შესახებ“ საქართველოს კანონის 25-ე მუხლის 1-ლი პუნქტის „ბ“ ქვეპუნქტის შესაბამისად:

მუნიციპალიტეტის საკრებულო ადგენს:

    მუხლი 1.

შემოღებულ იქნ ე ს გურჯაანის მუნიციპალიტეტის ადმინისტრაციულ ფარგლებში ქონების გადასახადი.

    მუხლი 2.

ქონების გადასახადის გადამხდელნი არიან „საქართველოს საგადასახადო კოდექსის“ 201-ე მუხლით განსაზღვრული პირები.

    მუხლი 3.

დაბეგვრის განაკვეთები განისაზღვრება „საქართველოს საგადასახადო კოდექსის“ 202-ე მუხლის შესაბამისად.

    მუხლი 4.

საქართველოს საგადასახადო კოდექსის 201-ე მუხლის 1-ლი ნაწილის „გ“ პუნქტით განსაზღვრული ფიზიკური პირებისათვის დასაბეგრ ქონებაზე გადასახადის წლიური განაკვეთი დადგენილია საქართველოს საგადასახადო კოდექსის 202-ე მუხლის მე-5 პუნქტით და განისაზღვრება შემდეგი ოდენობით:

 ა) 100 000 ლარამდე შემოსავლის მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,1%.

 ბ) 100 000 ლარის ან მეტი შემოსავლის მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,9%.

    მუხლი 5.

საქართველოს საგადასახადო კოდექსის 203-ე მუხლით განსაზღვრულ პირთათვის იმავე კოდექსის 204-ე მუხლისა და „სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე“ საქართველოს მთავრობის 2010 წლის 23 დეკემბრის №394 დადგენილების შესაბამისად სასოფლო-სამეურნეო დანიშნულების მიწაზე ქონების გადასახადი ერთ ჰექტარზე გაანგარიშებით ლარებში განისაზღვროს შემდეგი ოდენობით:

1. სათიბებისა და საძოვრებისათვის :

ა) სათიბები – 18 ლარი;

ბ) საძოვრები – 15 ლარი;

გ) გაკულტურებული სათიბები – 20 ლარი;

დ) გაკულტურებული საძოვრები – 16 ლარი;

2. სხვა მიწებისათვის:

ა) კარგი– 87 ლარი;

ბ) მწირი– 67 ლარი.

    მუხლი 6.

არასასოფლო-სამეურნეო დანიშნულების მიწაზე ქონების გადასახადის საბაზისო განაკვეთი დგინდება წელიწადში მიწის ერთ კვადრატულ მეტრზე 0.24 ლარის ოდენობით, რომელიც მრავლდება ტერიტორიულ კოეფიციენტზე.

    მუხლი 7.

განისაზღვროს მუნიციპალიტეტის ადმინისტრაციულ ფარგლებში ტერიტორიული კოეფიციენტი – 0.45.

    მუხლი 8.

არასასოფლო-სამეურნეო დანიშნულების მიწაზე ქონების გადასახადი განისაზღვროს წელიწადში ერთ კვადრატულ მეტრზე 0, 108 ლარის ოდენობით.

    მუხლი 9.

გადასახადის გადახდა და ანგარიშგება განხორციელდეს საქართველოს საგადასახადო კოდექსის 205-ე მუხლის შესაბამისად.

    მუხლი 10.

საგადასახადო შეღავათები გავრცელდეს საქართველოს საგადასახადო კოდექსის 206-ე მუხლის შესაბამისად.

    მუხლი 11.

ძალადაკარგულად იქნეს ცნობილი გურჯაანის მუნიციპალიტეტის საკრებულოს 2010 წლის 28 იანვრის №3 დადგენილება „გურჯაანის მუნიციპალიტეტის ადმინისტრაციულ ფარგლებში ქონების გადასახადის განაკვეთების დადგენის შესახებ~.

    მუხლი 12.

დადგენილება ძალაშია გამოქვეყნებისთანავე.

საკრებულოს თავმჯდომარის

მოვალეობის შემსრულებელი

თავმდომარის მოადგილე      ა. სირბილაშვილი