მცხეთის მუნიციპალიტეტის თვითმმართველობის საკუთრებაში არსებული ქონების საწყისი წლიური ქირის ოდენობის განსაზღვრის შესახებ

მ ცხეთის მუნიციპალიტეტის საკრებულოს

დადგენილება№17

2011 წლის 18 თებერვალი

ქ. მცხეთა

მცხეთის მუნიციპალიტეტის თვითმმართველობის საკუთრებაში არსებული ქონების საწყისი წლიური ქირის ოდენობის განსაზღვრის შესახებ

საქართველოს ორგანული კანონის „ადგილობრივი თვითმმართველობის შესახებ” 22-ე მუხლის პირველი პუნქტის „ქ” ქვეპუნქტის, „ადგილობრივი თვითმმართველი ერთეულის ქონების შესახებ” 19⁵ მუხლის პირველი და მე-3 პუნქტების, „ადგილობრივი თვითმმართველი ერთეულის საკუთრებაში არსებული ქონების სარგებლობის უფლებით გადაცემის შესახებ” საქართველოს კანონისა და საქართველოს ეკონომიკური განვითარების მინისტრის 2007 წლის 28 სექტემბრის№1-1/1476 ბრძანებით დამტკიცებული წესის მე-2 მუხლის მე-2 პუნქტის შესაბამისად, მცხეთის მუნიციპალიტეტის საკრებულო ადგენს :

    მუხლი 1

დამტკიცდეს მცხეთის მუნიციპალიტეტის თვითმმართველობის საკუთრებაში არსებული არასასოფლო-სამეურნეო დანიშნულების მიწის საწყისი წლიური ქირის ოდენობა და განისაზღვროს 1 კვ. მეტრზე არასასოფლო-სამეურნეო დანიშნულების მიწის ნორმატიული ფასის 5,5 %-ის ოდენობით.

    მუხლი 2

დანარჩენი ქონების საწყისი წლიური ქირის ოდენობა განისაზღვროს საპრივატიზებო საწყისი ფასის 5,5 %-ის ოდენობით.

    მუხლი 3

დადგენილება ამოქმედდეს გამოქვეყნებისთანავე.

     საკრებულოს თავმჯდომარე              ა. კალანდაძე