ხაშურის მუნიციპალიტეტის გამგეობის სპეციალისტების ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების შესახებ

ხაშურის მუნიციპალიტეტის საკრებულ ოს

დადგენილება №18

2011 წლის 18 თებერვალი

ქ. ხაშური

ხაშურის მუნიციპალიტეტის გამგეობის სპეციალისტების ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 43-ე მუხლის მე-2 პუნქტის და ,,საჯარო სამსახურის შესახებ“ საქართველოს კანონის მე-19 მუხლის შესაბამისად,

1. დამტკიცდეს ხაშურის მუნიციპალიტეტის გამგეობის ადმინისტრაციული სამსახურის სპეციალისტის (იურისტი), საფინანსო-საბიუჯეტო სამსახურის საფინანსო განყოფილების სპეციალისტის, ეკონომიკისა და ინფრასტრუქტურის განვითარების სამსახურის ინფრასტრუქტურის განვითარებისა და ტერიტორიის კეთილმოწყობის განყოფილების სპეციალისტის, ეკონომიკისა და ინფრასტრუქტურის განვითარების სამსახურის სივრცითი მოწყობის, ურბანული დაგეგმარებისა და არქიტექტურულ-სამშენებლო საქმიანობის რეგულირების განყოფილების სპეციალისტის  ვაკანტური თანამდებობების დასაკავებლად კანდიდატებისათვის შემდეგი დამატებითი საკვალიფიკაციო მოთხოვნები:

ა) უმაღლესი განათლება;

ბ) საოფისე პროგრამების ცოდნა და ინტერნეტის მოხმარების უნარი;

გ) ინგლისური და რუსული ენების ცოდნა ჩაითვლება უპირატესობად.

2.დამტკიცდეს ხაშურის მუნიციპალიტეტის გამგეობის ადმინისტრაციული სამსახურის სპეციალისტის ( საზოგადოებასთან, პრესასთან და ტელევიზიასთან ურთიერთობის დარგში) ვაკანტური თანამდებობის დასაკავებლად კანდიდატებისათვის შემდეგი დამატებითი საკვალიფიკაციო მოთხოვნები:

ა) უმაღლესი განათლება;

ბ) საოფისე პროგრამების ცოდნა და ინტერნეტის მოხმარების უნარი;

გ) ინგლისური და რუსული ენების ცოდნა.

 3. ეს დადგენილება ამოქმედდეს გამოქვეყნებისთანავე.  

ხაშურის მუნიციპალიტეტის

საკრებულოს  თავმჯდომარე                       დ. ლომიძე