ზესტაფონის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე ქონების გადასახადის განაკვეთების დამტკიცების შესახებ

ზესტაფონის მუნიციპალიტეტის საკრებულოს

დადგენილება №7

2011 წლის 28 თებერვალი

ქ. ზესტაფონი

ზესტაფონის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე ქონების გადასახადის განაკვეთების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „მ“ ქვეპუნქტის და საქართველოს საგადასახადო კოდექსის 204-ე მუხლის მე-2 პუნქტის თანახმად:

მუხლი1

ზესტაფონის მუნიციპალიტეტის ტერიტორიაზე არასასოფლო-სამეურნეო დანიშნულების მიწის 1 მ²-ზე ქონების გადასახადის ოდენობა განისაზღვროს:

ა) ცენტრალური ზონისთვის დადგინდეს 1.5;

ბ) შუალედური ზონისთვის დადგინდეს 1,4;

გ) პერიფერიული ზონისთვის დადგინდეს 1,3.

მუხლი 2

ზესტაფონის მუნიციპალიტეტის შემადგენლობაში შემავალი სოფლისა და თემის ტერიტორიაზე:

ა) მიწაზე გადასახადის ტერიტორიული კოეფიციენტი განისაზღვროს 0,8-ით;

ბ) მუნიციპალიტეტის ტერიტორიაზე გამავალი ,,საქართველოს საერთაშორისო და შიდასახელმწიფოებრივი მნიშვნელობის საავტომობილო გზების ნუსხის დამტკიცების შესახებ“ საქართველოს პრეზიდენტის 2006 წლის 15 სექტემბრის №554 ბრძანებულებით განსაზღვრულ საერთაშორისო და შიდასახელმწიფოებრივი მნიშვნელობის საავტომობილო გზების 100 მეტრის რადიუსში (თითოეულ მხარეს) არსებულ მიწაზე გადასახადის ტერიტორიული კოეფიციენტი განისაზღვროს 1-ით.

მუხლი 3

დადგინდეს ქონების გადასახადი არასასოფლო-სამეურნეო დანიშნულების მიწის 1 მ²-ზე ზონირების მიხედვით:

ა) ცენტრალურ ზონაში 0,36 ლარი;

ბ) შუალედურ ზონაში 0,336 ლარი;

გ) პერიფერიულ ზონაში 0,312 ლარი;

დ) ზესტაფონის მუნიციპალიტეტის შემადგენლობაში შემავალი სოფლისა და თემის ტერიტორიაზე 0,192 ლარი;

ე) მუნიციპალიტეტის ტერიტორიაზე გამავალი ,,საქართველოს საერთაშორისო და შიდასახელმწიფოებრივი მნიშვნელობის საავტომობილო გზების ნუსხის დამტკიცების შესახებ“ საქართველოს პრეზიდენტის 2006 წლის 15 სექტემბრის №554 ბრძანებულებით განსაზღვრულ საერთაშორისო და შიდასახელმწიფოებრივი მნიშვნელობის საავტომობილო გზების 100 მეტრის რადიუსში (თითოეულ მხარეს) არსებულ მიწაზე 0,24 ლარი.

მუხლი 4

დადგენილება ძალაში შევიდეს კანონმდებლობით დადგენილი წესის შესაბამისად.

საკრებულოს თავმჯდომარე მ. მასხარაშვილი