საქართველოს თავდაცვის სამინისტროს მიერ ცალკეული მოძრავი ნივთების უსასყიდლოდ, მოხმარების მიზნით გადაცემის/მიღების თაობაზე

საქართველოსმთავრობის

დადგენილება№109

2011წლის 1 მარტი

ქ.თბილისი

საქართველოს თავდაცვის სამინისტროს მიერ ცალკეული მოძრავი ნივთების უსასყიდლოდ, მოხმარების მიზნით გადაცემის/მიღების თაობაზე

მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“საქართველოს კანონის მე-5 მუხლის „ი“ქვეპუნქტის შესაბამისად ნება დაერთოს:

1. საქართველოს თავდაცვის სამინისტროს, თავის ბალანსზე რიცხული სახელმწიფო საკუთრებაში არსებული ქონება – სამკურნალწამლო საშუალებები და კვების პროდუქტები, საკუთარი გადაწყვეტილებით, საჭიროების არსებობისას, მოხმარების მიზნით გადასცეს საქართველოს სახელმწიფო ხელისუფლების, აფხაზეთის ავტონომიური რესპუბლიკის, აჭარის ავტონომიური რესპუბლიკის, ადგილობრივი თვითმმართველობის ორგანოებს ან საჯარო სამართლის იურიდიულ პირებს.

2. საჯარო სამართლის იურიდიულ პირს – საქართველოს თავდაცვის სამინისტროს სამხედრო ჰოსპიტალს, თავის ბალანსზე რიცხული ამ დადგენილების პირველი მუხლის პირველ პუნქტში აღნიშნული სახის ქონება, საჭიროების არსებობისას, მოხმარების მიზნით გადასცეს საქართველოს თავდაცვის სამინისტროს.

მუხლი 2. დადგენილება ამოქმედდეს გამოქვეყნებისთანავე და გავრცელდეს ამ დადგენილების ამოქმედებამდე წარმოშობილ სამართლებრივ ურთიერთობებზე.

პრემიერ-მინისტრი                      ნ.გილაური