რუსთაველის პრემიის ლაურეატების ლია სტურუასათვის, ნანი ბრეგვაძის, ნიკოლოზ იგნატოვის, ვახტანგ ტაბლიაშვილისა და რევაზ გაბრიაძისათვის საქართველოს პრეზიდენტის გრანტის დანიშვნის შესახებ

საქართველოს პრეზიდენტის

ბრძანებულება №375

2000 წლის 17 აგვისტო

ქ. თბილისი

რუსთაველის პრემიის ლაურეატების ლია სტურუასათვის, ნანი ბრეგვაძის, ნიკოლოზ იგნატოვის, ვახტანგ ტაბლიაშვილისა და რევაზ გაბრიაძისათვის საქართველოს პრეზიდენტის გრანტის დანიშვნის შესახებ

1. მოწონებულ იქნეს საქართველოს პრეზიდენტთან არსებული ლიტერატურის, ხელოვნებისა და არქიტექტურის სახელმწიფო პრემიების კომიტეტის წინადადება და 2000 წლის 1 ივლისიდან დაენიშნოთ საქართველოს პრეზიდენტის გრანტი თითოეულს 130 (ასოცდაათი) ლარის ოდენობით რუსთაველის პრემიის შემდეგ ლაურეატებს: ლია სტურუას, ნანი ბრეგვაძეს, ნიკოლოზ იგნატოვს, ვახტანგ ტაბლიაშვილისა და რევაზ გაბრიაძეს.

2. საქართველოს ფინანსთა სამინისტრომ (ზ. ნოღაიდელი) საქართველოს 2000 წლის ცენტრალური ბიუჯეტით გათვალისწინებული საქართველოს პრეზიდენტის ფონდიდან დამატებით გამოუყოს 3900 ლარი საქართველოს პრეზიდენტთან არსებულ ლიტერატურის, ხელოვნებისა და არქიტექტურის სახელმწიფო პრემიების კომიტეტს, ხოლო 2001 წლის 1 იანვრიდან საქართველოს ცენტრალური ბიუჯეტის შესაბამისი წლის პროექტში გაითვალისწინოს სათანადო ასიგნებანი.

ე. შევარდნაძე