აღმასრულებელ ხელისუფლებაში დასაქმებულ მოსამსახურეთა შრომის ანაზღაურების მოწესრიგების ზოგიერთ ღონისძიებათა შესახებ

საქართველოს პრეზიდენტის

ბრძანებულება №638

2004 წლის 31 დეკემბერი

ქ. თბილისი

აღმასრულებელ ხელისუფლებაში დასაქმებულ მოსამსახურეთა შრომის ანაზღაურების მოწესრიგების ზოგიერთ ღონისძიებათა შესახებ

აღმასრულებელ ხელისუფლებაში შრომის ანაზღაურების სფეროში ერთიანი სახელმწიფო პოლიტიკის გატარების მიზნით ,,საჯარო სამსახურის შესახებ” საქართველოს კანონის მე-9 მუხლის მე-7 პუნქტის შესაბამისად:

1. აღმასრულებელ ხელისუფლებაში მოსამსახურეთა მინიმალური თანამდებობრივი სარგო განისაზღვროს 115 ლარის ოდენობით.

2. საქართველოს პრემიერ-მინისტრის თანამდებობრივი სარგო განისაზღვროს 3800 ლარის ოდენობით.

3. საქართველოს მთავრობის წევრისა და საქართველოს შეიარაღებული ძალების გენერალური შტაბის უფროსის თანამდებობრივი სარგო განისაზღვროს 3500 ლარის ოდენობით.

4. საქართველოს მთავრობის წევრის I მოადგილის და მოადგილის თანამდებობრივი სარგოები განისაზღვროს შესაბამისად 2900 და 2800 ლარის ოდენობით.

5. საქართველოს შეიარაღებული ძალების გენერალური შტაბის უფროსის I მოადგილის და მოადგილის თანამდებობრივი სარგოები განისაზღვროს შესაბამისად 2900 და 2800 ლარის ოდენობით.

6. ბრძანებულების შესრულების კონტროლი დაევალოს საქართველოს სახელმწიფო მინისტრს რეფორმების კოორდინაციის საკითხებში (კ. ბენდუქიძე), საქარველოს ფინანსთა სამინისტროს (ზ. ნოღაიდელი) და საქართველოს შრომის, ჯანმრთელობისა და სოციალური დაცვის სამინისტოს (ლ. ჭიპაშვილი).

7. ბრძანებულება ძალაშია 2005 წლის 1 იანვრიდან.

მ. სააკაშვილი