საქართველოს ეროვნული უშიშროების საბჭოს აპარატის ზოგიერთი კატეგორიის თანამშრომლეთა დიპლომატიური თანამდებობის პირებთან გათანაბრების შესახებ

საქართველოს პრეზიდენტის

ბრძანებულება №182

2004 წლის 25 მაისი

ქ. თბილისი

საქართველოს ეროვნული უშიშროების საბჭოს აპარატის ზოგიერთი კატეგორიის თანამშრომლეთა დიპლომატიური თანამდებობის პირებთან გათანაბრების შესახებ

„დიპლომატიური სამსახურის შესახებ” საქართველოს კანონის მე-2 მუხლის „თ“ ქვეპუნქტის შესაბამისად, მე-11 მუხლის:

ა) „ბ” ქვეპუნქტში მოცემულ დიპლომატიური თანამდებობის პირებთან გათანაბრდნენ საქართველოს ეროვნული უშიშროების საბჭოს მდივანი, საქართველოს ეროვნული უშიშროების საბჭის მდივნის მოადგილეები, უშიშროების საბჭოს აპარატის პოლიტიკური უსაფრთხოების დეპარტამენტის დირექტორი;

ბ) „გ” ქვეპუნქტში მოცემულ დიპლომატიური თანამდებობის პირებთან გათანაბრდეს საქართველოს ეროვნული უშიშროების საბჭოს აპარატის პოლიტიკური უსაფრთხოების დეპარტამენტის დირექტორის მოადგილე;

გ) „დ” ქვეპუნქტში მოცემულ დიპლომატიური თანამდებობის პირებთან გათანაბრდნენ საქართველოს ეროვნული უშიშროების საბჭოს აპარატის პოლიტიკური უსაფრთხოების დეპარტამენტის მთავარი მრჩევლები, ხოლო, თუ მათ აქვთ დიპლომატიურ სამსახურში მუშაობის სულ ცოტა 2 წლის სტაჟი და/ან აქვთ მინიჭებული დიპლომატიური რანგი, გათანაბრდნენ „დიპლომატიური სამსახურის შესახებ” საქართველოს კანონის მე-11 მუხლის „გ” ქვეპუნქტში მოცემულ დიპლომატიური თანამდებობის პირებთან.

მ. სააკაშვილი