საჯარო სამართლის იურიდიული პირის – სპეციალიზებული სამთო მაშველის შექმნის შესახებ

საქართველოს პრეზიდენტის

ბრძანებულება №164

2005 წლის 23 მარტი

ქ. თბილისი

საჯარო სამართლის იურიდიული პირის – სპეციალიზებული სამთო მაშველის შექმნის შესახებ

„საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად:

1. საქართველოს შინაგან საქმეთა სამინისტროს საგანგებო სიტუაციებისა და სამოქალაქო თავდაცვის დეპარტამენტის დაქვემდებარებაში მყოფი გასამხედროებული სამთო მაშველი ნაწილების შტაბის ბაზაზე შეიქმნას საჯარო სამართლის იურიდიული პირი – სპეციალიზებული სამთო მაშველი (შემდგომში – სამთო მაშველი).

2. საქართველოს შინაგან საქმეთა სამინისტრომ (ი. მერაბიშვილი) ერთ თვეში შეიმუშაოს და დაამტკიცოს სამთო მაშველის წესდება და დანიშნოს წარმომადგენლობაზე უფლებამოსილი პირი.

3. საქართველოს ეკონომიკური განვითარების სამინისტრომ (ა. ალექსიშვილი) და ქ. თბილისის მერიამ (ზ. ჭიაბერაშვილი) საქართველოს შინაგან საქმეთა სამინისტროს წინადადების საფუძველზე უზრუნველყონ სამთო მაშველისათვის სახელმწიფო ქონების კანონმდებლობით დადგენილი წესით გადაცემა.

4. სამთო მაშველის სახელმწიფო კონტროლი განახორციელოს საქართველოს შინაგან საქმეთა სამინისტრომ.

 მ. სააკაშვილი