საჯარო სამართლის იურიდიული პირის – საქართველოს ფოლკლორის სახელმწიფო ცენტრის შექმნის შესახებ

საქართველოს პრეზიდენტის

 ბრძანებულება №259

2005 წლის 27 აპრილი

ქ. თბილისი

საჯარო სამართლის იურიდიული პირის – საქართველოს ფოლკლორის სახელმწიფო ცენტრის შექმნის შესახებ

1. „საჯარო სამართლის იურიდიული პირის შესახებ“ საქართველოს კანონის მე-5 მუხლის  მე-2 პუნქტის „ბ“ ქვეპუნქტის შესაბამისად საქართველოს ხალხური შემოქმედების სამეცნიერო მეთოდური ცენტრის ბაზაზე შეიქმნას საჯარო სამართლის იურიდიული პირი – საქართველოს ფოლკლორის სახელმწიფო ცენტრი (შემდგომში – ცენტრი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი) განახორციელოს ცენტრის სახელმწიფო კონტროლი, დაამტკიცოს მისი დებულება და დანიშნოს ცენტრის წარმომადგენლობაზე უფლებამოსილი პირი.

3. ცენტრს ქ. თბილისში, რუსთაველის პრ. №22-ში მდებარე შენობის მეორე სართული                 (236 კვ.მ) გადაეცეს უსასყიდლო უზუფრუქტის ფორმით, ხოლო მოძრავი ქონება – კანონმდებლობით დადგენილი წესით.

4. საქართველოს ეკონომიკური განვითარების სამინისტრომ (ა. ალექსიშვილი) უმოკლეს დროში უზრუნველყოს კანონმდებლობით გათვალისწინებული ღონისძიებების განხორციელება ამ ბრძანებულების მე-3 პუნქტში მითითებული ქონების ცენტრისათვის გადასაცემად.

მ. სააკაშვილი