ენგურჰესის რეაბილიტაციის მიზნით გასატარებელი გადაუდებელი ღონისძიებების შესახებ

საქართველოს პრეზიდენტის

ბრძანებულება №1010

2005 წლის 30 ნოემბერი

ქ. თბილისი

ენგურჰესის რეაბილიტაციის მიზნით გასატარებელი გადაუდებელი ღონისძიებების შესახებ

„ევროპის რეკონსტრუქციისა და განვითარების ბანკის დაფინანსებით ენგურჰესის რეაბილიტაციისათვის 3T ტრანსფორმატორის გადაზიდვის შესახებ“ საქართველოს მთავრობის 2005 წლის 17 ნოემბრის №508 განკარგულების გათვალისწინებით, ენგურჰესის რეაბილიტაციისათვის აუცილებელი ტექნიკური საშუალებების ტრანსპორტირების მიზნით, გადასაზიდი ტვირთის სპეციფიკურობიდან გამომდინარე:

1. უკრაინის საზღვაო ფლოტის ხომალდებს „ტიტანიკს“, „ბოგატირს“ და „სილვიას“ მიეცეთ ქ. ოჩამჩირის საზღვაო ნავსადგურში შემოსვლის ნებართვა 2005 წლის 25 ნოემბრიდან 20 დეკემბრამდე პერიოდში.

2. 3T ტრანსფორმატორის ქ. ოჩამჩირის საზღვაო ნავსადგურიდან ენგურჰესამდე გადასაზიდად ნება დაერთოს გადამზიდავ კომპანია „რდ-ტრანსს“ აფხაზეთში (საქართველო) შემოიყვანოს შესაბამისი სატრანსპორტო საშუალებები.

3. საქართველოს საგარეო საქმეთა სამინისტრომ (გ. ბეჟუაშვილი) ზემოაღნიშნული უმოკლეს ვადაში, დადგენილი წესით, აცნობოს უკრაინის მხარეს.

მ. სააკაშვილი