„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში დამატების შეტანის თაობაზე

საქართველოს ფინანსთა მინისტრის

ბრძანება №203

2011 წლი ს 8 აპრილი

ქ. თბილისი

„გადასახადების ადმინისტრირების შესახებ“საქართველოს ფინანსთა მინისტრის 2010 წლის 31 დეკემბრის №996ბრძანებაში დამატების შეტანის თაობაზე

„ნორმატიული აქტების შესახებ“საქართველოს კანონის მე-20მუხლის მე-4პუნქტის შესაბამისად, ვბრძანებ:

მუხლი 1. „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით (სსმ, 3.01.11) დამტკიცებულ ინსტრუქციას დაემატოს შემდეგი შინაარსის 68¹ მუხლი:

     „მუხლი 68¹. უცხოელი ტურისტებისათვის საქართველოს ტერიტორიაზე ტურისტული მომსახურების პაკეტის მიწოდებისას დღგ-სგან განთავისუფლება ჩათვლის უფლებით

საქართველოს საგადასახადო კოდექსის 168-ე მუხლის მე-4 ნაწილის „ჟ“ქვეპუნქტის მიხედვით, ჩათვლის უფლებით დღგ-სგან განთავისუფლებულია ტუროპერატორების მიერ საქართველოს ტერიტორიაზე ტურისტულ ობიექტებში უცხოელი ტურისტების ორგანიზებული შემოყვანა და მათთვის საქართველოს ტერიტორიაზე ტურისტული მომსახურების პაკეტის მიწოდება. ამასთან, საქართველოს საგადასახადო კოდექსის 174-ე მუხლის მე-2 ნაწილის „ა.გ“ქვეპუნქტის შესაბამისად, პირს დღგ-ი ს ჩათვლის უფლება აქვს იმ შემთხვევაშიც, თუ მის მიერ გაწეული მომსახურება გამოყენებულ იქნება საქართველოს ტერიტორიის გარეთ გაწეული მომსახურებისათვის.

მაგალითი:

საქართველოს საწარმო (ტუროპერატორი) ტურისტულ პაკეტს აწვდის საქართველოში ორგანიზებულად შემოყვანილ უცხოელ ტურისტებს. პაკეტი შედგება საქართველოში და სომხეთში შეძენილი ტურისტული მომსახურებისგან. ამასთან, სომხეთში შეძენილი ტურისტული მომსახურება სომხეთის ტერიტორიაზევე მიეწოდება უცხოელ ტურისტებს.

შედეგი:

დეკლარაციაში დღგ-ი ს ჩათვლის უფლებით ტუროპერატორს შეუძლია ასახოს უცხოელი ტურისტებისათვის გაწეული მომსახურების სრული საკომპენსაციო თანხა.“.

მუხლი 2. ეს ბრძანება ამოქმედდეს გამოქვეყნებისთანავე და გავრცელდეს 2011 წლის 1 იანვრიდან წარმოშობილ სამართლებრივ ურთიერთობებზე.

კ. ბაინდურაშვილი