საქართველოს სახელმწიფო საზღვრის დაცვის სახელმწიფო დეპარტამენტის სამხედრო მოსამსახურეებისათვის ფულადი კმაყოფისა და სხვა სოციალური პირობების განსაზღვრის შესახებ

საქართველოს პრეზიდენტის

ბრძანებულება №192

2003 წლის 8 მაისი

ქ. თბილისი

საქართველოს სახელმწიფო საზღვრის დაცვის სახელმწიფო დეპარტამენტის სამხედრო მოსამსახურეებისათვის ფულადი კმაყოფისა და სხვა სოციალური პირობების განსაზღვრის შესახებ

საქართველოს სახელმწიფო საზღვრის დაცვის სახელმწიფო დეპარტამენტის გარკვეული კატეგორიის სამხედრო მოსამსახურეთა ფულადი კმაყოფისა და სხვა სოციალური პირობების განსაზღვრის მიზნით:

1. დამტკიცდეს საქართველოს სახელმწიფო საზღვრის დაცვის სახელმწიფო დეპარტამენტის იმ ქვედანაყოფების თანდართული ნუსხა, რომელთა სამხედრო მოსამსახურეთა სამხედრო სამსახური ითვლება სამხედრო სამსახურის გავლის განსაკუთრებულ პირობად (დანართი №1) და საქართველოს სახელმწიფო საზღვრის დაცვის სახელმწიფო დეპარტამენტის ქვედანაყოფების სამხედრო მოსამსახურეთა თანამდებობრივ განაკვეთზე დაწესებული დანამატების ნუსხა (დანართი №2).

2. „სამხედრო მოსამსახურის სტატუსის შესახებ” საქართველოს კანონის მე-15 მუხლის პირველი და მეექვსე პუნქტების შესაბამისად ამ ბრძანებულების პირველი პუნქტით დამტკიცებულ (დანართი №1) საქართველოს სახელმწიფო საზღვრის დაცვის სახელმწიფო საზღვრის დაცვის სახელმწიფო დეპარტამენტის ქვედანაყოფების სამხედრო მოსამსახურეებს, რომლებსაც მშვიდობიან პერიოდში უხდებათ სპეციალურ დავალებათა შესრულება, სამხედრო სამსახური ჩაეთვალოთ როგორც სამხედრო სამსახურის გავლის განსაკუთრებული პირობა.

3. საქართველოს სახელმწიფო საზღვრის დაცვის სახელმწიფო დეპარტამენტის ამ ბრძანებულების პირველი პუნქტით დამტკიცებულ №1 დანართში ჩამოთვლილი ქვედანაყოფების სამხედრო მოსამსახურეებს დაუწესდეთ თანამდებობრივი განაკვეთის დანამატი სამხედრო სამსახურის გავლის განსაკუთრებული პირობებისათვის ამ ბრძანებულების პირველი პუნქტით დამტკიცებული №2 დანართის შესაბამისად.

4. სპეციალურ დავალებათა შესრულების დროს, განსაკუთრებულ პირობებში სამსახურის გავლის პერიოდში სამხედრო მოსამსახურეთა კვების ნორმატივი განისაზღვროს საქართველოს ფინანსთა სამინისტროსა და ეკონომიკის, მრეწველობისა და ვაჭრობის სამინისტროს 2002 წლის 20 სექტემბრის №298-129 ერთობლივი ბრძანებით (ძირითადი ბრძანება №106/46, 2000 წ. 6 ნოემბერი) დაწესებული საქართველოსა და აშშ-ის „წვრთნისა და აღჭურვის” ერთობლივ პროგრამაში მონაწილე სამხედრო მოსამსახურეთა საყაზარმო კვების ნორმატივის ოდენობით.

5. აღნიშნული ღონისძიებების ფინანსური უზრუნველყოფა განხორციელდეს სახელმწიფო საზღვრის დაცვის სახელმწიფო დეპარტამენტისათვის სახელმწიფო ბიუჯეტით გათვალისწინებული ასიგნებებიდან, ხარჯების ეკონომიკური კლასიფიკაციის მუხლების მიზნობრივ მიმართულებათა ცვლილებების საქართველოს ფინანსთა სამინისტროსთან შეთანხმებით.

6. საქართველოს სახელმწიფო საზღვრის დაცვის სახელმწიფო დეპარტამენტმა (ვ. ჩხეიძე) გათვალისწინებული ღონისძიებები განახორციელოს ბრძანებულების ძალაში შესვლის დღიდან.

ე. შევარდნაძე

  დანართი №1

საქართველოს სახელმწიფო საზღვრის დაცვის სახელმწიფო დეპარტამენტის იმ ქვედანაყოფების ნუსხა, რომელთა სამხედრო მოსამსახურეთა სამხედრო სამსახური ითვლება სამხედრო სამსახურის გავლის განსაკუთრებულ პირობად

1. „ეუთოს” მისიის დაცვის სპეციალური კომენდატურა

2. ცალკეული სასაზღვრო კომენდატურა „მესტია”

3. ცალკეული სასაზღვრო კომენდატურა „აჭარა”

4. ცალკეული სასაზღვრო კომენდატურა „ბარისახო”

5. ცალკეული სასაზღვრო კომენდატურა „არხოტი”

6. ცალკეული სასაზღვრო კომენდატურა „ყაზბეგი”

7. სამცხე-ჯავახეთის რეგიონალური სამმართველო (მაღალმთიანი მონაკვეთი)

8. სასაზღვრო რაზმი „ლაგოდეხი” (მაღალმთიანი მონაკვეთი)

9. ცალკეული სასაზღვრო კომენდატურა „ლენტეხი”

10. ცალკეული სასაზღვრო კომენდატურა „ონი”

11. პირველი და მეორე სასაზღვრო დივიზიონი

12. საავიაციო რაზმი

13. პროგრამა „იორისა” და „რადარული” სისტემების ფუნქციონირების უზრუნველყოფით დაკავებული სამხედრო მოსამსახურეები.

შენიშვნა: ბრძანებულების მოთხოვნები გავრცელდეს:

*დანართში ჩამოთვლილი 1, 2, 3, 4, 5, 6, 7, 8, 13 პუნქტებით გათვალისწინებული ქვედანაყოფების სამხედრო მოსამსახურეებზე;

*ცალკეული სასაზღვრო კომენდატურა „ლენტეხისა” და „ონის” სამხედრო მოსამსახურეებზე კომენდატურების შექმნის დღიდან;

*პირველი და მეორე საზღვაო დივიზიონების მცურავი საშუალებების ეკიპაჟებზე, რომლებსაც საზღვაო აკვატორიის პატრულირება უხდებათ ზედიზედ სულ ცოტა 3 დღე;

*საავიაციო რაზმის იმ ეკიპაჟებზე, რომლებიც ფრენებს განახორციელებენ საქართველო-რუსეთის საზღვრისა და საზღვაო აკვატორიის კონტროლის გასაძლიერებლად.

დანართი№2

საქართველოს სახელმწიფო საზღვრის დაცვის სახელმწიფო დეპარტამენტის ქვედანაყოფების სამხედრო მოსამსახურეთა თანამდებობრივ განაკვეთებზე დაწესებული დანამატები

№	თანამდებობა	წოდებრივი კატეგორია	დანამატი თანამდებობრივ განაკვეთზე
1	2	3	4
1	რაზმის მეთაური	პოლკოვნიკი	300
2	რაზმის უფრ.მოადგილე	პოლკოვნიკი	280
3	შტაბის უფროსი	ვ/პოლკოვნიკი	280
4	კომენდატურის კომენდანტი	ვ/პოლკოვნიკი	300
5	უფროსი ბორტინჟინერი	ვ/პოლკოვნიკი	250
6	ესკადრილი ი ს მეთაური	ვ/პოლკოვნიკი	300
7	ხომალდის მეთაური	მე-2 რანგის კაპიტანი	300
8	კომენდანტის მოადგილე	მაიორი	250
9	კომენდატის თანაშემწე	მაიორი	250
10	შტაბის უფროსის მოადგილე	მაიორი	250
11	სამსახურის უფროსი	მაიორი	250
12	საგუშაგოს უფროსი	მაიორი	250
13	სამხედრო იურისტი	მაიორი	250
14	სამხედრო ფსიქოლოგი	მაიორი	250
15	ესკადრილიის უფრ.შტურმანი	მაიორი	250
16	რგოლის მეთაური	მაიორი	250
17	უფრ. მფრინავი	მაიორი	230
18	ხომალდის მეთაურის თანაშემწე	მესამე რანგის კაპიტანი	200
19	საბრძოლო ნაწილის მეთაური	მესამე რანგის კაპიტანი	200
20	ქვეგანყოფილების ოფიცერი	კაპიტანი	200
21	ოფიცერი	კაპიტანი	200
22	ეკიპაჟის მეთაური	კაპიტანი	200
23	ბორტტექნიკოსი	კაპიტანი	200
24	მფრინავი შტურმანი	კაპიტანი	200
25	საგუშაგოს უფროსის მოადგილე	კაპიტანი	200
26	პოსტის უფროსი	კაპიტანი	200
27	ოცეულის მეთაური	უფროსი ლეიტენანტი	200
28	ბოცმანი	მასტერ მიჩმანი	150
29	საარტილერიო-საზენიტო ჯგუფის ზემდეგი	მასტერ მიჩმანი	150
30	მოტორისტი	უფროსი ს ე რჟანტი	150
31	პარაშუტისტი	მასტერ სერჟანტი	150
32	საგუშაგოს ზემდეგი	მასტერ სერჟანტი	150
33	პოსტის ზემდეგი	მასტერ სერჟანტი	150
34	ტექნიკოსი	სერჟანტი	150
35	ოპერატორი	კაპრალი	150
36	მესაჭე-მესიგნალე	საზღვაო კაპრალი	150
37	რადიოტელეგრაფისტი	საზღვაო კაპრალი	150

 

შენიშვნა:

1. სამხედრო მოსამსახურეებს, რომელთა თანამდებობები არ არის გათვალისწინებული აღნიშნულ ნუსხაში, დანამატი განესაზღვროთ შესაბამისი თანამდებობრივი და წოდებრივი სარგოს არა უმეტეს სამმაგი ოდენობისა;

2. ერთჯერადი დახმარების გაანგარიშება განხორციელდეს წინამდებარე თანხების გარეშე.