ეროვნული უშიშროების კონცეფციის შემმუშავებელი კომისიის შესახებ

საქართველოს პრეზიდენტის

ბრძანებულება №446

2002 წლის 28 ოქტომბერი

ქ. თბილისი

ეროვნული უშიშროების კონცეფციის შემმუშავებელი კომისიის შესახებ

1. მიღებულ იქნეს ცნობად, რომ „ეროვნული უშიშროების კონცეფციის შემმუშავებელი კომისიის შესახებ“ საქართველოს პრეზიდენტის 1996 წლის 23 აგვისტოს №551 ბრძანებულებით შექმნილმა კომისიამ დაასრულა მუშაობა და მოამზადა ეროვნული უშიშროების კონცეფციის პროექტები.

2. ძალადაკარგულად ჩაითვალოს „ეროვნული უშიშროების კონცეფციის შემმუშავებელი კომისიის შესახებ“ საქართველოს პრეზიდენტის 1996 წლის 23 აგვისტოს №551 ბრძანებულება.

3. ეროვნული უშიშროების კონცეფციის არსებული პროექტების შეჯერებისა და საბოლოო ვერსიის შემუშავების მიზნით შეიქმნას სამთავრობო კომისია შემდეგი შემადგენლობით:

ირაკლი მენაღარიშვილი – საქართველოს საგარეო საქმეთა მინისტრი, კომისიის თავმჯდომარე

ლევან ალექსიძე – საქართველოს სახელმწიფო კანცელარიის  მთავარი  კონსულტანტი საერთაშორისო სამართლის საკითხებში

გიორგი გაჩეჩილაძე – საქართველოს ეკონომიკის, მრეწველობისა და ვაჭრობის მინისტრი

როლანდ გილიგაშვილი – საქართველოს იუსტიციის მინისტრი

მირიან გოგიაშვილი – საქართველოს ფინანსთა მინისტრი

ალბერტ თავხელიძე – საქართველოს მეცნიერებათა აკადემიის პრეზიდენტი, აკადემიკოსი

დავით თევზაძე – საქართველოს თავდაცვის მინისტრი

ედუარდ კაკაბაძე – აჭარის ავტონომიური რესპუბლიკის მინისტრთა საბჭოს თავმჯდომარე

კობა ნარჩემაშვილი – საქართველოს შინაგან საქმეთა მინისტრი

თევდორე ნინიძე – საქართველოს იუსტიციის საბჭოს წევრი

ნინო ჩხობაძე – საქართველოს გარემოსა და ბუნებრივი რესურსების დაცვის მინისტრი

ლონდერ ცაავა – აფხაზეთის ავტონომიური რესპუბლიკის მინისტრთა საბჭოს თავმჯდომარე

ვალერიან ხაბურძანია – საქართველოს სახელმწიფო უშიშროების მინისტრი

თედო ჯაფარიძე – საქართველოს პრეზიდენტის თანაშემწე ეროვნული უშიშროების საკითხებში, ეროვნული უშიშროების საბჭოს მდივანი.

ეთხოვოს ირაკლი ბათიაშვილს – საქართველოს პარლამენტის წევრს, საქართველოს პარლამენტის თავდაცვისა და უშიშროების კომიტეტის თავმჯდომარეს – მონაწილეობა მიიღოს აღნიშნული კომისიის მუშაობაში.

4. აღნიშნული ბრძანებულების შესრულების კონტროლი განახორციელოს ეროვნული უშიშროების საბჭოს მდივანმა  თ.ჯაფარიძემ.

ე. შევარდნაძე