„სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულება დამტკიცების შესახებ“ სენაკის მუნიციპალიტეტის საკრებულოს 2011 წლის 21 იანვრის №7 დადგენილებაში ცვლილებების შეტანის თაობაზე

სენაკის მუნიციპალიტეტის საკრებულოს

დ ა დ გ ე ნ ი ლ ე ბ ა №20

2011 წლის 29 აპრილი

ქ. სენაკი

„სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულება დამტკიცების შესახებ“ სენაკის მუნიციპალიტეტის საკრებულოს 2011 წლის 21 იანვრის №7 დადგენილებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონი ს მე-20 მუხლის, „ადგილობრივი თვითმმართველობის შესახებ“ საქართველოს ორგანული კანონის 44-ე მუხლის პირველი პუნქტის შესაბამისად, სენაკის მუნიციპალიტეტის საკრებულო ა დ გ ე ნ ს:

1.  „სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულება დამტკიცების შესახებ“ სენაკის მუნიციპალიტეტის საკრებულოს 2011 წლის 21 იანვრის №7 დადგენილებაში შეტანილ იქნეს შემდეგი ცვლილება:

   ა) დადგენილების პრეამბულა ჩამოყალიბდეს შემდეგი რედაქციით:

  „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და 43-ე მუხლის მე-2 პუნქტის, აგრეთვე „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად“.

2.  „სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულება დამტკიცების შესახებ“ სენაკის მუნიციპალიტეტის საკრებულოს 2011 წლის 21 იანვრის №7 დადგენილებით დამტკიცებულ დებულებაში შეტანილ იქნეს შემდეგი ცვლილებები:

ა) დებულების მე-2 მუხლის მე-3 პუნქტი ჩამოყალიბდეს შემდეგი რედაქციით:

 „3. სამსახურის საქმიანობას წარმართავს სამსახურის უფროსი, რომლის უფლებამოსილებები განისაზღვრება გამგეობის დებულებით და სამუშაოთა აღწერილობით. უფროსის არყოფნის შემთხვევაში, სამსახურის უფროსის უფლება-მოვალეობებს გამგებლის დავალებით ახორციელებს ერთ-ერთი განყოფილების უფროსი.“;

ბ) დებულების მე-3 მუხლი ჩამოყალიბდეს შემდეგი რედაქციით:

 „მუხლი 3. სამსახურის ფუნქციები

     სამსახური დადგენილი წესით უზრუნველყოფს:

ა) აკონტროლებს დაქვემდებარებულ დანაყოფებში სამსახურებისა და ხანძრის ჩაქრობის ორგანიზაციასა და განხორციელების წესის შესრულებას, ტაქტიკური და პროფესიული მომზადების სრულყოფას;   

ბ) ხანძრების ჩაქრობის ღონისძიებებს;

გ) ხანძრებისა და მათი შედეგების, ასევე პირველი რიგის საავარიო-სამაშველო (ტექნიკური) სამუშაოების აღრიცხვას;

დ) სახელმწიფო ხანძარსაწინააღმდეგო ზედამხედველობის განხორციელების სფეროში ,,სახანძრო უსაფრთხოების შესახებ” საქართველოს კანონის მე-2 მუხლით განსაზღვრული სხვა ფუნქციების შესრულებას;

ე) სახელმწიფო ხანძარსაწინააღმდეგო ზედამხედველობის და სამსახურის ორგანიზაციის დახვეწის მიზნით კონტროლს და მეთოდური დახმარების გაწევას დაქვემდებარებული დანაყოფისადმი;

ვ) ხანძრებზე სამსახურის დანაყოფების მუშაობის გაანალიზებას; წინადადებებისა და ღონისძიებების მომზადებას პირადი შემადგენლობის საბრძოლო მომზადების ამაღლებისათვის;

ზ) ხანძრის ჩაქრობაში მონაწილე ყველა ფორმირების ოპერატიულ მართვას;

თ) მიწისძვრის, წყალდიდობისას და ფორს-მაჟორულ სიტუაციაში სამაშველო ოპერაციების დაგეგმვას და განხორციელებას;

ი) საჭიროების შემთხვევაში მონაწილეობის მიღებას სამაშველო ოპერაციებში საქართველოს მ თ ელ ტერიტორიაზე და მის ფარგლებს გარეთ;

კ) ოპერატიულ რეაგირებას სამაშველო საჭირეობასთან დაკავშირებით შემოსულ ყველა შეტყობინებაზე;

ლ) მუნიციპალიტეტის ბიუჯეტის შედგენასთან დაკავშირებით თვითმმართველობის ორგანოების ხარჯთა ნუსხის პროექტების შემუშავებას და წარდგენას, სამსახურის ორგანიზაციისათვის საჭირო რიცხოვნობისა და სტრუქტურული საკითხების გადასაწყვეტად წინადადებების მომზადებას;

მ) დაქვემდებარებულ დანაყოფებში სახანძრო-სამაშველო ტექნიკისა და ტექნიკური შეიარაღების ექსპლოატაციის მდგომარეობის კონტროლს;

ნ) სახანძრო დაცვისა და სამაშველო უსაფრთხოების უზრუნველყოფის საკითხებში ურთიერთანამშრომლობას მუნიციპალიტეტის სხვა სამსახურებთან და ორგანიზაცია-დაწესებულებებთან;

ო) მოქმედი კანონმდებლობით და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“;

გ) დებულების მე-5 და მე-6 მუხლები ამოღებულ იქნეს.

3. დადგენილება ძალაშია „ნორმატიული აქტების შესახებ“ საქართველოს კანონით დადგენილი წესით, გამოქვეყნებისთანავე.

  საკრებულოს თავმჯდომარე       ბ. ნარმანია