შავი ან/და ფერადი ლითონების ჯართის ექსპორტის მომსახურებაზე ტარიფის ოდენობისა და გადახდის წესის განსაზღვრის თაობაზე

საქართველოს მთავრობის

დადგენილება №210

2011 წლის13 მაისი

ქ. თბილისი

შავი ან/და ფერადი ლითონების ჯართის ექსპორტის მომსახურებაზე ტარიფის ოდენობისა და გადახდის წესის განსაზღვრის თაობაზე

მუხლი 1. საქართველოს საგადასახადო კოდექსის 226¹ მუხლის შესა­ბა­მისად:

1. შავი ან/და ფერადი ლითონების ჯართის ექსპორტისათვის განი­საზღვროს მომსახურების ტარიფი 160 ლარის ოდენობით ერთ ტონაზე.

2. შავი ან/და ფერადი ლითონების ჯართის ექსპორტის მომსახურების ტარიფის გადახდა ხორციელდება 302003289 სახაზინო კოდზე და ტარიფის გადახდის დამადასტურებელი დოკუმენტი საგადასახადო ორგანოს წა­რე­დ­გინება ექსპორტის დეკლარაციასთან ერთად.

3. დაუშვებელია მომსახურების ტარიფის გადახდის გარეშე შავი ან/და ფერადი ლითონების ჯართის ექსპორტის განხორციელება.

4. შავი ან/და ფერადი ლითონების ჯართად მიიჩნევა ლითონის მეო­რადი ნედლეული, რომელიც  განკუთვნილია საწარმოო გადამუშავებისათ­ვის, და რომელიც წარმოიშვება ლითონის წარმოების ან მექანიკური და­მუშავების პროცესში, ასევე ლითონის ის ნაკეთობები, რომლებიც გა­მოუ­სა­დეგარია იმ დანიშნულებით გამოსაყენებლად, რისთვისაც ისინი შეიქმნა გატეხვის, გაცვეთის (მათ შორის, მორალური), მექანიკური, ქიმი­ური და­ზია­ნების ან სხვა მიზეზთა გამო.

5. შავი ან/და ფერადი ლითონების ჯართის ექსპორტის მომსახურების ტარიფის ადმინისტრირება უზრუნველყოს საჯარო სამართლის იური­დი­ულ­მა პირმა – შემოსავლების სამსახურმა 2011 წლის 6 მაისიდან.

მუხლი 2. დადგენილება ამოქმედდეს გამოქვეყნებისთანავე და მისი მოქ­მედება გავრცელდეს 2011 წლის 6 მაისიდან წარმოშობილ სამარ­თლებ­რივ ურთიერთობებზე.

პრემიერ-მინისტრი        ნ. გილაური