საქართველოს იუსტიციის სამინისტროს ცენტრალურ აპარატში თანამდებობათა შესაბამისი ზღვრული სპეციალური წოდებების დაწესების თაობაზე

სახელმწიფო სარეგისტრაციო ნომერი 010.320.030.11.106.004.663

საქართველოს იუსტიციის მინისტრის

ბრძანება №78

2001 წლის 22 თებერვალი

ქ. თბილისი

საქართველოს იუსტიციის სამინისტროს ცენტრალურ აპარატში თანამდებობათა შესაბამისი ზღვრული სპეციალური წოდებების დაწესების თაობაზე

„საქართველოს იუსტიციის სამინისტროს სპეციალური წოდებების მინიჭების წესისა და პირობების შესახებ" საქართველოს იუსტიციის მინისტრის 2001 წლის 12 თებერვლის №66 ბრძანების მე-5 მუხლის მე-4 პუნქტის შესაბამისად, ვბრძანებ:

1. დამტკიცდეს საქართველოს იუსტიციის სამინისტროს ცენტრალურ აპარატში თანამდებობათა შესაბამისი ზღვრული სპეციალური წოდებები (დანართი №1).

2. ეს ბრძანება ძალაშია გამოქვეყნებისთანავე.

მ. სააკაშვილი

 

დანართი №1

საქართველოს იუსტიციის სამინისტროს ცენტრალურ აპარატში წესდება თანამდებობათა შესაბამისი შემდეგი ზღვრული სპეციალური წოდებები:

1. სამინისტროს ხელმძღვანელობა:

ა) მინისტრი, მინისტრის პირველი მოადგილე – იუსტიციის მთავარი სახელმწიფო მრჩეველი;

ბ) მინისტრის მოადგილე – იუსტიციის სახელმწიფო მრჩეველი.

2. სამინისტროს სტრუქტურული ქვედანაყოფის (დეპარტამენტის, სამსახურის) უფროსი, რომლის დაქვემდებარებაში შედის ორი ან მეტი ქვედანაყოფი – იუსტიციის სახელმწიფო მრჩეველი.

3. დეპარტამენტის, სამსახურის, მინისტრის კაბინეტის, მთავარი სამმართველოს უფროსის მოადგილე, სამმართველოს, განყოფილების, სექტორის უფროსი – იუსტიციის უფროსი მრჩეველი.

4. სამმართველოს, განყოფილების, ქვეგანყოფილების, სექტორის უფროსის მოადგილე – იუსტიციის უფროსი მრჩეველი.

5. სამინისტროს სხვა მოსამსახურეები:

ა) მინისტრის მრჩეველი – იუსტიციის უფროსი მრჩეველი;

ბ) მინისტრის (მინისტრის მოადგილეების) თანაშემწე – იუსტიციის უმცროსი მრჩეველი;

გ) მინისტრის (მინისტრის მოადგილეების) მდივან-სპეციალისტი I კლასის იურისტი;

დ) სამინისტროს მრჩეველი – იუსტიციის უმცროსი მრჩეველი;

ე) სამინისტროს სპეციალისტი – II კლასის იურისტი.