„სააღსრულებო წარმოებათა შესახებ” საქართველოს კანონის მე-10 მუხლით გათვალისწინებული საქართველოს იუსტიციის სამინისტროს სპეციალურ ანგარიშზე ჩარიცხული თანხის ხარჯვისა და გამოყენების წესის დამტკიცების შესახებ

✨ ჰკითხე AI-ს ამ კანონის შესახებ
საქართველოს მინისტრის ბრძანება ძალადაკარგული სააღსრულებო სამართალი
მიღების თარიღი
05.03.2001 ძალადაკარგული 20.06.2001
გამომცემი ორგანო
საქართველოს იუსტიციის მინისტრი
ნომერი
№88
სარეგისტრაციო კოდი
070110000.11.106.004681
გამოქვეყნების წყარო
matsne.gov.ge , სსმ, 21, 08/03/2001
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
ცვლილებები (1)
1
საქართველოს იუსტიციის სამინისტროს სპეცსახსრების ანგარიშზე შემოსული თანხების ხარჯვის ერთიანი წესის დამტკიცების შესახებ
20.06.2001
08.03.2001 20.06.2001

დოკუმენტის ტექსტი

სახელმწიფო სარეგისტრაციო კოდი 070.010.010.11.106.004.681

საქართველოს იუსტიციის მინისტრის

ბრძანება №88

2001 წლის 5 მარტი

ქ. თბილისი­

„სააღსრულებო წარმოებათა შესახებ” საქართველოს კანონის მე-10 მუხლით გათვალისწინებული საქართველოს იუსტიციის სამინისტროს სპეციალურ ანგარიშზე ჩარიცხული თანხის ხარჯვისა და გამოყენების წესის დამტკიცების შესახებ

„სააღსრულებო წარმოებათა შესახებ” საქართველოს კანონის მე-10 მუხლის მე-5 პუნქტის თანახმად ვბრძანებ:

დამტკიცდეს „სააღსრულებო წარმოებათა შესახებ” საქართველოს კანონის მე-10 მუხლით გათვალისწინებული საქართველოს იუსტიციის სამინისტროს სპეციალურ ანგარიშზე ჩარიცხული თანხის ხარჯვისა და გამოყენების წესი” (დანართი №1).

მ. სააკაშვილი

დანართი №1

„სააღსრულებო წარმოებათა შესახებ” საქართველოს კანონის მე-10 მუხლით გათვალისწინებული საქართველოს იუსტიციის სამინისტროს სპეციალურ ანგარიშზე ჩარიცხული თანხის ხარჯვისა და გამოყენების წესი”

    მუხლი 1

ეს წესი განსაზღვრავს „სააღსრულებო წარმოებათა შესახებ” საქართველოს კანონის მე-10 მუხლით გათვალისწინებული საქართველოს იუსტიციის სამინისტროს სპეციალურ ანგარიშზე ჩარიცხული თანხის ხარჯვისა და გამოყენების წესს.

    მუხლი 2

1. „სააღსრულებო წარმოებათა შესახებ” საქართველოს კანონის მე-10 მუხლით გათვალისწინებული თანხის 20% ამ წესის მე-3 მუხლის შესაბამისად წარიმართება სასამართლო აღმასრულებლების პრემირებაზე და სააღსრულებო ბიუროების მატერიალურ-ტექნიკურ უზრუნველყოფაზე, 30% – სააღსრულებო დეპარტამენტისა და სააღსრულებო პოლიციის თანამშრომელთა პრემირებასა და სააღსრულებო დეპარტამენტის მატერიალურ-ტექნიკურ უზრუნველყოფაზე, ხოლო 50% – საქართველოს იუსტიციის სამინისტროს ცენტრალური აპარატის პრემირებასა და მატერიალურ-ტექნიკურ უზრუნველყოფაზე.

    მუხლი 3

სასამართლო აღმასრულებლების პრემირებისა და სააღსრულებო ბიუროების მატერიალურ-ტექნიკურ უზრუნველყოფისათვის განკუთვნილი თანხის 50% წარიმართება იმ სასამართლო აღმასრულებელთა პრემირებისათვის, რომელთა წარმოებაში არსებული საქმეებიდან მოხდა საქართველოს იუსტიციის სამინისტროს სპეციალურ ანგარიშზე თანხის ჩარიცხვა, ხოლო 50% – მოხმარდება სააღსრულებო ბიუროს მატერიალურ-ტექნიკური ბაზის გაუმჯობესებასა და სხვა სასამართლო აღმასრულებელთა პრემირებას.

    მუხლი 4

1. საფინანსო-სამეურნეო დეპარტამენტი სააღსრულებო დეპარტამენტის წარდგინების საფუძველზე ახდენს პრემიების ოდენობის დაანგარიშებასა და ამზადებს საქართველოს იუსტიციის მინისტრის ბრძანების პროექტს სასამართლო აღმასრულებლების, სააღსრულებო დეპარტამენტისა და სააღსრულებო პოლიციის თანამშრომელთა პრემირების შესახებ.

2. სასამართლო აღმასრულებლებზე, სააღსრულებო დეპარეტამენტისა და სააღსრულებო პოლიციის სამმართველოს თანამშრომლებზე პრემიების გაცემა წარმოებს საქართველოს იუსტიციის მინისტრის ბრძანების საფუძველზე.

    მუხლი 5

სააღსრულებო დეპარტამენტისა და სააღსრულებო ბიუროების მატერიალურ-ტექნიკური უზრუნველყოფისათვის განკუთვნილი თანხის ხარჯვა ხდება სააღსრულებო დეპარტამენტის თავმჯდომარის წერილობითი შუამდგომლობის საფუძველზე საფინანსო-სამეურნეო დეპარტამენტის მიერ კანონმდებლობით დადგენილი წესით.