საქართველოს საგადასახადო შემოსავლების სამინისტროს მსხვილ გადამხდელთა ინსპექციის თანამშრომლების შრომის ანაზღაურების მოწესრიგების შესახებ

სახელმწიფო სარეგისტრაციო კოდი 200.250.000.11.114.004.758

საქართველოს საგადასახადო შემოსავლების მინისტრის

ბრძანება№252

2001 წლის 27 აპრილი

ქ. თბილისი

საქართველოს საგადასახადო შემოსავლების სამინისტროს მსხვილ გადამხდელთა ინსპექციის თანამშრომლების შრომის ანაზღაურების მოწესრიგების შესახებ

საქართველოს საგადასახადო კოდექსის 270-ე მუხლის, საქართველოს საბაჟო კოდექსის 169-ე მუხლის,  საქართველოს პრეზიდენტის 2000 წლის 14 ოქტომბრის №447 ბრძანებულების “საქართველოს საგადასახადო შემოსავლების სამინისტროს მსხვილ გადამხდელთა ინსპექციის რეორგანიზაციისა და საშტატო რიცხოვნობის განსაზღვრის შესახებ” შესაბამისად, მსხვილ გადამხდელთა ინსპექციის თანამშრომელთა შრომის ანაზღაურების პირობების გაუმჯობესებისა და სტაბილურობის უზრუნველყოფის მიზნით,ვბრძანებ:

1. საქართველოს საგადასახადო შემოსავლების სამინისტროს მსხვილ გადამხდელთა ინსპექციის თანამშრომელთა მატერიალური წახალისების მიზნით შემოღებულ იქნეს ყოველთვიური პრემია დაკავებულ თანამდებობათა მიხედვით, თანახმად დანართისა (№1).

2. საგადასახადო სისტემაში კვარტალური საპროგნოზო მაჩვენებლების შესრულებისათვის და გაწეული მუშაობის შედეგების შესაბამისად უფლება მიეცეს მსხვილ გადამხდელთა ინსპექციას საქართველოს საგადასახადო შემოსავლების სამინისტროსთან შეთანხმებით თითოეულ თანამშრომელზე გასცეს კვარტალური პრემიები ამ ბრძანების პირველი პუნქტით გათვალისწინებული ყოველთვიური პრემიის ხუთმაგი ოდენობით.

3. ყოველთვიური და კვარტალური პრემიების თანხების დარიცხვა განხორციელდეს საქართველოს საგადასახადო კოდექსის 270-ე  და საბაჟო კოდექსის 169-ე მუხლების შესაბამისად, საქართველოს საგადასახადო შემოსავლების სამინისტროსთან შექმნილი ფონდებიდან.

4. საქართველოს საგადასახადო შემოსავლების სამინისტროს მსხვილ გადამხდელთა ინსპექციამ თანამშრომლებზე შრომის ანაზღაურების გაცემა აწარმოოს საბანკო დაწესებულებების მეშვეობით.

5. ფინანსებისა და საბუხჰალტრო აღრიცხვის სამმართველომ (კ. გედევანიშვილი):

– ყოველი მომდევნო თვის ხუთ რიცხვამდე უზრუნველყოს ზემოაღნიშნული სამსახურის საპრემიო ფონდებისთვის საჭირო ოდენობის თანხების გადატანა მათ სპეციალური სახსრების ანგარიშებზე.

– ორი კვირის განმავლობაში უზრუნველყოს აღნიშნული სამსახურის ნორმალური ფუნქციონირებისათვის საჭირო საექსპლუატაციო და სამეურნეო ხარჯების ხარჯთაღრიცხვების მომზადება და დასამტკიცებლად წარმოდგენა. აღნიშნულის შესაბამისად განახორციელოს ყოველთვიური ხარჯებისათვის საჭირო თანხების გადატანა მათ სპეციალური სახსრების ანგარიშებზე.

– მ/წლის 20 თებერვლამდე უზრუნველყოს საქართველოს საგადასახადო შემოსავლების სამინისტროს მსხვილ გადამხდელთა ინსპექციის თანამშრომლების შრომის ანაზღაურების საბანკო დაწესებულებების მეშვეობით გაცემის უზრუნველსაყოფად საჭირო წინასწარი ხარჯების გაწევა, საბანკო დაწესებულებების მიერ წარმოდგენილი ანგარიშების შესაბამისად.

6. კონტროლს აღნიშნული ბრძანების შესრულებაზე განვახორციელებ პირადად.

მ. მაჭავარიანი

დანართი №1

საგადასახადო დეპარტამენტის მსხვილ გადამხდელთა ინსპექციის საჯარო მოსამსახურეების სპეც. ფონდებიდან გასაცემი ყოველთვიური პრემიების ოდენობა  თანამდებობათა მიხედვით

                                                                                                       (ლარებში)

№	თანამდებობის დასახელება	თანამდებობრივი სარგო თვეში	პრემიის ოდენობა
1	ინსპექციის უფროსი	140	600
2	ინსპექციის Iუფროსის მოადგილე	130	570
3	ინსპექციის უფროსის მოადგილე	126	550
4	მთ. ბუღალტერი	90.75	500
5	სამმართველოს უფროსი	90.75	500
6	სამმართველოს უფროსის მოადგილე	81.67	480
7	ინსპექციის უფროსის აპარატის უფროსი	60	450
8	განყოფილების უფროსი	60	450
9	თანაშემწე	47	310
10	მთ. ინსპექტორი	41	390
11	წამყვანი ინსპექტორი	39	370
12	უფროსი ინსპექტორი	38	340
13	ინსპექტორი	37	310
14	მთ. სპეციალისტი	41	390
15	სექტ. ბელმძღვანელი რაიონებში	41	430
16	საქმეთა მმართველობის უფროსი	60	400
17	საქმის მწარმოებელი	21	200
18	ხ ელმძღვანელის მდივანი	21	250
19	უფროსი ინჟინერი	38	250
20	ტექნიკოსი	24	220
21	ოპერატორი	21	250
22	მბეჭდავ- მემანქანე	20	200
23	მძღოლი	22	250
სულ