საქართველოს ელექტროენერგეტიკისა და ბუნებრივი გაზის სფეროში სერტიფიკაციის სისტემის ცენტრალური ორგანოს შესახებ

სახელმწიფო სარეგის ტ რაციო კოდი 300.280.000.14.011.004.690

საქართველოს ენერგეტიკის მარეგულირებელი ეროვნული კომისის (სემეკ) თავმჯდომარის დადგენილება №2

2001 წლის 6 მარტი

ქ. თბილისი

საქართველოს ელექტროენერგეტიკისა და ბუნებრივი გაზის სფეროში სერტიფიკაციის სისტემის ცენტრალური ორგანოს შესახებ

საქ არ თველოს ელექტროენერგეტიკისა და ბუნებრივი გაზის სფეროში სერტიფიკაციის ერთიანი პოლიტიკის გატარების, სამუშაოთა ორგანიზების, კოორდინაციისა და სრუ ლ ყოფის მიზნით სემეკი ადგენს:

1. საქართველოს კანონების „ელექტროენერგეტიკისა და ბუნებრივი გაზის შესახებ” და „პროდუქციისა და მომსახურები ს სერტიფიკაციის შესახებ” შესაბამისად, საქართველოს ენერგეტიკის მარეგულირებელი ეროვნული კომისიის აპარატს განესაზღვროს ელექტროენერგეტიკისა და ბუნებრივი გ ა ზის სფეროში სერტიფიკაციის სისტემი ს ცენტრალური ორგანოს ფუნქცია.

2. დ ა მტკიცდეს ელექტროენერგეტიკისა და ბუნებრივი გაზის სფეროში სერტიფიკაციის სისტემის ცენტრალური ორგანოს თანდართული დებულება.

3. დადგენილება ამოქმედდეს გამოქვეყნებისთანავე.

თავმჯდომარე ელ. ერისთავი

ელექტროენერგეტიკისა და ბუნებრივი გაზის სფეროში სერტიფიკაციის სისტემის ცენტრალური ორგანოს დებულება

თავი I

ზოგადი დებულებები

1. წინამდებარე დებულება შემუშავებულია საქართველოს კანონების „პროდუქციისა და მომსახურების სერ ტ იფიკაციის შესახებ", „ელექტროენერგეტიკისა და ბუნებრივი გაზის შესახებ" და ვრცელდება ელექტროენერგეტიკისა და ბუნებრივი გაზის სფეროში საქართველოს ენერგეტიკის მარეგულირებელი ეროვნული კომისიის (სემეკ) ლიცენზიატების (ელექტროენერგიის წარმოების, გადაცემის, განაწილების, დისპეტჩერიზაციის, იმპორტისა და ექსპორტის ლიცენზიატების, აგრეთვე, ბუნებრივი გაზის მიწოდების, ტრანსპორტირებისა და განაწილების ლიცენზიატების) საწარმოების ობიექტების, ენერგომოწყობილობებისა და დანადგარების, პროდუქციის ხარისხის უზრუნველყოფის, გაზომვის, აღრიცხვის, მართვისა და დაცვის სისტემების და პერსონალის სერტიფიკაციის ცენტრალური ორგანოს საქმიანობაზე.

2. ელექტროენერგეტიკისა და ბუნებრივი გაზის სფეროში სერტიფიკაციის სისტემის ცენტრალური ორგანოს ფუნქციებს ახორციელებს საქართველოს ენერგეტიკის მარეგულირებელი ეროვნული კომისიის აპარატი.

3. სისტემის ცენტრალური ორგანო თავის საქმიანობაში ხელმძღვანელობს საქართველოში მოქმედი კანონმდებლობით და ამ დებულებით.

4. სისტემის ცენტრალური ორგანო ახორციელებს ელექტროენერგეტიკისა და ბუნებრივი გაზის სფეროში სერტიფიკაციის სამუშაოთა ორგანიზებასა და კოორდინაციას.

თავი II

სისტემის ცენტრალური ორგანოს ფუნქციები

5. სისტემის ცენტრალური ორგანოს ძირითადი ფუნქციებია:

ა) მონაწილეობის მიღება ელექტროენერგეტიკისა და ბუნებრივი გაზის სფეროში სერტიფიკაციის პოლიტიკის ჩამოყალიბებაში;

ბ) სერტიფიკაციის სისტემის ორგანიზაციულ-მეთოდური დოკუმენტების შემუშავება;

გ) ელექტროენერგეტიკისა და ბუნებრივი გაზის სფეროში სერტიფიკაციის სისტემის სრულყოფა;

დ) ელექტროენერგეტიკისა და ბუნებრივი გაზის სფეროში სავალდებულო სერტიფიკაციას დაქვემდებარებელი ობიექტების, მოწყობილობების, დანადგარებისა და კვანძების ნუსხის შედგენა და ჩამონათვალში ცვლილებების შეტანა საქსტანდარტთან ერთად;

ე) წინადადებების შემუშავება სერტიფიკაციის დროს გამოყენებული ნორმატიული დოკუმენტებისა და სისტემის ფუძემდებლური დოკუმენტების სრულყოფის შესახებ;

ვ) ურთიერთობა საქსტანდარტთან, აკრედიტებულ ორგანოებთან, საგამოცდო ლაბორატორიებთან (ცენტრებთან) და საზოგადოებრივ ორგანიზაციებთან;

ზ) საქსტანდარტთან ერთად სისტემაში სერტიფიკაციის ორგანოების, საგამოცდო ლაბორატორიების (ცენტრების) აკრედიტაცია და მათი საინსპექციო კონტროლი;

თ) სისტემის მონაწილეთა და სერტიფიცირებულ ობიექტთა რეესტრის წარმოება;

ი) სისტემის მონაწილეთა ინფორმირება მოქმედი ნორმატიული დოკუმენტების შეცვლის ან ახლის შემოღების შემთხვევაში;

კ) ექსპერტთა მომზადება-გადამზადების ორგანიზაცია საქსტანდარტთან ერთად.

თავი III

სისტემის ცენტრალური ორგანოს უფლებამოსილება

6. სისტემის ცენტრალური ორგანო უფლებამოსილია:

ა) განიხილოს სისტემაში აკრედიტირებული სერტიფიკაციის ორგანოების, ლაბორატორიების (ცენტრების) და ცალკეულ ექსპერტთა მოქმედების შესახებ აპელაციები;

ბ) შეარჩიოს სერტიფიკაციის ორგანოები, საგამოცდო ცენტრები და ლაბორატორიები და საქსტანდარტთან ერთად დადგენილი წესით მოახდინოს მათი აკრედიტაცია;

გ) მიიღოს მონაწილეობა სპეციალისტებისათვის ექსპერტის წოდების მიმნიჭებელი კომისიის მუშაობაში;

დ) შექმნას მეთოდური ცენტრი და უზრუნველყოს მისი დებულებების დამტკიცება კანონმდებლობით დადგენილი წესით.

თავი IV

სისტემის ცენტრალური ორგანოს პასუხისმგებლობა

 

7. სისტემის ცენტრალური ორგანოს პასუხისმგებელია სერტიფიკაციის სისტემაში სამუშაოთა ორგანიზაციასა და კოორდინაციაზე, კერძოდ:

ა) ისეთი ნორმატიული ბაზის არსებობაზე, რომელთა მიხედვითაც პარამეტრების, ტექნიკური და ფუნქციონალური მახასიათებლების ნომინალურთან შესაბამისობის სერტიფიცირება დააკმაყოფილებს მათზე წაყენებულ სამამულო და საერთაშორისო მოთხოვნებს და უზრუნველყოფენ ადამიანის სიცოცხლის, ჯანმრთელობის, ქონებისა და გარემოს დაცვას, აგრეთვე, ელექტროენერგეტიკისა და ბუნებრივი გაზის სფეროში სერტიფიცირებული ობიექტების, მოწყობილობების, დანადგარებისა და კვანძების უსაფრთხო და საიმედო ფუნქციონირებას სერტიფიკატის მოქმედების პერიოდში;

ბ) ელექტროენერგეტიკისა და ბუნებრივი გაზის სფეროში პერსონალის, მომსახურებისა და პროდუქციის (ელექტროენერგიის) ხარისხის უზრუნველყოფის სისტემის სერტიფიკაციისათვის განკუთვნილ ნორმატიულ და მეთოდურ დოკუმენტაციაზე, რომელთა მიხედვითაც სერტიფიცირებული პერსონალის კომპეტენცია, მომსახურების დონე და პროდუქციის ხარისხი პასუხობენ საერთაშორისო პრაქტიკაში მიღებულ მოთხოვნებს.

თავი V

სისტემის მეთოდური ცენტრები

8. სისტემის მეთოდური ცენტრის სტრუქტურას განსაზღვრავს ცენტრალური ორგანო ელექტროენერგეტიკისა და ბუნებრივი გაზის სფეროს თავისებურებების გათვალისწინებით.

9. მეთოდური ცენტრის ძირითადი ფუნქციებია:

ა) სერტიფიკაციის ორგანიზაციულ-მეთოდური დოკუმენტების პროექტების შემუშავება;

ბ) ნორმატიული დოკუმენტების ფონდის ფორმირება, წარმართვა და აქტუალიზაცია;

გ) კონტროლისა და შეფასების მეთოდების შერჩევა;

დ) სისტემის მონაწილეების ნორმატიული და საორგანიზაციო დოკუმენტების უზრუნველყოფა სახელშეკრულებო საფუძველზე;

ე) სერტიფიკაციის ჩატარების მეთოდიკების პროექტების შემუშავება.

თავი VI

სისტემის ცენტრალური ორგანოს მართვა

10. სისტემის ცენტრალური ორგანოს საერთო ხელმძღვანელობას ახორციელებს სემეკის აღმასრულებელი დირექტორი.

11. სისტემის ცენტრალური ორგანოს ფუნქციები არ შეიძლება შეიცვალოს საქსტანდარტთან შეთანხმების გარეშე.