ელექტროსადგურების მიერ წარმოებული ელექტროენერგიის ტარიფის შესახებ

სახელმწიფო სარეგისტრაციო კოდი 300.320.000.14.011.004.765

საქართველოს ენერგეტიკის მარეგულირებელი ეროვნული კომისიის (სემეკ)

დადგენილება №4

2001 წლის 8 მაისი

ქ. თბილისი

ელექტროსადგურების მიერ წარმოებული ელექტროენერგიის ტარიფის შესახებ

საქართველოს სახელმწიფოსა და შპს „ეი-ი-ეს გარდაბანს” შორის „გარდაბნის თბოელექტროსადგურის მე-9 და მე-10 ენერგობლოკებისა და შესაბამისი ინფრასტრუქტურის ნასყიდობის შესახებ” გაფორმებული ხელშეკრულების, ასევე საქართველოს სახელმწიფოსა და „ეი-ი-ეს ჯორჯია ჰოლდინგზ ბი. ვი.”-ს შორის სს „ხრამჰესი-I”-ისა და „ხრამჰესი-II”-ის აქციათა მართვის უფლების შესახებ” გაფორმებული ხელშეკრულებისა და იმის გათვალისწინებით, რომ ექსპლუატაციაში შედიან ახალი ჰიდროელექტროსადგურები „ჩალაჰესი” და “სურამულაჰესი”, „ელექტროენერგეტიკისა და ბუნებრივი გაზის შესახებ” საქართველოს კანონის 42-ე მუხლის მე-2 პუნქტის შესაბამისად, სემეკი ადგენს:

1. განისაზღვროს ქვემოთ ჩამოთვლილი ელექტროსადგურების მიერ წარმოებული ელექტროენერგიის ტარიფები შემდეგი ოდენობით (თეთრი/კვტსთ):

 

№	ელექტროსადგურები	დღგ-ის გარეშე	დღგ	სულ დღგ-ის ჩათვლით
1.	შპს “ეი-ი-ეს მტკვარი”	5.84	1.168	7.008
2.	xramhesi-I	1.72	0.34	2.06
3.	xramhesi-II	1.47	0.29	1.76
4.	სს „ნატურალური ღვინისა და სპირტის კორპორაცია ქინძმარაული” – ჩალაჰესი	5.25	1.05	6.30
5.	შპს “ბმგ” – სურამულაჰესი	7.00	1.40	8.40

 

2. სს „ნატურალური ღვინისა და სპირტის კორპორაცია ქინძმარაულის” ბალანსზე მყოფი ჰიდროელექტროსადგურ “ჩალაჰესი”-სა და შპს „ბმგ”-ს ბალანსზე მყოფი ჰიდროელექტროსადგურ “სურამულაჰესი”-ს მიერ გამომუშავებული ელექტროენერგიის ტარიფები ძალაშია მათი გადამცემ ან/და გამანაწილებელ ქსელთან მიერთების დღიდან.

3. საქართველოს სახელმწიფოსა და შპს „ეი-ი-ეს გარდაბანს” შორის “გარდაბნის თბოელექტროსადგურის მე-9 და მე-10 ენერგობლოკებისა და შესაბამისი ინფრასტრუქტურის ნასყიდობის შესახებ”, ასევე საქართველოს სახელმწიფოსა და „ეი-ი-ეს ჯორჯია ჰოლდინგზ ბი. ვი.”-ს შორის „სს „ხრამჰესი-I”-ისა და „ხრამჰესი-II”-ის აქციათა მართვის უფლების შესახებ” გაფორმებული ხელშეკრულებებით გათვალისწინებული ვალდებულებების შესაბამისად, ამ დადგენილების პირველი მუხლით გათვალისწინებული ელექტროსადგურების: „ეი-ი-ეს მტკვარი”, „ეი-ი-ეს ხრამჰესი-I” და „ეი-ი-ეს ხრამჰესი-II” ტარიფები გავრცელდეს 2001 წლის 1 აპრილიდან წარმოშობილ ურთიერთობებზე.

4. ძალადაკარგულად ჩაითვალოს:

ა) სემეკის 2000 წლის 31 აგვისტოს №8 დადგენილების „ელექტროენერგიის საცალო და საბითუმო ტარიფების შესახებ” მე-3 მუხლის მე-2 პუნქტში მოცემული ცხრილის პირველი პუნქტი (ს.ს „ეი-ი-ეს მტკვრის” (თბილსრესის №№9, 10 ბლოკების ტარიფი);

ბ) სემეკის 2000 წლის 6 დეკემბრის №10 დადგენილების „ელექტროენერგიის საცალო და საბითუმო ტარიფების შესახებ” სემეკის 2000 წლის 31 აგვისტოს №8 დადგენილებაში ცვლილებებისა  და დამატებების შეტანის შესახებ” პირველი პუნქტი.

5. ეს დადგენილება ამოქმედდეს გამოქვეყნებისთანავე.

ელ. ერისთავი