ფიზიკური პირის მიერ მატერიალური აქტივების რეალიზაციით, მემკვიდრეობით ან ჩუქებით მიღებული შემოსავლების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე

სახელმწიფო სარეგისტრაციო კოდი 200.250.000.22.033.009.584

საქართველოს ფინანსთა მინისტრის

ბრძანება №1442

2006 წლის 22 ნოემბერი

ქ. თბილისი

ფიზიკური პირის მიერ მატერიალური აქტივების რეალიზაციით, მემკვიდრეობით ან ჩუქებით მიღებული შემოსავლების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე

საქართველოს საგადასახადო კოდექსის მე-3 მუხ­ლის, 95-ე მუხლის მე-5 ნაწილის, 217-ე მუხლის მე-8-11 ნაწილებისა და ,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის „ლ“ ქვეპუნქტის საფუძველზე, ვბრძანებ:

1. დამტკიცდეს თანდართული რედაქციით:

ა) ინსტრუქცია ,,ფიზიკური პირის მიერ მატერიალუ­რი აქტივების რეალიზაციით, მემკვიდრეობით ან ჩუქე­ბით მიღებული შემოსავლების დეკლარაციის შევსების წესის შესახებ“ (დანართი №1);

ბ) ,,ფიზიკური პირის მიერ მატერიალური აქტივების რეალიზაციით, მემკვიდრეობით ან ჩუქებით მიღებული შემოსავლების დეკლარაციის“ ფორმა (დანართი №2).

2. ამ ბრძანების ამოქმედებისთანავე ძალადაკარგუ­ლად ჩაითვალოს ,,ფიზიკური პირის მიერ მატერია­ლური აქტივების რეალიზაციით, მემკვიდრეობით ან ჩუქებით მიღებული შემოსავლების დეკლარირების წესის შესახებ“ საქართველოს ფინანსთა მინისტრის 2004 წლის 31 დეკემბრის №900 ბრძანება.

3. ბრძანება ამოქმედდეს გამოქვეყნებისთანავე.

ა. ალექსიშვილი

დანართი №1

ინსტრუქცია ფიზიკური პირის მიერ მატერიალური აქტივების რეალიზაციით, მემკვიდრეობით ან ჩუქებით მიღებული შემოსავლების დეკლარაციის შევსების წესის შესახებ

    მუხლი 1.

1. ფიზიკური პირის მიერ მატერიალური აქტივის რეალიზაციით, მემკვიდრეობით ან ჩუქებით მიღებული შემოსავლების დეკლარაციის წარდგენის ვალდებულება ეკისრება ფიზიკურ პირებს, რომლებიც:

ა) რეალიზაციას უკეთებენ 2 წლამდე საკუთრებაში არსებულ მატერიალურ აქტივებს (გარდა სამეწარმეო საქმიანობის ფარგლებში აქტივების ან/და ფასიანი ქაღალდების რეალიზაციისა);

ბ) საგადასახადო წლის განმავლობაში საჩუქრად (უსასყიდლოდ) იღებენ 1000 ლარის და მეტი ღირე­ბულების ქონებას, გარდა I-II რიგის მემკვიდრეები­საგან მიღებული ქონებისა;

გ) წარმოადგენენ III-IV რიგის მემკვიდრეებს და საგადასახადო წლის განმავლობაში შესაბამისი პირები­დან მემკვიდრეობით ან ჩუქებით მიიღეს 150000 ლარის და მეტი ღირებულების ქონება.

2. გადასახადის გადამხდელი ფიზიკური პირები დეკლარაციას საგადასახადო ორგანოში წარადგენენ საგადასახადო აღრიცხვის, ხოლო საგადასახადო აღ­რიც­ხვის არარსებობის შემთხვევაში საცხოვრებელი ადგილის მიხედვით, მატერიალური აქტივის გადაცემამ­დე.

3. დეკლარაციაში მიეთითება გადამხდელის საიდენ­ტი­ფიკა­ციო ნომერი (თუ ასეთი ნომერი მინიჭებული ჰქონდა საგადასახადო ორგანოს მიერ) და საქართველოს მოქალაქის პირადობის მოწმობაში ფიქსირებული პირადი ნომერი. ამასთან, საქართველოს მოქალაქეობის არმქონე ფიზიკური პირები, რომლებსაც დეკლარაციის შევსების დღისათვის მინიჭებული არა აქვთ საიდენ­ტიფი­კაციო ნომერი, ვალდებული არიან დადგნენ საგადასახადო აღრიცხვაზე კანონმდებლობით დადგენი­ლი წესით.

    მუხლი 2.

1. დეკლარაციის პირველ უჯრაში სრულად აღინიშ­ნება გადამხდელის სახელი, გვარი და მისამართი.

2. მე-2 უჯრაში მიეთითება – რეალიზებული, მემკვიდრეობით ან ჩუქებით მიღებული მატერიალური აქტივების დასახელება (საცხოვრებელი სახლი, ბინა მრავალსართულიან სახლში, ავტოფარეხი, მიწის ნაკვეთი, აქციები და ა.შ.). იმ შემთხვევაში, თუ ხდება ერთდროულად რამდენიმე მატერიალური აქტივის რეალიზაცია, მემკვიდრეობით ან ჩუქებით მიღება, დეკლარაციას შეიძლება დაერთოს ასეთი ქონების ჩამო­ნათვალი (მისამართის (ადგილსამყოფლის) მითი­თებით) დანართის სახით.

3. მე-3 უჯრაში მიეთითება – რეალიზებული ან ჩუქებით მიღებული მატერიალური აქტივების მისამარ­თი (ადგილსამყოფელი).

4. მე-4 უჯრაში მიეთითება – მატერიალური აქტივების გადაცემის სახის გათვალისწინებით შესაბა­მისი ციფრი, კერძოდ:

ა) რეალიზაცია – ,,1“;

ბ) მემკვიდრეობა – ,,2“;

გ) ჩუქება – ,,3“.

5. მე-5 უჯრაში მიეთითება – რეალიზატორის მიერ მატერიალური აქტივებზე საკუთრების წარმო­შობის თარიღი (წელი, თვე, რიცხვი), ივსება იმ შემთხვევაში, თუ დეკლარაციის წარდგენის საფუძველია ფიზიკური პირის მიერ მატერიალური აქტივის რეალიზაცია, სხვა შემთხვევაში იწერება – ,,X“.

6. მე-6 უჯრაში მიეთითება – გადასაცემ მატერია­ლურ აქტივზე საკუთრების დამადასტურებელი დოკუ­მენტის დასახელება რეკვიზიტების მითითებით (ნასყიდობის ხელშეკრულება, ამონაწერი საჯარო რეეს­ტრიდან, ანდერძი და ა.შ.).

7. მე-7 უჯრაში მიეთითება – ქონების მემკვიდრეო­ბით (ჩუქებით) მიღების შემთხვევაში ნათესაური კავშირი ქონების მესაკუთრესთან (მაგ.: ,,ბიძა“ ,,დისშვი­ლი“ ,,მეუღლე“ და ა.შ). ნათესაური კავშირის არარსე­ბო­ბის შემთხვევაში სტრიქონში შეიტანება – ,,X“.

8. მე-8 უჯრაში მიეთითება – ნათესაური კავშირის გათვალისწინებით შესაბამისი ციფრი, კერძოდ:

ა) I-II რიგის მემკვიდრეები (მეუღლეები, შვილები, შვილიშვილები, მშობლები, ნაშვილები, მშვილებელი, დები და ძმები, დისშვილები და ძმისშვილები.) – ,,1“;

ბ) III-IV რიგის მემკვიდრეები (ბებიები და პაპები, ბებიე­ბის და პაპების დედ-მამები, ბიძები, მამიდები, დეიდები) – ,,2“;

გ) ნათესაური კავშირის არარსებობის შემთხვევა­ში – ,,0“.

9. მე-9 უჯრაში მიეთითება – მატერიალური აქტივის რეალიზაციის შემთხვევაში ხელშეკრულებაში მითითებული თანხა. მემკვიდრეობით ან ჩუქებით მატერია­ლური აქტივის მიღებისას ღირებულება განი­საზ­­ღვრება საბაზრო ფასით, საქართველოს საგა­დასახა­დო კოდექსის 22-ე მუხლის მიხედვით.

10. მე-10 უჯრაში მიეთითება – მატერიალური აქტი­ვის შეძენაზე ან მის მიღებაზე გაწეული ხარჯები, ასეთის არსებობის შემთხვევაში. ამასთან, საგადასახადო ორგანოს უფლება აქვს ცნობის გაცემამდე მოითხოვოს ხარ­ჯის დამადასტურებელი დოკუმენტები მათი კამე­რალური წესით შემოწმების მიზნით, ასევე შეიტა­ნოს შესწორებები რეალიზაციის დაფიქსირებულ ფასში, საქართველოს საგადასახადო კოდექსის 22-ე მუხლის მე-10 ნაწილით გათვალისწინებულ შემთხვევებ­ში.

11. მე-11 უჯრაში მიეთითება – მიმდინარე კალენ­დარული წლის განვლილ პერიოდში ფიზიკური პირი­საგან ჩუქებით, მემკვიდრეობით მიღებული მატერია­ლური აქტივების ღირებულება (გარდა I-II რიგის მემ­­კვიდრეებისაგან მიღებული ქონებისა), ივსება მხო­ლოდ იმ შემთხვევაში, თუ დეკლარაციის წარდგენის საფუძველია ფიზიკური პირის მიერ ქონების მემკვიდრეო­ბით ან ჩუქებით მიღება, სხვა შემთხვევაში იწერე­ბა ,,X“.

 12. მე-12 უჯრაში მიეთითება – მე-11 უჯრიდან გამოყოფილი მიმდინარე კალენდარული წლის განვლილ პერიოდში III-IV რიგის მემკვიდრეებისაგან მიღებული მატერიალური აქტივების ღირებულება, ივსება მხოლოდ იმ შემთხვევაში, თუ დეკლარაციის წარდგენის საფუძველია ფიზიკური პირის მიერ ქონების მემკვიდრეო­ბით ან ჩუქებით მიღება, სხვა შემთხვევაში იწერება ,,X“.

13. მე-13 უჯრაში მიეთითება – მე-11 უჯრიდან გამოყოფილი მიმდინარე კალენდარული წლის განვლილ პერიო­დში სხვა ფიზიკური პირისაგან მიღებული მატე­რიალური აქტივების ღირებულება, ივსება მხო­ლოდ იმ შემთხვევაში, თუ დეკლარაციის წარდგენის საფუძ­ველია ფიზიკური პირის მიერ ქონების მემკვიდ­რეობით ან ჩუქებით მიღება, სხვა შემთხვევაში იწერება ,,X“.

14. მე-14 უჯრაში მიეთითება – შეღავათები საქარ­თველოს საგადასახადო კოდექსის 168-ე მუხლის თანახ­მად (მუხლის ნაწილების მითითებით). ამ უჯრას ავსე­ბენ მხოლოდ ის ფიზიკური პირები, რომელებიც არ ეწევიან ეკონომიკურ საქმიანობას, მათ შორის, დაქირავებული შრომის სახით. პირებს, რომლებიც ეწევიან ეკონომიკურ საქმიანობას, უფლება არ აქვთ შეავსონ დასახელებული უჯრა, ამასთან, საგადასახადო კოდექსის 217-ე მუხლის მე-5 ნაწილის თანახმად, მათ შეუძლიათ საგადასახადო ორგანოებში წარადგინონ დეკლარაცია გადასახადის გადაანგარიშებისა და ანაზ­ღაურე­ბის მოთხოვნით.

15. მე-15 უჯრაში მიეთითება – დასაბეგრი შემოსავალი, რომელიც გამოითვლება შემდეგი წესით:

ა) აქტივის რეალიზაციისას – უჯრა (9-10-14);

ბ) აქტივის ჩუქებით ან მემკვიდრეობით მიღებისას III-IV რიგის მემკვიდრეებისაგან – უჯრა 9-10+12-ციფრი150000. ამასთან, უჯრა 12-ის მონაცემი ფორმულაში არ შეიძლება იყოს 150000-ზე მეტი, მოცემულ შემთხვევაში ფორმულაში დასახელებულ მე-12 უჯრაში შეიტანება ციფრი 150000, უარყოფითი ციფრის მიღების შემთხვევაში იწერება ,,0“, თავის მხრივ, საგადასახადო ორგანო კამერალური წესით აზუსტებს ნამეტ თანხაზე საგადასახადო ვალდებულების სრულად შესრულების საკითხს;

გ) აქტივის ჩუქებით ან მემკვიდრეობით მიღებისას სხვა ფიზიკური პირისაგან – უჯრა 9-10+13-ციფრი1000, უარყოფითი ციფრის მიღების შემთხვევაში იწერება ,,0“, ამასთან, უჯრა 13-ის მონაცემი ფორმულაში არ შეიძლება იყოს 1000-ზე მეტი. მოცემულ შემთხვევაში ფორმულაში დასახელებულ მე-13 უჯრაში შეიტანება ციფრი 1000, თავის მხრივ საგადასახადო ორგანო კამერალური წესით აზუსტებს ნამეტ თანხაზე საგადასახადო ვალდებულების სრულად შესრულების საკითხს.

16. მე-16 უჯრაში მიეთითება – გადასახდელი გადასახადის თანხა, რომელიც გამოითვლება დასაბეგრი შემოსავლის (უჯრა 15) გამრავლებით საშემოსავლო გადასახადის განაკვეთზე (12%), აღნიშნული თანხა შემცირდება ამ ქონების მიხედვით გადახდილი (მათ შორის, წინა საგადასახადო პერიოდებში) საშემოსავლო გადასახადის თანხით (საქართველოს საგადასახადო კოდექსი, მუხლი 190).

17. მე-17 უჯრაში მიეთითება – მატერიალური აქტივის ფაქტობრივად გადაცემის თარიღი (წელი, თვე, რიცხვი).

18. მე-18 უჯრაში მიეთითება – დარიცხული გა­და­სახადის გადახდის ვადები და თანხები, რომლებიც საგადასახადო კოდექსის 217-ე მუხლის მე-10 ნაწილის თანახმად იშიფრება 2 წელზე გაწერილი შესაბამისი ვადებისა და თანხების მითითებით.

19. დეკლარაციაში შეტანილი მონაცემების სის­წო­რე დასტურდება გადამხდელის ხელის მოწერით.

 

 

 

 

 

 

 

 

 

 

 

 

 

 

დანართი №2

 

საქართველოს ფინანსთა სამინისტრო

 

ფიზიკური პირის მიერ მატერიალური აქტივების რეალიზაციით, მემკვიდრეობით ან ჩუქებით მიღებული შემოსავლების

 

დ ე კ ლ ა რ ა ც ი ა

 

გადამხდელის საიდენტიფიკაციო ნომერი

                                                                                                                                       გადამხდელის პირადი ნომერი

1
	მატერიალური აქტივების რეალიზატორის (ჩუქებით, მემკვიდრეობით მიმღების) სახელი, გვარი, მისამართი
2
	რეალიზებული (ჩუქებით, მემკვიდრეობით მიღებული) მატერიალური აქტივების დასახელება
3
	რეალიზებული (ჩუქებით, მემკვიდრეობით მიღებული) მატერიალური აქტივების მისამართი (ადგილსამყოფელი)
	მატერიალური აქტივის გადაცემის სახე: 1 ­_ რეალიზაცია; 2 _ მემკვიდრეობა; 3 _ ჩუქება				4
	რეალიზატორის მიერ მატერიალურ აქტივებზე საკუთრების წარმოშობის თარიღი (წელი, თვე, რიცხვი)				5
	გადასაცემ მატერიალურ აქტივზე საკუთრების წარმოშობის საფუძველი		6
ქონების მემკვიდრეობით (ჩუქებით) მიღების შემთხვევაში ნათესაური კავშირი ქონების მესაკუთრესთან			7		8
				დასახელება
რეალიზებული (ჩუქებით, მემკვიდრეობით მიღებული) მატერიალური აქტივის ფასი (ღირებულება) (ლარი)					9
მატერიალური აქტივის შეძენაზე, წარმოებაზე, ჩუქებასთან, მემკვიდრეობის მიღებასთან, დაკავშირებული ხარჯები					10
მიმდინარე კალენდარული წლის განვლილ პერიოდში ფიზიკური პირისაგან ჩუქებით (მემკვიდრეობით) მიღებული მატერიალური აქტივების ღირებულება (გარდა I და II რიგის მემკვიდრეებისაგან მიღებული ქონებისა)					11
მათ შორის		III და IV რიგის მემკვიდრეებისაგან მიღებული მატერიალური აქტივები			12
		სხვა ფიზიკური პირისაგან მიღებული მატერიალური აქტივები			13
შეღავათები საქართველოს საგადასახადო კოდექსის 168-ე მუხლის ---------- ნაწილ(ებ)ის თანახმად					14
დასაბეგრი შემოსავალი					15
გადასახდელი გადასახადის თანხა საგადასახადო კოდექსის 190-ე მუხლის გათვალისწინებით					16
მატერიალური აქტივის ფაქტობრივად გადაცემის თარიღი (წელი, თვე, რიცხვი)					17
დარიცხული გადასახადის გადახდის ვადა საგადასახადო კოდექსის 217-ე მუხლის მე-7 და მე-9 ნაწილების გათვალისწინებით					18	სავადო	თან- ხა

გადამხდელის ხელის მოწერა    /- - - - - - /    თარიღი - - - - - - - - -