საქართველოს შრომის, ჯანმრთელობისა და სოციალური დაცვის სამინისტროს გამგებლობაში არსებული სახელმწიფო საქვეუწყებო დაწესებულების – შრომის ინსპექციის დებულების დამტკიცების შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება ძალადაკარგული ჯანდაცვა

მიღების თარიღი

30.04.2002 ძალადაკარგული 16.11.2004

გამომცემი ორგანო

საქართველოს შრომის, ჯანმრთელობის და სოციალური დაცვის მინისტრი

ნომერი

№123/ნ

სარეგისტრაციო კოდი

470230000.11(9).005.000273

გამოქვეყნების წყარო

matsne.gov.ge , სსმ, 45, 07/05/2002

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (1)

საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – შრომის ინსპექციის დებულების დამტკიცების შესახებ

16.11.2004

07.05.2002 16.11.2004

დოკუმენტის ტექსტი

სახელმწიფო სარეგისტრაციო კოდი 470.230.000.11.119.005.273

საქართველოს შრომის, ჯანმრთელობისა და სოციალური

დაცვის მინისტრის

ბრძანება №123/ნ

2002 წლის 30 აპრილი

ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს გამგებლობაში არსებული სახელმწიფო საქვეუწყებო დაწესებულების – შრომის ინსპექციის დებულების დამტკიცების შესახებ

„აღმასრულებელი ხელისუფლების სტრუქტურისა და საქმიანობის წესის შესახებ” საქართველოს კანონის მე-8 მუხლის მე-5 პუნქტის და „საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ” საქართველოს პრეზიდენტის 2001 წლის 17 ოქტომბრის № 411 ბრძანებულების შესაბამისად, ვბრძანებ:

1. დამტკიცდეს საქართველოს, შრომის, ჯანმრთელობისა და სოციალური დაცვის სამინისტროს გამგებლობაში არსებული საქვეუწყებო დაწესებულების – შრომის ინსპექციის თანდართული დებულება.

2. ძალადაკარგულად ჩაითვალოს „საქართველოს შრომის, ჯანმრთელობისა და სოციალური დაცვის სამინისტროს გამგებლობაში მყოფი სახელმწიფო საქვეუწყებო დაწესებულებების დებულებათა დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2000 წლის 4 აპრილის №60/ო ბრძანების პირველი პუნქტის „კ” ქვეპუნქტი.

3. ბრძანება ძალაშია გამოქვეყნების დღიდან.

ა. გამყრელიძე

შრომის ინსპექციის დებულება

I. ზოგადი დებულებანი

1. საქართველოს შრომის, ჯანმრთელობისა და სოციალური დაცვის სამინისტროს სახელმწიფო საქვეუწყებო დაწესებულება „შრომის ინსპექცია” (შემდგომში _ ინსპექცია) თავის მუშაობაში ხელმძღვანელობს საქართველოს კონსტიტუციით, საქართველოს მოქმედი კანონებით, სხვა საკანონმდებლო და კანონქვემდებარე ნორმატიული აქტებით, საქართველოს პრეზიდენტის ბრძანებულებებითა და განკარგულებებით, საქართველოს შრომის, ჯანმრთელობისა და სოციალური დაცვის მინისტრის ბრძანებებით, შრომის საერთაშორისო ორგანიზაციის იმ კონვენციებით და საერთაშორისო ხელშეკრულებებით, რომელთა მონაწილეც არის საქართველო, საქართველოს შრომის, ჯანმრთელობისა და სოციალური დაცვის სამინისტროს დებულებით და ამ დებულებით.

2. ინსპექციის ძირითად მიზანსა და ამოცანას წარმოადგენს შრომის კანონმდებლობისა და შრომის დაცვასთან დაკავშირებული სხვა სამართლებრივ-ნორმატიული აქტების მოთხოვნათა შესრულებაზე სახელმწიფო ზედამხედველობის განხორციელება საქართველოს ტერიტორიაზე განლაგებულ საწარმოებში, დაწესებულებებში, ორგანიზაციებში, (შემდგომში _ ორგანიზაცია) მიუხედავად მათი ორგანიზაციულ-სამართლებრივი ფორმისა. ამ საკითხებში თანამშრომლობს აღმასრულებელ, საზოგადოებრივ და სახელმწიფო ზედამხედველობის სხვა ორგანოებთან.

3. ინსპექცია სამინისტროსთან შეთანხმებით ამყარებს კონტაქტებს და თანამშრომლობს შრომის საერთაშორისო ორგანიზაციებთან, აგრეთვე სხვა ქვეყნების ანალოგიურ სამსახურებთან.

4. შრომის საერთაშორისო ორგანიზაციის კონვენციების შესაბამისად ინსპექციის თანამშრომლებს ენიჭებათ შრომის სახელმწიფო ინსპექტორის ან შრომის მთავარი სახელმწიფო ინსპექტორის წოდება.

5. ინსპექციის დაფინანსების წყაროა სახელმწიფო ბიუჯეტი.

6. ინსპექციას აქვს დასრულებული ბალანსი, საანგარიშსწორებო ანგარიში ხაზინაში, ბეჭედი საქართველოს გერბის გამოსახულებით, შტამპი და ტიტულიანი ბლანკი.

7. ინსპექციის იურიდიული მისამართია ქ. თბილისი 380007, ლეონიძის ქუჩა №2.

II ინსპექციის ამოცანები და ფუნქციები

8. ინსპექციის ძირითად ამოცანებსა და ფუნქციებს წარმოადგენს:

ა) სახელმწიფო ზედამხედველობის განხორციელება:

ა. ა) ტექნოლოგიური პროცესების, საწარმოო შენობების, ტექნოლოგიური და ენერგეტიკული მოწყობილობების, სატრანსპორტო საშუალებების, სანიტარიულ-საყოფაცხოვრებო მოწყობილობების, სავენტილაციო და მაკონდიციონირებელი სისტემების, მუშაკთა ინდივიდუალური და კოლექტიური დაცვის საშუალებების შესაბამისობაზე შრომის უსაფრთხოებისა და სამრეწველო სანიტარიის მოთხოვნებთან, აგრეთვე საორგანიზაციო სამუშაოების მიმდინარეობაზე შრომის დაცვის სფეროში, ორგანიზაციის კუთვნილ ტერიტორიებზე საგზაო მოძრაობის უსაფრთხოების უზრუნველყოფაზე და თანამდებობის პირების მიერ მათზე დაკისრებული მოვალეობის შესრულებაზე შრომის, შრომის ანაზღაურების და შრომის დაცვის საკითხებში. მომეტებული საფრთხის ობიექტებზე და სამუშაოებზე უსაფრთხო წარმოების წესების დაცვაზე სახელმწიფო ზედამხედველობას საქართველოს ტექნიკური ზედამხედველობის სახელმწიფო ინსპექციასთან ერთად ახორციელებს საქართველოს შრომის, ჯანმრთელობისა და სოციალური დაცვის სამინისტროს შრომის ინსპექცია და მისი ტერიტორიული ორგანოები თავიანთი კომპეტენციის ფარგლებში.

ა. ბ) შრომის პირობებიდან გამომდინარე კანონმდებლობით გათვალისწინებული, შრომისა და დასვენების დროის რეჟიმის უზრუნველყოფის, შრომის ხელშეკრულების შესრულებაზე, ქალთა და ახალგაზრდობის შრომის დაცვაზე, მომუშავეთათვის სამუშაოს შესრულებისას ტრავმით მიყენებული ზიანის ანაზღაურებაზე;

ა. გ) წარმოებაში მომხდარი უბედური შემთხვევების გამოკვლევისა და აღრიცხვის დებულებით დადგენილი წესის დაცვაზე;

ა. დ) ახლად შესაქმნელი შრომის დაცვის საშუალებების, აპარატურის, იარაღების, მანქანა-დანადგარების და სხვა პროდუქციის შესაბამისობაზე შრომის დაცვის ნორმატივების მოთხოვნებთან, დადგენილი წესით გასცეს დასკვნა მათ შესაბამისობაზე შრომის დაცვის ნორმატივების მოთხოვნებთან;

ბ) შეითანხმოს შრომისა და შრომის დაცვის საკითხებში ყველა საკანონმდებლო და ნორმატიული აქტების პროექტები მიუხედავად მათი დარგობრივი და უწყებრივი დაქვემდებარებისა. გასცეს დასკვნა ახალი და რეკონსტრუირებული ობიექტების, შესაბამისობაზე შრომის დაცვის ნორმატივების მოთხოვნებთან;

გ) გააცნოს დაინტერესებულ პირებს საქართველოს კანონმდებლობა, მოქმედი ნორმები და ნორმატივები შრომისა და შრომის დაცვის სფეროში;

დ) განსაზღვროს საქმიანობის ძირითადი და პრიორიტეტული მიმართულებები. ინსპექტორებს გაუწიოს ორგანიზაციული და მეთოდური ხელმძღვანელობა სამართლებრივ-ნორმატიული აქტებით უზრუნველყოფის საქმეში;

ე) გაანალიზოს შრომის კანონმდებლობისა და შრომის დაცვის სფეროში გამოვლენილი დარღვევები, საწარმოო ტრავმატიზმის გამომწვევი მიზეზები, დაამუშაოს წინადადებები მათი აღმოფხვრის მიზნით;

ვ) ითანამშრომლოს შრომის, შრომის დაცვის კანონმდებლობისა და ნორმატიული აქტების შემამუშავებელ ორგანოებთან აღნიშნული დოკუმენტების კანონშესაბამისობაში მოყვანის მიზნით;

ზ) განიხილოს განცხადებები, წერილები, საჩივრები და სხვა წინადადებები საქართველოს კანონმდებლობით მინიჭებული კომპეტენციის ფარგლებში;

9) აჭარის, აფხაზეთის ავტონომიური რესპუბლიკების და რეგიონალური ინსპექციების ინსპექტორების მუშაობის ხელმძღვანელობას და კოორდინაციას ახორციელებს ინსპექცია.

III. ინსპექციის უფლებები

10. შრომის სახელმწიფო ინსპექტორს ან შრომის მთავარ სახელმწიფო ინსპექტორს მასზე დაკისრებული ამოცანებისა და ფუნქციების შესრულების უზრუნველყოფისათვის:

ა) უფლება აქვს:

ა. ა) „სამეწარმეო საქმიანობის კონტროლის შესახებ” საქართველოს კანონით დადგენილი წესით შევიდეს მის საზედამხედველო ორგანიზაციებში;

ა. ბ) შემოწმების შედეგად გამოვლენილ ნაკლოვანებათა აღმოსაფხვრელად მისცეს ორგანიზაციის თანამდებობის პირს სავალდებულო შესასრულებელი მიწერილობა /დანართი №2/, საჭიროების შემთხვევაში შეადგინოს აქტი, ოქმი;

ა. გ) მოსამართლის ბრძანების შესაბამისად შეაჩეროს /აკრძალოს/ საამქროების, საწარმოო უბნების, მანქანების, ჩარხების და სხვა ტექნოლოგიური დანადგარების ექსპლუატაცია მიწერილობის გაცემით ან დალუქვით, თუ შემოწმების ან საექსპერტო დასკვნებით გამოვლენილი დარღვევები საფრთხით ემუქრებიან მომუშავეთა ჯანმრთელობას ან სიცოცხლეს;

ა. დ. დააყენოს საკითხი სათანადო ორგანოების წინაშე, საექსპერტო დასკვნებზე დაყრდნობით, ორგანიზაციის ექსპლუატაციის შეჩერების შესახებ, თუ მისი შემდგომი მუშაობა საფრთხეს უქმნის მომუშავეთა ჯანმრთელობასა და სიცოცხლეს. უბედური შემთხვევის გამოკვლევისას და ჰიგიენური სერტიფიკატის უქონლობის შემთხვევაში ამოიღოს გამოყენებული მასალების, ნივთიერებების ნიმუშები /კანონით დასაშვებ ფარგლებში/ ანალიზის ჩასატარებლად და ამის შესახებ აცნობოს ორგანიზაციის ხელმძღვანელობას;

ბ) თავისი კომპეტენციისა და კანონით დადგენილ ფარგლებში ზედამხედველობა გაუწიოს:

ბ. ა) საწარმოო დანიშნულების ობიექტებს მშენებლობის, რეკონსტრუქციისა და გადაიარაღების პერიოდში.

გ) მოითხოვოს ორგანიზაციის ხელმძღვანელებისა და ცალკეული თანამდებობის პირისაგან:

გ. ა) საჭირო ახსნა განმარტებები და დოკუმენტები იმ საკითხებზე, რომლებიც განეკუთვნება ინსპექტორის კომპეტენციას;

გ. ბ) აუცილებლობის შემთხვევაში, შენობა-ნაგებობათა, ჩარხების, მანქანა-დანადგარების და სხვა მოწყობილობების ექსპერტიზა, მათი შემდგომი შესაძლო ექსპლუატაციის დადგენის მიზნით;

გ. გ) სამუშაო ადგილების და ცალკეული სამუშაოების ჰიგიენური ექსპერტიზა, შრომის პირობებზე მოქმედი ფაქტორების ინსტრუმენტალური გაზომვები, ხოლო აუცილებლობის შემთხვევაში მოიწვიოს ექსპერტები შრომის პირობების ექსპერტიზის ჩასატარებლად ორგანიზაციის ხარჯზე;

გ. დ) ექსპლუატაციაში შესაყვანი ან სარეკონსტრუქციო საწარმოების, ცალკეული საამქროების, უბნების ჩამონათვალი;

გ. ე) გამოიტანოს დადგენილება /დანართი №3/ ადმინისტრაციული სახდელის დადების შესახებ თანამდებობის იმ პირთა მიმართ, რომლებმაც ვერ უზრუნველყვეს შრომის კანონმდებლობისა და შრომის დაცვასთან დაკავშირებული სხვა სამართლებრივ-ნორმატიული აქტების მოთხოვნათა შესრულება, ხოლო მოვალეობის განხორციელებისას ხელის შემშლელ თანამდებობის პირებზე, შეადგინოს ადმინისტრაციული სამართალდარღვევის ოქმი (დანართი №4);

გ. ვ) დააყენოს საკითხი შესაბამისი ხელმძღვანელობის წინაშე იმ ტექნოლოგიურ პროცესებში, ჩარხების, მანქანების და სხვა მოწყობილობების კონსტრუქციებში ცვლილებების შეტანის შესახებ, რომლებიც ვერ პასუხობენ შრომის დაცვის ნორმატიული აქტების მოთხოვნებს;

დ) მიიღოს მონაწილეობა:

დ. ა) საწარმოო დანიშნულების მანქანათმშენებლობის პროდუქციის /მანქანები, ჩარხები და სხვა მექანიზმები/ საცდელი ნიმუშების გამოცდაში, მისცეს დასკვნა აღნიშნული პროდუქციის შრომის დაცვის მოთხოვნათა შესაბამისობაზე ან მოითხოვოს ცვლილებების შეტანა პარამეტრებში;

დ. ბ) მიმღებ კომისიებში ახალი ან რეკონსტრუქციული ორგანიზაციების, მათი ცალკეული საწარმოების, საამქროების, უბნების, საწარმოო და საყოფაცხოვრებო დანიშნულების შენობებისა და ნაგებობების ექსპლუატაციაში შეყვანისას;

დ. გ) განიხილოს ახალი და სარეკონსტრუქციო საწარმოო ობიექტების პროექტები, საჭიროების შემთხვევაში ორგანიზაციის ხელმძღვანელებისაგან მოითხოვოს პროექტების ექსპერტიზა შრომის დაცვის მოთხოვნებთან შესაბამისობაში მოსაყვანად, პროექტებში ცვლილებებისა და დამატებების შეტანა.

ე) გააკონტროლოს ორგანიზაციების:

ე. ა) შრომითი და კოლექტიური ხელშეკრულებებით ან შეთანხმებით გათვალისწინებული შრომისა და შრომის დაცვის ღონისძიებათა შესრულება;

ვ) განაზოგადოს ორგანიზაციების შემოწმების მასალები, საწარმოო ტრავმატიზმის გამომწვევი მიზეზები, შრომის, შრომის დაცვის სხვა მონაცემები და სააჭიროების შემთხვევაში გადაუგზავნოს რეკომენდაციები აღმასრულებელ ორგანოებს;

ზ) გამოიკვლიოს და აღრიცხოს უბედური შემთხვევები „წარმოებაში მომხდარი უბედური შემთხვევის გამოკვლევისა და აღრიცხვის დებულების” შესაბამისად

თ) გამოიყენოს კანონმდებლობითა და ნორმატიული აქტებით მინიჭებული სხვა უფლებამოსილებანი.

IV შრომის ინსპექციის სისტემა

11. ინსპექციის სისტემის შემადგენლობაში არიან შემდეგი სტრუქტურული ქვედანაყოფები:

ა) საერთო განყოფილება;

ბ) ბუღალტერია;

გ) სამართლებრივი სამმართველო;

დ) შრომითი ურთიერთობების სამმართველო;

ე) მრეწველობის და სოფლის მეურნეობის ზედამხედველობის სამმართველო;

ვ) ტრანსპორტის, კავშირგაბმულობისა და მშენებლობის ზედამხედველობის სამმართველო;

ზ) არასაწარმოო სფეროს და მცირე საწარმოთა დარგების ზედამხედველობის სამმართველო;

თ) აჭარის შრომის ინსპექციის განყოფილება;

ი) აფხაზეთის შრომის ინსპექციის განყოფილება;

კ) რეგიონალური ინსპექციები.

V ინსპექციის ხელმძღვანელობა

12. შრომის ინსპექციას ხელმძღვანელობს უფროსი, რომელსაც ნიშნავს და ათავისუფლებს საქართველოს შრომის, ჯანმრთელობისა და სოციალური დაცვის მინისტრი.

13. ინსპექციის უფროსს ჰყავს ორი მოადგილე, რომლებსაც თანამდებობაზე ნიშნავს და ათავისუფლებს საქართველოს შრომის, ჯანმრთელობის და სოციალური დაცვის მინისტრი შრომის ინსპექციის უფროსის წარდგინებით.

14. უფროსი წარმოადგენს შრომის ინსპექციას და ანიჭებს ინსპექციას წარმომადგენლობას, თუ კანონმდებლობით სხვა რამ არ არის დადგენილი.

15. უფროსი პასუხისმგებელია საქართველოს კონსტიტუციის და სხვა ნორმატიული აქტების შესრულებისათვის იმ სფეროში, რომელიც ინსპექციის კომპეტენციას განეკუთვნება.

16. ინსპექციის უფროსი:

ა. დადგენილი წესით თანამდებობაზე ნიშნავს და თანამდებობიდან ათავისუფლებს ინსპექციის სტრუქტურული ქვედანაყოფებისა და აჭარისა და აფხაზეთის ავტონომიური რესპუბლიკების შრომის ინსპექციის განყოფილების უფროსებს, რეგიონალური ინსპექციების და საშტატო ნუსხით გათვალისწინებულ სხვა საჯარო მოსამსახურეებს;

ბ) ქმნის სათათბირო ორგანოს – საბჭოს, რომლის უფლებამოსილება განსაზღვრულია საბჭოს დებულებით;

გ) დადგენილი წესით სამინისტროში შეაქვს წინადადებები გადაწყვეტილებათა მისაღებად იმ საკითხებზე, რომლებიც ინსპექციის კომპეტენციის სფეროს განეკუთვნება;

დ) აბარებს საქართველოს შრომის, ჯანმრთელობისა და სოციალური დაცვის მინისტრს დადგენილი ფორმის შესაბამისად (დანართი №5) ინსპექციის საქმიანობის ყოველწლიურ ანგარიშს;

ე) პასუხს აგებს ინსპექციის ბალანსზე რიცხულ სახელმწიფო ქონების დაცვისა და მიზნობრივი გამოყენებისათვის და ორგანიზაციას უწევს ამ საქმიანობას კანონმდებლობით დადგენილი წესით;

ვ) კანონის საფუძველზე და მის შესასრულებლად გამოსცემს ინდივიდუალურ სამართლებრივ აქტებს, ბრძანებებს და პასუხისმგებელია მათ კანონიერებასა და მიზანშეწონილობისათვის;

ზ) აჩერებს ინსპექციის სახელმწიფო მოხელეთა მიერ გაცემული აქტის აღსრულების ან მოქმედების შესრულებას, გასცემს შესასრულებლად სავალდებულო მითითებებს აქტის შეცვლის, მოქმედებაში ნაკლოვანებათა აღმოფხვრის ან მოქმედების შესრულების შესახებ;

თ) სამსახურებრივი ზედამხედველობის განხორციელებისას გამოსცემს ინდივიდუალურ სამართლებრივ აქტებს.

VI ინსპექციის სტრუქტურული ქვედანაყოფი

19. სტრუქტურული ქვედანაყოფის ხელმძღვანელი უშუალოდ ემორჩილება უფროსს ან უფროსის მოადგილეს.

20. სტრუქტურული ქვედანაყოფის ხელმძღვანელი:

ა) ანაწილებს მოვალეობებს მისდამი დაქვემდებარებული სტრუქტურული ქვედანაყოფის მოხელეებს შორის და აძლევს მათ მითითებებს;

ბ) თვალყურს ადევნებს სტრუქტურული ქვედანაყოფის მოხელეების მიერ თავიანთი სამსახურებრივი მოვალეობის შესრულებას;

გ) აბარებს სტრუქტურული ქვედანაყოფის მუშაობის ანგარიშს;

დ) წარუდგენს ინსპექციის ხელმძღვანელობას წინადადებებს სტრუქტურული ქვედანაყოფის მოხელეების წახალისების ან მათთვის დისციპლინური პასუხისმგებლობის დაკისრების შესახებ;

ე) ასრულებს ამ დებულებით, სტრუქტურული ქვედანაყოფის დებულებით და უშუალოდ ხელმძღვანელის მიერ განსაზღვრულ ამოცანებს.

VII დასკვნითი დებულებანი

21. ინსპექციის რეორგანიზაცია და ლიკვიდაცია ხორციელდება კანონმდებლობით დადგენილი წესით.

დ ა ნ ა რ თ ი №1

საქართველოს შრომის, ჯანმრთელობისა და სოციალური დაცვის სამინისტრო

შრომის ინსპექცია

დ ა ს კ ვ ნ ა №-------

„---------“ -------------------------------------- 200 წ.

ადასტურებს იმას, რომ

(წარმოების დასახელება, მისამართი, ტელეფონი, რეგისტრაციის №)

აწარმოებს

(პროდუქციის დასახელება)

და განეკუთვნება

(მრეწველობის დარგი)

საწარმოში შრომის დაცვის მდგომარეობა დამაკმაყოფილებელია.

დასკვნის გაცემის საფუძველი

განაცხადი № „---------“ ------------------------------------ 200 წ.

მოკვლევის აქტი № „---------“ ----------------------------------- 200 წ.

შრომის (მთავარი)

სახელმწიფო ინსპექტორი: -------------------------------------------------------------------------------

(ხელმოწერა, ხელმოწერის გაშიფვრა, ბეჭედი)

მოკვლევა ჩაატარა: ----------------------------------------------------------------------------------------

(ხელმოწერა, ხელმოწერის გაშიფვრა)

დასკვნის გამცემი ინსპექციის კოორდინატები -------------------------------------------------------

----------------------------------------------------------------------------------------------------------------

დანართი №2

საქართველოს შრომის, ჯანმრთელობისა და

სოციალური დაცვის სამინისტრო

შრომის ინსპექცია

ვის

(სახელი, გვარი, თანამდებობა)

(ორგანიზაციიის დასახელება)

მიწერილობა №--------

მოქმედი კანონმდებლობის შესაბამისად წინადადება გეძლევათ აღმოფხვრათ მიწერილობაში აღნიშნული დარღვევები:

№	გამოვლენილი დარღვევა	აღმოფხვრის ვადა
1	2	3

მიწერილობის შესრულების შესახებ გთხოვთ წერილობით გვაცნობოთ

200 – წლის „-------“ -------------------------------- მდე.

მისამართი:

შრომის (მთავარი) სახელმწიფო ინსპექტორი:

------------------------- ------------------------------ „-----“ ---------------200 წ.

(სახელი, გვარი) (ხელმოწერა)

მიწერილობა მივიღე: --------------------- --------------------- „-----“ ---------------200 წ.

(სახელი, გვარი) (ხელმოწერა)

დანართი №3

საქართველოს შრომის, ჯანმრთელობისა და

სოციალური დაცვის სამინისტრო

შრომის ინსპექცია

დადგენილება სერია №

ადმინისტრაციული სამართალდარღვევის შესახებ

„-----“---------------------- 200 წ. --------------------------------------

(დადგენილების გამოტანის ადგილი)

მე შრომის ---------------------------------------------------------------------------------------------

(თანამდებობის დასახელება, სახელი, გვარი)

შევამოწმე რა 200 წ. „-------“---------------------დან 200 წ „-------“---------------------მდე

(ორგანიზაციის სრული დასახელება)

შემოწმების შედეგად გავარკვიე --------------------------------------------------------------

(შემოწმებისა და განხილვისას დადგენილი დარღვევის არსი)

საქართველოს ადმინისტრაციულ სამართალდარღვევის კოდექსის 42-ე მუხლის საფუძველზე დავადგინე:

-------------------------------------------------------------------------------------------------------------

------------------------------------------------------------------------------------------------------------

(ადმინისტრაციული სამართალდამრღვევის სახელი, გვარი, თანამდებობა

-------------------------------------------------------------------------------------------------------

საცხოვრებელი ადგილის მისამართი)

რომელმაც დაარღვია ----------------------------------------------------------------------------

(ნორმატიული დოკუმენტის დასახელება, მუხლის, პუნქტის ნომერი)

მიეცეს ადმინისტრაციულ პასუხისგებაში ჯარიმის სახით -------------------------

(თანხის ოდენობა ლარებში)

აღნიშნული თანხა შეტანილ უნდა იქნეს: საქართველოს ეროვნულ ბანკში კოდ. 220101107 №012103939 ანგარიშზე.

ჯარიმა ექვემდებარება გადახდას თხუთმეტი დღის ვადაში.

--------------------------------------- ----------------------------------

(თანამდებობის დასახელება) (ხელმოწერა)

დადგენილება მივიღე ------------------------------------------------------------------------------

(ხელის მოწერა, თარიღი, სამართალდამრღვევის სახელი, გვარი)

შენიშვნა:

1. დადგენილება ფორმდება 3 ეგზემპლარად. ერთი ეძლევა დაჯარიმებულ პირს.

2. დადგენილება შეიძლება გასაჩივრდეს კანონმდებლობის შესაბამისად 10 დღის განმავლობაში დადგენილების მიღებიდან.

3. ჯარიმის გადახდის შესახებ შეგვატყობინეთ შემდეგ მისამართზე:

დანართი №4

საქართველოს შრომის, ჯანმრთელობისა და

სოციალური დაცვის სამინისტრო

შრომის ინსპექცია

ადმინისტრაციული სამართალდარღვევის

ო ქ მ ი სერია №

200 წ.------------------------- „----------“

1. -------------------------------------------------------------------------------------------------------------

(ოქმის შედგენის ადგილი)

2. -------------------------------------------------------------------------------------------------------------

(ოქმის შემდგენის თანამდებობა, სახელი, მამის სახელი, გვარი)

3. -------------------------------------------------------------------------------------------------------------

(სამართალდამრღვევის გვარი, სახელი, მამის სახელი, მისამართი)

(ადმინისტრაციული სამართალდარღვევის ჩადენის ადგილი, დრო და არსი)

5. დარღვეული იქნა ---------------------------------------------------------------------------------------

( ნორმატიული აქტის დასახელება)

----------------------------------------------------------------------------------------------------------------

6. პასუხისმგებლობა აღნიშნული დარღვევისათვის განსაზღვრულია საქართველოს ადმინისტრაციულ სამართალდარღვევათა კოდექსის ------------- მუხლით.

დამრღვევს განემარტა მისი უფლებები და მოვალეობანი, რომლებიც გათვალისწინებულია საქართველოს ადმინისტრაციულ სამართალდარღვევათა კოდექსის 252-ე მუხლით

-------------------------------------------------------------------------------------------------------

/თანამდებობის პირთს სახელი, გვარი, ხელმოწერა /

(სამართალდამრღვევი პირის სახელი და გვარი, ხელმოწერა)

8. ხელმოწერაზე უარის თქმის მოტივები

9. ოქმის მეორე ეგზემპლარი ჩავიბარე -----------------------------------------------------------------

/მიმღები პირის დასახელება და ხელმოწერა/

შენიშვნა: სამართალდამრღვევის მიერ ოქმის ხელმოწერაზე უარის თქმის შემთხვევაში ოქმში კეთდება სათანადო ჩანაწერები, ოქმზე ხელის მოუწერლობა არ იძლევა საქმის წაემოების შეწყვეტის საფუძველს. სამართალდამრღვევს უფლება აქვს წარმოადგინოს ახსნა-განმარტება და შენიშვნები ოქმის შინაარსთან დაკავშირებით, აგრეთვე მიუთითოს ხელმოწერაზე უარის თქმის მოტივები.

დანართი №5

შრომის ინსპექციის

(ინსპექტორი, სამმართველო, განყოფილება, რეგიონი)

200 წლის ------------------------------

ა ნ გ ა რ ი შ ი

(წარედგინება არა უგვიანეს 25 რიცხვისა საანგარიშო პერიოდის გასვლიდან)

№	მაჩვენებელთა დასახელება	საანგარიშო პერიოდი		წინა წლის შესაბამისი პერიოდი
№	მაჩვენებელთა დასახელება	მიმდინარე პერიოდი	ჯამური წლის დასაწყისიდან	მიმდინარე პერიოდი	ჯამური წლის დასაწყისიდან
1	2	3	4	5	6
1. 2. 2.1 2.2 2.3 3. 4 4.1 4.2 4.3 5.	ინსპექტორთა რაოდენობა შემოწმებული ორგანიზაციების რაოდენობა. მათ შორის: განმეორებითი კომპლექსური მიზნობრივი შემოწმებული ორგანიზაციებში მომუშავეთა საშუალო სიობრივი რაოდენობა ფაქტიურად მომუშავეთა რაოდენობა მათ შორის;: ქალი 18 წლამდე ახალგაზრდა მოზარდი 16 წლამდე გაცემულია მიწერილობა
6. 6.1 7. 7.1 7.2 7.3 8. 8.1 8.2 9. 9.1 9.2 10. 10.1 10.2 11. 11.1 11.2 12. 12.1 12.2 13. 13.1 13.2 14. 15. 15.1 15.2 15.3 15.4 16. 17. 18. 18.1 19. 20. 20.1 20.2	გამოვლენილ დარღვევათა რაოდენობა მათ შორის: აღმოფხვრილია შეჩერებულია მუშაობა მათ შორის: ჩარხი, დანადგარი, მოწყობილობა უბანი, საამქრო ორგანიზაცია შრომის მძიმე და მავნე პირობებში მომუშავეთა რაოდენობა მათ შორის: ქალი არასრულწლოვანი დაჯარიმებულთა რაოდენობა მათ შორის: ოქმით დადგენილებით დაჯარიმებულია ლარებში მათ შორის: ოქმით დადგენილებით ამოღებულია (ბიუჯეტის სასარგებლოდ ლარებში) მათ შორის: ოქმით დადგენილებით შრომისა და შრომის დაცვის კანონმდებლობის მოთხოვნათა დარღვევისათვის გაგზავნილ შეტყობინებათა რაოდენობა მათ შორის: სამართალდამცავ ორგანოებში სხვა უწყებებში დაედო დისციპლინუ რ ი სასჯელი მათ შორის; ჩამოქვეითებულია გათავისუფლებულია მიეცა პასუხისგებაში გამოვლენილ უბედურ შემთხვევათა რაოდენობა მათ შორის: ჯგუფური აშკარა ინვალიდობის შედეგით სასიკვდილო შედეგით განსაკუთრებით მძიმე შემთხვევა აქტი ტ-1 რაოდენობა ჩატარებულია პროექტის ექსპერტიზა ექსპლოატაციაში გასაშვებად წარმოდგენილი ობიექტების რაოდენობა მათ შორის: მიღებულია და გაცემულია დასკვნა საქმიანობაზე შემოწმებულ წარმოებათა რაოდენობა, რომლებმაც საანგარიშო პერიოდში იმუშავეს ტრავმატიზმის გარეშე შემოსული წერილების რაოდენობა მათ შორის: გაეცა პასუხი გადაწყდა საკითხი ადგილზე

(თანამდებობის დასახელება, სახელი, გვარი, ხელმოწერა)

„---------“ ----------------------------200 წ.