საქართველოს შსს 1997 წლის 31 დეკემბრის №693 ბრძანებით დამტკიცებულ ქ. თბილისის შინაგან საქმეთა მთავარი სამმართველოს დებულებაში ცვლილების შეტანის შესახებ
🕸️ გრაფი — კავშირების ვიზუალიზაცია
ცვლილებები (1)
დოკუმენტის ტექსტი
სახელმწიფო სარეგისტრაციო კოდი 140.130.000.11.118.005.419
საქართველოს შინაგან საქმეთა მინისტრის
ბრძანება№377
2002 წლის 8 ივლისი
ქ. თბილისი
საქართველოს შსს 1997 წლის 31 დეკემბრის №693 ბრძანებით დამტკიცებულ ქ. თბილისის შინაგან საქმეთა მთავარი სამმართველოს დებულებაში ცვლილების შეტანის შესახებ
საქართველოს შინაგან საქმეთა სამინისტროს სისტემაში ერთიანი საკადრო პოლიტიკის განხორციელებისა და კადრების შერჩევა-განაწილების გაუმჯობესების მიზნით, ვბრძანებ:
1. საქართველოს შსს 1997 წლის 31 დეკემბრის №693 ბრძანებით დამტკიცებული ქ. თბილისის შინაგან საქმეთა მთავარი სამმართველოს დებულების მე-3 თავის მე-2 პუნქტი შეიცვალოს შემდეგი რედაქციით:
„შინაგან საქმეთა მთავარი სამმართველოს ცენტრალური აპარატის სამმართველოების, სამსახურების, განყოფილებების უფროსებს, მათ მოადგილეებს და ქვეგანყოფილებების უფროსებს, აგრეთვე რაიონული შს სამმართველოების, შემავალი განყოფილებების და ტერიტორიული განყოფილებებს უფროსებს, მათ მოადგილეებს და ქვეგანყოფილებების უფროსებს თანამდებობაზე ნიშნავს და თანამდებობიდან ათავისუფლებს საქართველოს შს მინისტრი ან შს მინისტრის კურატორი მოადგილე, ნომენკლატურის შესაბამისად, შს მთავარი სამმართველოს უფროსის წარდგინების საფუძველზე”.
2. ბრძანება დაიგზავნოს დანიშნულებისამებრ.
კ. ნარჩემაშვილი