ქალაქ ბორჯომში კოტეჯური დასახლება „პატარა გომნას“ განაშენიანების რეგულირების გეგმის დამტკიცების შესახებ

ბორჯომის მუნიციპალიტეტის საკრებულოს

დადგენილება №17

2011 წლის 3 ივნისი

ქ. ბორჯომი

ქალაქ ბორჯომში კოტეჯური  დასახლება  ,,პატარა გომნას“  განაშენიანების რეგულირების გეგმის დამტკიცების შესახებ

მუნიციპალიტეტის საკრებულო აღნიშნავს, რომ  2008 წლის 18 თებერვალს  ადგილობრივი  თვითმმართველობის მიერ  აუქციონის წესით   გაიყიდა ქალაქ ბორჯომში  ,,ახალი გომნის” ტერ ი ტორიაზე  60000 კვმ არასასოფლო-სამეურნეო დანიშნულების მიწის ნაკვეთი   401000 ლარად.

მიწის ნაკვეთი  შეიძინა ისრაელის მოქალაქემ  იეხიამ  გერშონის ძე კურმანმა.

     აუქციონის ძირითად პირობას წარმოადგენდა  პრეტენდენტის მიერ მიწის ნაკვეთზე საცხოვრებელი და კომერციული კომპლექსის მშენებლობა. მიმდინარე ტერიტორიის და შიდა გზების კეთილმოწყობა, გამწვანება,  ტექნიკური ინფრასტრუქტურის მოწყობა, ასევე მესხეთის ქუჩიდან ახალ გომნამდე მდინარე მტკვარზე არსებული ამორტიზებული ხიდის ჩანაცვლება  ახალი თანამედროვე ტექნიკური, არქიტექტურულ-დიზაინერული მოთხოვნების შესაბამისი ხიდით.

მშენებლობის პერიოდში მუშახელის დაკომპლექტება უნდა განხორციელდეს  ბორჯომის ტერიტორიაზე რეგისტრირებულ  მოსახლეობის ხარჯზე.

იეხიამ  გერშონის ძე კურმანის დაკვეთით გის  და  დზ  საკონსულტაციო ცენტრ   ,,გეოგრაფიკის“ მიერ  შემუშავებული იქნა  კოტეჯური  დასახლება  ,,პატარა გომნას“  განაშენიანების რეგულირების გეგმა.

„ნორმატიული აქტების შესახებ“ საქართველოს კანონის მე-18 მუხლის შესაბამისად,ბორჯომის მუნიციპალიტეტის საკრებულო   ადგენს:

1. დამტკიცდეს  ქალაქ ბორჯომში კოტეჯური  დასახლება  ,,პატარა გომნას“  განაშენიანების რეგულირების გეგმა,  თანახმად  №1  და №2 დანართებისა.

2. დადგენილება ამოქმედდეს გამოქვეყნებისთანავე. 

    საკრებულოს თავმჯდომარე              ბ. ქურდაძე