ელექტროენერგეტიკის სექტორის შიგნით მოქმედი ტარიფების შესახებ

სახელმწიფო სარეგისტრაციო კოდი 120.013.003.099

საქართველოს ელექტროენერგეტიკის მარეგულირებელი ეროვნული კომისიის (სემეკ)

დადგენილება№ 4

1997 წლის 8 ოქტომბერი       

ქ. თბილისი

ელექტროენერგეტიკის სექტორის შიგნით მოქმედი ტარიფების შესახებ

 „ელექტროენერგეტიკის შესახებ” საქართველოს კანონის შესაბამისად და საქართველოს პრეზიდენტის 1997 წლის 28 ივლისის №389 ბრძანებულებით “მოსახლეობის სოციალური დაცვის დამატებითი ღონისძიებებისა და ელექტროენერგეტიკაში ფასწარმოქმნის საბაზრო სისტემაზე ეტაპობრივად გადასვლის შესახებ” ელექტროენერგიის მოსახლეობაზე გასაყიდი ტარიფის ცვლილებასთან დაკავშირებით დადგინდეს ელექტროენერგეტიკის სექტორის შიგნით მოქმედი შემდეგი საბითუმო ტარიფები:

1.1. „საქენერგოს” მიერ გამანაწილებელ ენერგოკომპანიებზე გაცემული ელექტროენერგიისათვის: საშუალო ძაბვაზე (6კვ; 10კვ.) ერთი კილოვატსაათისათვის 3.3 თეთრი, მაღალ ძაბვაზე (35კვ; 110კვ.) ერთი კილოვატსაათისათვის 3.1 თეთრი.

1.2. ჰიდროელექტროსადგურების მიერ „საქენერგოსთვის” მიწოდებული ელექტროენერგიისათვის ერთ კილოვატსაათზე საშუალო შეწონილი ტარიფი – 0.98 თეთრი, მათ შორის:

„საქენერგოგენერაცია”

(ენგურჰესი, ვარდნილჰესები)	- 0.9	ორთაჭალჰესი	- 1.3
ვარციხეჰესი (კასკადი)	- 0.9	ზაჰესი	- 1.3
ხრამი I	- 0.95	ჩითახევიჰესი	- 1.3
ხრამი II	- 0.95	აწჰესი	-1.3
ტყიბულჰესი	- 0.95	ბჟუჟაჰესი	- 1.4
ლაჯანურჰესი	- 1.05	სიონჰესი	- 1.7
გუმათჰესი (კასკადი)	- 1.05	ალაზანჰესი	- 1.7
რიონჰესი	- 1.05	კურზუჰესი	- 2.0
შაორჰესი	- 1.2	დმანისიჰესი	- 2.0
ჟინვალჰესი	- 1.2	ხერთვისიჰესი	- 2.0
კაბალიჰესი	- 2.0	რიცეულაჰესი	- 2.0
დაშბაშჰესი	- 2.0	მარტყოფჰესი	- 2.0
მისაქციელჰესი	- 2.0	სქურიჰესი	- 2.0
ტირიფონჰესი	- 2.0	აგჰესი	- 2.0
ჩხორუწყუჰესი	- 2.0

 

1.3. „თბილსრესსა” და „საქენერგოს” შორის 1997 წლის 1 იანვრიდან პირდაპირი ხელშეკრულებით განსაზღვრული ორსაფეხურიანი ტარიფი:

- 1 კვტ. გარანტირებული სიმძლავრისათვის – 2.5 ლარი თვეში;

- ელექტროენერგიისათვის – 3.3 თეთრი/კვტსთ.

2. „საქენერგოსა” და ელექტროსადგურების მიერ პირდაპირი მომხმარებლებისათვის მიწოდებული ელექტროენერგიის რაოდენობა და ტარიფი განისაზღვრება კომისიის გადაწყვეტილებით ორივე მხარის (მიმწოდებელი და მომხმარებელი) მიერ წარდგენილი განაცხადის საფუძველზე.

3.    ამ დადგენილებით განსაზღვრული ტარიფები ძალაშია 1998 წლის 1 აპრილამდე. ელექტროენერგეტიკის სექტორში შემავალმა სუბიექტებმა ახალი სატარიფო განაცხადი, დადგენილი წესით, კომისიაში წარადგინონ 1998 წლის 15 თებერვლამდე.

თავმჯდომარე                               ელ. ერისთავი