შპს „ელექტროენერგეტიკული სისტემის კომერციული ოპერატორის” მომსახურების ტარიფის შესახებ

სახელმწიფო სარეგისტრაციო კოდი 300.320.000.16.009.009.418

საქართველოს ენერგეტიკის მარეგულირებელი ეროვნული კომისიის (სემეკ)

დადგენილება №34

2006 წლის 4 ოქტომბერი

ქ. თბილისი

შპს ,,ელექტროენერგეტიკული სისტემის კომერციული ოპერატორის” მომსახურების ტარიფის შესახებ

შპს ,,ელექტროენერგეტიკული სისტემის კომერციული ოპერატორის” სატარიფო განაცხადიდან გამომდინარე ,,ელექტრო­ენერგეტიკისა და ბუნებრივი გაზის შესახებ” საქართველოს კანონის მე-4 მუხლის მე-5 პუნქტის ,,ბ” ქვეპუნქტის, მე-5 მუხლის პირველი პუნქტის, 42-ე, 43-ე და 44-ე მუხლების საფუძველზე, საქართველოს ენერგეტიკის მარეგულირებელმა ეროვნულმა კომისიამ დაადგინა:

    მუხლი 1

შპს ,,ელექტროენერგეტიკული სისტემის კომერციული ოპერატორის” მომსახურების ტარიფი განისაზღვროს 0,014 თეთრი/კვტსთ დღგ-ის გარეშე.

    მუხლი 2

აღინიშნოს, რომ შპს ,,ელექტროენერგეტიკული სისტემის კომერციული ოპერატორის” მომსახურების საფასურის ანაზღაურება მოხდება საქართველოს ენერგეტიკის მინისტრის 2006 წლის 30 აგვისტოს №77 ბრძანებით დამტკიცებული ,,ელექტროენერგიის (სიმძლავრის) ბაზრის წესების” მიხედვით.

    მუხლი 3

დადგენილება ძალაშია გამოქვეყნებიდან 15 დღის შემდეგ და ვრცელდება 2006 წლის 1 სექტემბრიდან წარმოქმნილ ურთიერთობებზე.

გ. თავაძე