აბაშის მუნიციპალიტეტის ტერიტორიაზე I კლასს მიკუთვნებულ შენობა-ნაგებობათა სახეობების განსაზღვრის შესახებ, რომელთა მშენებლობა არ დაექვემდებარება მშენებლობის ნებართვის გაცემას
🕸️ გრაფი — კავშირების ვიზუალიზაცია
ცვლილებები (1)
დოკუმენტის ტექსტი
აბაშის მუნიციპალიტეტის საკრებულოს
დადგენილება №35
2011 წლის 22 ივლისი
ქ. აბაშა
აბაშის მუნიციპალიტეტის ტერიტორიაზე I კლასს მიკუთვნებულ შენობა-ნაგებობათა სახეობების განსაზღვრის შესახებ, რომელთა მშენებლობა არ დაექვემდებარება მშენებლობის ნებართვის გაცემას
„მშენებლობის ნებართვის წესისა და სანებართვო პირობების შესახებ“, საქართველოს მთავრობის 2009 წლის 24 მარტის №57 დადგენილების 65-ე მუხლის მე-2 პუნქტისა და 66-ე მუხლის საფუძველზე, აბაშის მუნიციპალიტეტის საკრებულომ დაადგინა:
მუხლი 1. აბაშის მუნიციპალიტეტის მთელ ტერიტორიაზე მშენებლობის ნებართვის გარეშე განხორციელდეს „მშენებლობის ნებართვის გაცემის წესისა და სანებართვო პირობების შესახებ“, საქართვლოს მთავრობის 2009 წლის 24 მარტის №57 დადგენილების 65-ე მუხლის, პირველი პუნქტის „გ“, „ე“, „ვ“, „ზ“, „თ“, „ი“ და „კ“ ქვეპუნქტებით განსაზღვრული პირველი კლასის შენობა-ნაგებობების მშენებლობა.
მუხლი 2. ამ დადგენილების პირველ პუნქტში მითითებული პირველ კლასს მიკუთვნებული შენობა-ნაგებობების მშენებლობა განხორციელდეს „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 66-ე მუხლით გათვალისწინებული პირობების დაცვით.
მუხლი 3. დადგენილება ძალაში შევიდეს, „ნორმატიული აქტების შესახებ“ საქართველოს კანონით დადგენილი წესით, გამოქვეყნებისთანავე.
საკრებულოს თავმჯდომარე დ. თოფურია