თელავის მუნიციპალიტეტის სიმბოლოების (გერბი და დროშა) დამტკიცების შესახებ

თელავის  მუნიციპალიტეტის საკრებულო ს

დ ა დ გ ე ნ ი ლ ე ბ ა  №19

 2011 წ ლის 26  ივლისი  

ქ. თელავი

თელავის მუნიციპალიტეტის სიმბოლოების  (გერბი და დროშა) დამტკიცების შესახებ

       ,,ადგილობრივი თვითმმართველობის შესახებ’’ საქართველოს ორგანული კანონის მე-8 მუხლისა და 43-ე მუხლის მე-2 პუნქტის თანახმად,

1. დამტკიცდეს საქართველოს პარლამენტთან არსებული ჰერალდიკის სახელმწიფო საბჭოსთან შეთანხმებული თელავის მუნიციპალიტეტის გერბის და დროშის გამოსახულებები:

        ა) თელავის მუნიციპალიტეტის გერბის გამოსახულება(დანართი №1);

        ბ) თელავის მუნიციპალიტეტის გერბის აღწერილობა   (დანართი №2);

        გ) თელავის მუნიციპალიტეტის დროშის გამოსახულება (დანართი №3);

        დ) თელავის მუნიციპალიტეტის დროშის აღწერილობა  (დანართი №4);

       2. მუნიციპალიტეტის სიმბოლოების გამოყენება მოხდეს საქართველოს პრეზიდენტის ბრძანებულებით დადგენილი წესით.

       3. დადგენილება ძალაშია გამოქვეყნებისთანავე.

       4. დადგენილების გასაჩივრება შესაძლებელია თელავის რაიონულ სასამართლოში (ქ. თელავი, დ. აღმაშენებლის გამზირი №41) უშუალო ზიანის მიყენებიდან სამი თვის ვადაში.

        საკრებულოს თავმჯდომარე                       ნ. ხუცაიძე    

 

 

 

 

 

 

 

 

 

 

 

 

 

 

 

 

 

 

 

დანართი №1

 

თელავის მუნიციპალიტეტის გერბის გამოსახულება

 

 

დანართი №2

 

თელავის მუნიციპალიტეტის გერბი ს აღწერილობა

გერბის ფარი გადაკვეთილია და ზემოთ გაკვეთილი. 1 ნაწილი – ლაჟვარდოვან ველზე შვიდი ოქროს ბორცვი (მთა) 4/3. ზედა ოთხ ბორცვზე ოქროს 4 ციხე-კოშკია მოთავსებული; მათ ზემოთ კი ოქროს ხუთქიმიანი გვირგვინი. II ნაწილი – მეწამულ (წითელ) ველზე ვერცხლის ფრთოსანი ცხენი. III ნაწილი – ვერცხლის ველზე ვერტიკალურად ზურმუხტის (მწვანე) ყურძნის ორი მტევანი, მათ შორის ზურმუხტის (მწვანე) ვაზის ორი ფოთოლი.  

გერბის ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.

ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავით ჩაწერილია გერბის დევიზი – „თელავი“.

 

 

 

 

 

დანართი №3

 

 

თელავის მუნიციპალიტეტის დროშის გამოსახულება

 

 

 

 

დანართი №4

 

თელავის მუნიციპალიტეტის დროშის აღწერილობა

დროშის ველი გაყოფილია ჰორიზონტალურად ორ ნაწილად – მეწამულ (წითელ) და ლაჟვარდოვან (ლურჯ) ველებად. დროშის ცენტრში გამოსახულია ვერცხლის ფრთოსანი ცხენი.

დროშის პროპორციაა 2:3.