ქალაქ ახალციხეში მდებარე ისტორიული უბნის „რაბათის“ სარეაბილიტაციო არეალად გამოცხადების შესახებ

ახალციხის მუნიციპალიტეტის საკრებულოს

 დადგენილება №20

2011 წლის 11 აგვისტო

ქ. ახალციხე

ქალაქ ახალციხეში მდებარე ისტორიული უბნის „რაბათის“ სარეაბილიტაციო არეალად გამოცხადების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ჟ“ ქვეპუნქტისა და „სივრცითი მოწყობისა და ქალაქთმშენებლობის საფუძვლების შესახებ“ საქართველოს კანონის 34¹ მუხლის პირველი პუნქტის შესაბამისად, საკრებულო ადგენს:

1. ქალაქ ახალციხეში მდებარე ისტორიული უბანი „რაბათი“ გამოცხადდეს სარეაბილიტაციო არეალად (დანართი №1-ის შესაბამისად).

2. დამტკიცდეს ქალაქ ახალციხეში მდებარე ისტორიული უბნის ,,რაბათის“ სარეაბილიტაციო არეალში შემავალი ქუჩების ჩამონათვალი დანართი №2-ის შესაბამისად.

3. დამტკიცდეს ქალაქ ახალციხეში მდებარე ისტორიული უბნის ,,რაბათის” განვითარების პროგრამა და მიზნები:

ა. ქ. ახალციხის ისტორიული უბნის „რაბათის“ რეაბილიტაცია;

ბ. ქ. ახალციხის ისტორიული ძეგლის „ახალციხის ციხის“ რესტავრაცია, რეკონსტრუქცია, რეაბილიტაცია;

გ. ტურისტული ინფრასტრუქტურის შექმნა;

დ. ტურისტული ბიზნესგარემოს გაუმჯობესება, სტიმულირება;

ე. ინვესტიციის მოზიდვის წინაპირობის შექმნა;

ვ. მოსახლეობის საცხოვრებელი პირობების გაუმჯობესება.

4. განვითარების პროგრამის ფარგლებში განსახორციელებელი პროექტების მიმდინარეობისას კერძო ან/და სახელმწიფო საკუთრებაში არსებულ უძრავ ქონებაზე რაიმე სახის ზემოქმედება განხორციელდეს საქართველოს კანონმდებლობის შესაბამისად.

5. პროგრამის მიზნების განხორციელებაში თვითმმართველი ერთეული მონაწილეობს თავისი გამგეობის სტრუქტურული ერთეულების ან თავის მიერ დაფუძნებული იურიდიული პირის მეშვეობით როგორც რეაბილიტაციის განმახორციელებელი სუბიექტი (დამკვეთი, შემსრულებელი).       

6. სურვილის შემთხვევაში, განვითარების პროგრამაში, ფიზიკური, კერძო სამართლის იურიდიული პირები და სახელმწიფო ორგანიზაციები მონაწილეობას იღებენ ახალციხის მუნიციპალიტეტის თვითმმართველობასთან შეთანხმების საფუძველზე.

7. დადგენილება ამოქმედდეს „ნორმატიული აქტების შესახებ“ საქართველოს კანონის შესაბამისად, გამოქვეყნებისთანავე.

საკრებულოს თავმჯდომარე                                                                                    მ. გიქოშვილი

 

 დანართი №1

ქალაქ ახალციხის ისტორიული უბნის ,,რაბათის” სარეაბილიტაციო არეალი

                    –   სარეაბილიტაციო ტერიტორიის საზღვარი.

დანართი № 2

ქალაქ ახალციხეში მდებარე ისტორიული უბნის ,,რაბათის“ სარეაბილიტაციო არეალში შემავალი ქუჩების ჩამონათვალი

1. ქ. ახალციხე, იაკობ გოგებაშვილის ქუჩა;

2. ქ. ახალციხე, ალ ექსანდრე ყაზბეგის ქუჩა

3. ქ. ახალციხე, პ ეტრე ხარისჭირაშვილის ქუჩა;

4. ქ. ახალციხე, ი ლია ხმალაძის ქუჩა;

5. ქ. ახალციხე, ციხისძირის ქუჩა;

6. ქ. ახალციხე, დ ავით გურამიშვიის ქუჩა;

7. ქ. ახალციხე, ექვთიმე ათონელის ქუჩა.