შპს „ხიმინჯი“-ს მეორე აუქციონის არშემდგარად გამოცხადების შესახებ

ოქმი

შპს „ხიმინჯის“ მეორე აუქციონის არშემდგარად გამოცხადების შესახებ

 

2011 წლის 18 სექტემბერს, 17 საათზე, დანიშნული იყო მეორე აუქციონი შპს „ხიმინჯის“ (საიდენტიფიკაციო კოდი 205143334) სამეურვეო მასაში არსებული ქონების რეალიზაციის მიზნით.

აუქციონზე ორ ლოტად გამოტანილი იყო შპს „ხიმინჯის“ სამეურვეო მასაში არსებული ქონება, კერძოდ:

ერთ ლოტად გამოტანილი იყო შპს „ხიმინჯის“ ბალანსზე რიცხული 800 კვ. მეტრი მიწის ნაკვეთი, განთავსებული ზაჰესის ტერიტორიის მიმდებარედ, შეღობილი კაპიტალური ღობით, რომლის საწყისი ღირებულება შეადგენდა 50 000 ლარს.

მეორე ლოტად გამოტანილი იყო შპს „ხიმინჯის“ ბალანსზე რიცხული მოძრავი ქონება, კერძოდ: სამშენებლო სამუშაოების საწარმოებლად განკუთვნილი სპეციალური სახის მექანიზმები (დანადგარები), რომელთა საწყისი ღირებულება შეადგენდა 193 506 ლარს.

სამეურვეო ქონების შეძენის მსურველთა განცხადებების მიღება იწყებოდა ინფორმაციის გამოქვეყნების დღიდან და გრძელდებოდა 2011 წლის 17 სექტემბრამდე.

იმ გარემოების გათვალისწინებით, რომ აუქციონში მონაწილეობის მსურველთა განცხადებები ზემოაღნიშნულ ვადაში წარმოდგენილი არ ყოფილა და, ამასთან, თვით აუქციონზეც არავინ გამოცხადებულა, შპს „ხიმინჯის“ მეორე აუქციონი გამოცხადდა არშემდგარად.

გაკოტრების მმართველი               ვ. კეკელიძე