„ქ. თბილისის ადმინისტრაციულ საზღვრებში მიწისქვეშა ელექტროტრანსპორტით (მეტრო) და M3 კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას მგზავრობის ტარიფისა და ფასდაკლების სისტემის დამტკიცების შესახებ“ ქ. თბილისის მთავრობის 2010 წლის 2 დეკემბრის №32.03.1498 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ
ქ. თბილისის მთავრობის დადგენილება ძალადაკარგული ეკონომიკა და ინფრასტრუქტურა
მიღების თარიღი
30.09.2011
გამომცემი ორგანო
საქართველოს დედაქალაქი თბილისი (თბილისის მერია)
ნომერი
№27.01.1074
სარეგისტრაციო კოდი
310060000.37.101.016076
გამოქვეყნების წყარო
matsne.gov.ge , 111003025, 05/10/2011
📥 მინიშნება 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

ქ. თბილისის მთავრობის დადგენილება (1)

დოკუმენტის ტექსტი

ქალაქ თბილისის მთავრობ ის

დადგენილება №27.01.1074

2011 წლი ს 30 სექტემბერი

ქ. თბილისი

„ქ. თბილისის ადმინისტრაციულ საზღვრებში მიწისქვეშა ელექტროტრანსპორტით (მეტრო) და M 3  კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას მგზავრობის ტარიფისა და ფასდაკლების სისტემის დამტკიცების შესახებ“ ქ. თბილისის მთავრობის 2010 წლის 2 დეკემბრის №32.03.1498 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად,  ქ. თბილისის მთავრობა ადგენს:

მუხლი 1. „ქ. თბილისის ადმინისტრაციულ საზღვრებში მიწისქვეშა ელექტროტრანსპორტით (მეტრო) და M3 კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას მგზავრობის ტარიფისა და ფასდაკლების სისტემის დამტკიცების შესახებ“ ქ. თბილისის მთავრობის 2010 წლის 2 დეკემბრის №32.03.1498 დადგენილების (სსმ III, 03 .12 .2010 წ., №59 , მუხ. 1820 ) მე -2 პუნქტს დაემატოს შემდეგი შინაარსის „დ“ ქვეპუნქტი:

„დ) იურიდიული პირებისათვის („კორპორატიული კლიენტი“), რომლებიც თანამშრომლებისთვის კალენდარული თვის განმავლობაში მიწისქვეშა ელექტროტრანსპორტით (მეტრო) და/ან M 3  კატეგორიის ავტობუსებით მგზავრობისთვის განკუთვნილ მრავალჯერადი გამოყენების სამგზავრო ბარათებზე დარიცხავენ ქვემოთ ჩამოთვლილი რაოდენობის მგზავრობის საფასურს (რომლის გამოყენებაც შესაძლებელია მხოლოდ დარიცხვისას მითითებული თვის განმავლობაში და გახარჯულად ჩაითვლება დარიცხვისას მითითებული კალენდარული თვის ამოწურვისთანავე, მიუხედავად იმისა, გაიხარჯა თუ არა დარიცხული თანხა) დაუწესდეთ შემდეგი სახის შეღავათები:

დ.ა) 6000 -დან 9000 -მდე მგზავრობის საფასურის შემთხვევაში თითოეული მგზავრობის ღირებულება განისაზღვროს 0,35 ლარის ოდენობით;

დ.ბ) 9000 -დან 15000 -მდე მგზავრობის საფასურის შემთხვევაში,თითოეული მგზავრობის ღირებულება განისაზღვროს 0,3 ლარის ოდენობით;

დ.გ) 15000 -დან 30000 -მდე მგზავრობის საფასურის შემთხვევაში,თითოეული მგზავრობის ღირებულება განისაზღვროს 0,25 ლარის ოდენობით.“.

მუხლი 2. დადგენილება ძალაშია გამოქვეყნებისთანავე.

ქ. თბილისის მერი              გ . უგულავა