ქ. თბილისის ადმინისტრაციულ საზღვრებში, მიწისქვეშა ელექტროტრანსპორტით (მეტრო) და M3 კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას, მგზავრობის ტარიფისა და ფასდაკლების სისტემის დამტკიცების შესახებ

ქალაქ თბილისის მთავრობ ის

დადგენილება №32.03.1498

2010 წლი ს 2 დეკემბერი

ქ. თბილისი

ქ. თბილისის ადმინისტრაციულ საზღვრებში, მიწისქვეშა ელექტროტრანსპორტით (მეტრო) და M ₃  კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას , მგზავრობის ტარიფისა და ფასდაკლების სისტემის დამტკიცების შესახებ

„ნორმატიული აქტების შესახებ“ საქართველოს კანონის მე-2 მუხლის მე-3 პუნქტის, მე-3 მუხლის მე-3 პუნქტისა და 22-ე მუხლის, ,,საქართველოს დედაქალაქის – თბილისის შესახებ“ საქართველოს კანონის 23¹ მუხლის „ა “ და „ფ “ პუნქტ ებ ისა და 28-ე მუხლის მე-2 პუნქტის,„რეგულირებად ეკონომიკურ სფეროებში ტარიფების შესახებ“ ქ. თბილისის საკრებულოს 2007 წლის 8 მაისის №6-35 გადაწყვეტილების პირველი მუხლის მე-4 პუნქტისა და მე -2 მუხლის მე -2 პუნქტის შესაბამისად, ქ. თბილისის მთავრობა ადგენს:

1. დამტკიცდეს მიწისქვეშა ელექტროტრანსპორტით (მეტრო) და M ₃  კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას, მგზავრობის ტარიფი 0,5 ლარის ოდენობით .

2 . დამტკიცდეს მიწისქვეშა ელექტროტრანსპორტით (მეტრო) და M ₃  კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას, მრავალჯერადი გამოყენების სამგზავრო ბარათები ს მომხმარებელთათვის ფასდაკლების შემდეგი სისტემა:

ა) სამგზავრო ბარათის გამოყენების შემთხვევაში, მის მფლობელს (მგზავრს) ეძლევა შესაძლებლობა,მიწისქვეშა ელექტროტრანსპორტით (მეტრო) და /ან M ₃  კატეგორიის ავტობუსებით ერთი და იმავე დღის განმავლობაში მგზავრობის ას, მიიღოს შემდეგი ოდენობის ფასდაკლება:

ა.ა ) მეორე მგზავრობის ღირებულება – 0,3 ლარი ;

ა.ბ ) ყველა შემდგომი მგზავრობის ღირებულება – 0,2 ლარი ;

ბ) იურიდიული პირებისათვის („კორპორატიული კლიენტი”), რომლებიც თანამშრომლებისთვის შეიძენენ მინიმუმ 1000 (ათასი) ცალ მრავალჯერადი გამოყენების სამგზავრო ბარათს და კალენდარული თვის განმავლობაში მიწისქვეშა ელექტროტრანსპორტით (მეტრო) და /ან M ₃  კატეგორიის ავტობუსებით ჯამურად განახორციელებენ 30000 (ოცდაათი ათასი) ან მეტ მგზავრობას, თითოეული მგზავრობის ღირებულება განისაზღვროს 0,2 ლარი ს ოდენობით, მაგრამ არანაკლებ 6000 (ექვსიათასი) ლარისა თვეში, გადაყვანილ პირთა რაოდენობის მიუხედავად;

გ) ამ პუნქტის “ბ ” ქვეპუნქტით გათვალისწინებული იურიდიული პირების მიერ ანგარიშსწორება განხორციელდეს კალენდარული თვის დამთავრებიდან არა უგვიანეს 15 კალენდარული დღისა.

3 . მიწისქვეშა ელექტროტრანსპორტით (მეტრო) და M ₃  კატეგორიის ავტობუსებით ადგილობრივი საქალაქო რეგულარული სამგზავრო გადაყვანის განმახორციელებელმა იურიდიულმა პირმა უზრუნველყოს წინამდებარე დადგენილები ს პირველი და მეორე პუნქტები თ დამტკიცებული მგზავრობის ტარიფით და ფასდაკლების სისტემი თ მომსახურების განხორციელება.

4. დადგენილება ამოქმედდეს2010 წლის 6 დეკემბრიდან.

ქ. თბილისის მერი                                             გ. უგულავა