საჯარო სამართლის იურიდიული პირის - საქართველოს საგარეო საქმეთა სამინისტროს სასწავლო ცენტრის შექმნის შესახებ

საქართველოს პრეზიდენტის

ბრძანებულება №658

2011 წლის 26 ოქტომბერი

ქ. თბილისი

საჯარო სამართლის იურიდიული პირის – საქართველოს საგარეო საქმეთა სამინისტროს სასწავლო ცენტრის შექმნის შესახებ

1. საერთაშორისო ურთიერთობებისა და საგარეო პოლიტიკის სფეროში საჯარო მოხელეთა და სხვა პირთა პროფესიული განვითარებისა და კვალიფიკაციის ამაღლების მიზნით, ,,საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის ,,ბ“ქვეპუნქტის შესაბამისად, 2012 წლის 1 იანვრიდან შეიქმნას საჯარო სამართლის იურიდიული პირი – საქართველოს საგარეო საქმეთა სამინისტროს სასწავლო ცენტრი (შემდეგში – სასწავლო ცენტრი).

2. საქართველოს საგარეო საქმეთა   სამინისტრომ:

ა) განახორციელოს სასწავლო ცენტრის სახელმწიფო კონტროლი;

ბ) 2012 წლის 1 იანვრამდე უზრუნველყოს სასწავლო ცენტრის დებულების დამტკიცება და წარმომადგენლობაზე უფლებამოსილი პირის დანიშვნა.

3. ეს ბრძანებულება ამოქმედდეს გამოქვეყნებისთანავე.

მ. სააკაშვილი