მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოწმობის ფორმის გამოყენებისა და გამოსაყენებლად უვარგისი სანებართვო მოწმობის ფორმის აღრიცხვა-ანგარიშგების წესის დამტკიცების შესახებ

✨ ჰკითხე AI-ს ამ კანონის შესახებ

მუნიციპალიტეტისა და თვითმმართველი ქალაქის საკრებულოს დადგენილება ძალადაკარგული ადგილობრივი მმართველობა

მიღების თარიღი

07.11.2011 ძალადაკარგული 04.05.2015

გამომცემი ორგანო

ჩხოროწყუს მუნიციპალიტეტი

ნომერი

№24

სარეგისტრაციო კოდი

010250020.35.107.016066

გამოქვეყნების წყარო

matsne.gov.ge , 111111007, 14/11/2011

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (1)

მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოწმობის ფორმის, მოწმობის აღრიცხვა-ანგარიშგების წესისა და გამოსაყენებლად უვარგისი სანებართვო მოწმობის ჩამოწერის აქტის ფორმის დამტკიცების შესახებ

04.05.2015

14.11.2011 04.05.2015

დოკუმენტის ტექსტი

ჩხოროწყუს მუნიციპალიტეტის საკრებულოს

დ ა დ გ ე ნ ი ლ ე ბ ა №24

2011 წლის 7 ნოემბერი

დაბა ჩხოროწყუ

მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოწმობის ფორმის გამოყენებისა და გამოსაყენებლად უვარგისი სანებართვო მოწმობის ფორმის აღრიცხვა-ანგარიშგების წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის, „მკაცრი აღრიცხვის ფორმების შესახებ“ საქართველოს კანონისა და „მკაცრი აღრიცხვის ფორმების რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“ საქართველოს ფინანსთა მინისტრის 2005 წლის 2 აგვისტოს №669 ბრძანების შესაბამისად, ჩხოროწყუს მუნიციპალიტეტის საკრებულომ დაადგინა:

1. დამტკიცდეს მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოწმობის ფორმა, თანახმად №1 დანართისა.

2. დამტკიცდეს მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოწმობის გამოყენებისა და აღრიცხვა-ანგარიშგების წესი, თანახმად №2 დანართისა.

3. დამტკიცდეს გამოსაყენებლად უვარგისი სანებართვო მოწმობის ფორმების ჩამოწერის შესახებ აქტი, თანახმად №3 დანართისა.

4. დაევალოს ჩხოროწყუს მუნიციპალიტეტის გამგეობას მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოწმობის რეგისტრაციის განხორციელება მოქმედი კანონმდებლობის შესაბამისად.

5. დადგენილება ძალაში შევიდეს გამოქვეყნებისთანავე.

საკრებულოს თავმჯდომარე გ. ლემონჯავა

დანართი №1

დამტკიცებულია

ჩხოროწყუს მუნიციპალიტეტის საკრებულოს

2011 წლის 7 ნოემბრის №24 დადგენილებით

მ შ ე ნ ე ბ ლ ო ბ ი ს

ს ა ნ ე ბ ა რ თ ვ ო მ ო წ მ ო ბ ა

ჩხოროწყუს მუნიციპალიტეტის გამგეობის ზედამხედველობის, სივრცითი მოწყობისა და არქიტექტურის სამსახური

ნებართვა № ---------------------------

ნებართვის გაცემის თარიღი: ------------------------------------------------ 201 წელი

მშენებლობის დაწყების თარიღი: ------------------------------------------ 201 წელი

ნებართვა ძალაშია 201 წლის ---------------------------------------------------- დან

201 წლის --------------------------------------------------------------------------------- მდე

დამკვეთი: -------------------------------------------------------------------------------------------

(დასახელება)

--------------------------------------------------------------------------------------------------------------------

(მისამართი)

მშენებლობის ობიექტი: ---------------------------------------------------------------------------------------

(დასახელება, ფუნქციური დანიშნულება)

--------------------------------------------------------------------------------------------------------------------

(მისამართი/ადგილმდებარეობა)

--------------------------------------------------------------------------------------------------------------------

(მიწის ნაკვეთის საკადასტრო ნომერი)

პროექტი შეთანხმებულია: -----------------------------------------------------------------------------------

(შემთანხმებელი ორგანიზაციის დასახელება, მისამართი)

ნებართვა გაიცა: ------------------------------------------------------------------------------------------------

-----------------------------------------------------------------------------------------------------------მიერ.

(ნებართვის გამცემი ორგანოს დასახელება)

ბრძანება: -------------------------------------------------------------------------- 201 წელი

ნებართვაზე ხელმომწერი პირი: ------------------------------------------------------------------------------

(სახელი, გვარი)

--------------------------------------------------------------------------------

(თანამდებობა)

სანებართვო პირობები: ---------------------------------------------------------------------------------------

---------------------------------------------------------------------------------------------------------------------

--------------------------------------------------------------------------------------------------------------------

---------------------------------------------------------------------------------------------------------------------

--------------------------------------------------------------------------------------------------------------------

---------------------------------------------------------------------------------------------------------------------

ბ. ა.

სანებართვო მოწმობის შევსებაზე პასუხისმგებელი პირი: -------------------------------------

დამკვეთი: ჩხოროწყუს მუნიციპალიტეტის გამგეობა

შემსრულებელი:

სფს-ს რეგისტრაციის № ---------------------

დანართი №2

მშენებლობის სანებართვო მოწმობის გამოყენების და აღრიცხვა-ანგარიშგების წესი

მუხლი 1. ზოგადი დებულება

1. წინამდებარე წესი შემუშავებულია ,,მკაცრი აღრიცხვის ფორმების შესახებ’’ საქართველოს კანონის საფუძველზე.

2. ჩხოროწყუს მუნიციპალიტეტის გამგეობ ის ზედამხედველობის, სივრცითი მოწყობისა და არქიტექტურის სამსახური სანებართვო მოწმობის ფორმების გამოყენებას და აღრიცხვა-ანგარიშგებას ახორციელებს ,,მკაცრი აღრიცხვის ფორმების შესახებ’’ საქართველოს კანონის ამ წესის საფუძველზე.

მუხლი 2. სანებართვო მოწმობის აღწერილობა და მომარაგება

1. ნებართვები წარმოადგენს მკაცრი აღრიცხვის ფორმებს და აქვს შემდეგი დამცავი ნიშნები;

ა) ნომერი;

ბ) დამცავი ბადე;

გ) უხილავი საღებავი.

2. სანებართვო მოწმობის ფორმების მომარაგებას ჩხოროწყუს მუნიციპალიტეტის გამგეობის ზედამხედველობის, სივრცითი მოწყობისა და არქიტექტურის სამსახური ახორციელებს დამოუკიდებლად.

3. სანებართვო მოწმობის ფორმების შეკვეთას ჩხოროწყუს მუნიციპალიტეტის გამგეობის ზედამხედველობის, სივრცითი მოწყობისა და არქიტექტურის სამსახური აწარმოებს „მკაცრი აღრიცხვის ფორმების შესახებ“ საქართველოს კანონის თანახმად, კანონმდებლობის შესაბამისად შერჩეულ პოლიგრაფიულ საწარმოში.

4. პოლიგრაფიული საწარმოდან სანებართვო მოწმობის ფორმების გამოტანის უფლება აქვს პირს,რომელსაც გააჩნია სათანადოდ გაფორმებული მინდობილობა.

მუხლი 3. სანებართვო მოწმობის ფორმების შენახვა

1. სანებართვო მოწმობის ფორმების შენახვა ხორციელდება „მკაცრი აღრიცხვის ფორმების შესახებ“ საქართველოს კანონის მე-8 მუხლის მე-5, მე-6 და მე-7 პუნქტების შესაბამისად;

2. სათავსი, სადაც ინახება სანებართვო მოწმობის ფორმები უნდა იყოს ხელშეუხებელი გარეშე პირთათვის და სათანადოდ დაცული დაზიანებისაგან.

3. სანებართვო მოწმობის ფორმები ინახება ამ ფორმების გამოყენებასა და აღრიცხვა-ანგარიშგებაზე პასუხისმგებელ პირთან.

მუხლი 4. სანებართვო მოწმობის ფორმების შევსება

1. სანებართვო მოწმობის ფორმების შევსება წარმოებს შესაბამისი ინდივიდიალურ-სამართლებრივი აქტის საფუძველზე.

2. სანებართვო ფორმების შევსება წარმოებს შავი ფერის ბურთულიანი კალმით.

მუხლი 5. სანებართვო მოწმობის რეგისტრაცია

შევსებული ფორმების შესახებ ინფორმაცია ნებართვის გამცემს შეაქვს უწყებრივ სანებართვო რეესტრში (დანართი 1).

მუხლი 6. სანებართვო მოწმობის ფორმების გაცემა

1. სანებართვო მოწმობის ფორმების გაცემა მფლობელზე წარმოებს პიროვნების პირადობის დამადასტურებელი მოწმობის წარდგენის საფუძველზე.

2. სანებართვო მოწმობის ფორმების გაცემა მესამე პირზე ხდება ნებართვის მაძიებლის მიერ გაცემული მინდობილობისა და პიროვნების პირადობის დამადასტურებელი მოწმობის წარდგენის შემთხვევაში/მინდობილობა რჩება ადგილზე/.

3. ნებართვის მაძიებელი ან მესამე პირი ხელმოწერით ადასტურებს სანებართვო მოწმობის მიღების ფაქტს უწყებრივ სანებართვო რეესტრში.

4. გაცემულთ სანებართვო მოწმობების ქსეროასლი დამოწმებული პასუხისმგებელი პირის მიერ ინახება შეთანხმებულ სამშენებლო დოკუმენტებთან ერთად.

მუხლი 7. სანებართვო მოწმობის დუბლიკატების გაცემა

1. სანებართვო მოწმობის დაკარგვის შემთხვევაში ჩხოროწყუს მუნიციპალიტეტის გამგეობის ზედამხედველობის, სივრცითი მოწყობისა და არქიტექტურის სამსახური გასცემს დუბლიკატს, მფლობელის მიერ ამ მუხლის მე-2 პუნქტში მითითებული დოკუმენტაციის წარდგენის შემდეგ.

2. ნებართვის მფლობელმა სანებართვო მოწმობის დუბლიკატის მისაღებად უნდა წარმოადგინოს შემდეგი საბუთები:

ა) განცხადება საქართველოს ზოგადი ადმინისტრაციული კოდექსის 78-ე მუხლში მითითებული მოთხოვნების შესაბამისად;

ბ) სანებართვო მოწმობის დუბლიკატის მოსაკრებლის დამადასტურებელი საბუთი.

3. გაცემულ დუბლიკატს დაესმება შტამპი აღნიშვნით „დუბლიკატი“, სანებართვო მოწმობის დუბლიკატს აქვს ისეთივე იურიდიული ძალა, როგორც მის დედანს.

4. ნებართვის გამცემს დუბლიკატის გაცემის შესახებ ინფორმაცია შეაქვს უწყებრივ სანებართვო რეესტრში გადაწვეტილების მიღებიდან 2 დღის ვადაში.

მუხლი 8. გამოსაყენებლად უვარგისი სანებართვო მოწმობის ჩამოწერა

1. გამოსაყენებლად უვარგისი სანებართვო მოწმობების ჩამოწერა შეიძლება:

ა ) შევსების დროს დაშვებული შეცდომის გამო;

ბ ) ფორმების ფიზიკური დაზიანების გამო.

2. გამოსაყენებლად უვარგისი ფორმების ჩამოწერა უნდა მოხდეს ჩამოწერის აქტის (დანართი 2) მიხედვით,გამოსაყენებლად უვარგისი ფორმების ექსკლუზიური ნუმერაცია შეტანილ უნდა იქნეს მკაცრი აღრიცხვის (დოკუმენტების) ჩამოწერის აქტში.

3. გამოსაყენებლად უვარგისი ფორმების უტილიზაცია ხორციელდება მოქმედი კანონმდებლობის შესაბამისად.

დანართი №3

აქტი №

"--------" "------------------" 200 წ.

გამოსაყენებლად უვარგისი სანებართვო მოწმობის ფორმების ჩამოწერის შესახებ.

№	საქმეთა დასახელება	რაოდენობა	ფორმის ექსკლუზიური ნომრები
1	2	3	4

ხელმოწერით ვადასტურებთ უვარგისი სანებართვო მოწმობების ჩამოწერის სისწორეს.

ფორმების გამოყენებასა და

აღრიცხვა ანგარიშგებაზე

პასუხისმგებელი პირი: