დედოფლისწყაროს მუნიციპალური ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ

დედოფლისწყაროს მუნიციპალიტეტის საკრებულოს

დადგენილება №31

2011 წლის 28 ნოემბერი

ქ. დედოფლისწყარო

დედოფლისწყაროს მუნიციპალური ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ

 „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის 1-ლი პუნქტის ,,ქ“ ქვეპუნქტის შესაბამისად, დედოფლისწყაროს მუნიციპალიტეტის საკრებულო ადგენს:

1. განისაზღვროს დედოფლისწყაროს მუნიციპალური ქონების სასყიდლიან სარგებლობაში გადაცემისას საწყისი წლიური ქირა შემდეგი ოდენობით:

 ა) ქ. დედ ო ფ ლისწყაროს ტერიტორიაზე – 1კვ. მეტრისათვის – 0,14 ლარი;

 ბ) სოფლებში 1კვ. მეტრისათვის – 0,07 ლარი;

 გ) დასახლებათა შორის არეალებში 1კვ. მეტრისათვის – 0,035 ლარი;

 დ) დასახლებათა შორის არეალში გამავალი „საქართველოს საერთაშორისო და შიდასახელმწიფოებრივი საავტომობილო გზების ნუსხის დამტკიცების შესახებ“ საქართველოს პრეზიდენტის 2006 წლის 15 სექტემბრის №554 ბრძანებულებით განსაზღვრული საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეულ მხარეს) 1კვ. მეტრისათვის – 0,087 ლარი;

 ე) უძრავ-მოძრავი ქონების (გარდა მიწისა) სარგებლობის ფორმით გადაცემის საწყისი წლიური ქირის ოდენობა განისაზღვროს სახელმწიფო საკუთრებაში არსებული ქონების საპრივატიზებო და სარგებ ლ ობის გადაცემის საფასურის განსაზღვრის წესის“ დამტკიცების შესახებ საქართველოს პრეზიდენტის 2010 წლის 19 აგვისტოს №659 ბრძანებულებით დამტკიცებული წესით განსაზღვრული ბალანსმფლობელის (მოსარგებლის) მიერ მოწოდებული ნარჩენი საბალანსო ღირებულების გათვალისწინებით ან დამოუკიდებელი აუდიტორის (ექსპერტის) შესაბამისი დასკვნის საფუძველზე განსაზღვრული ღირებულების 7%-ის ოდენობით.

2. დადგენილება ამოქმედდეს გამოქვეყნებისთანავე.

3. დადგენილების გასაჩივრება შეიძლება დედოფლისწყაროს რაიონულ სასამართლოში (ქ. დედოფლისწყარო, ჰ. გონაშვილის ქ.№2), უშუალო ზიანის მიყენებიდან სამი თვის ვადაში.

საკრებულოს თავმჯდომარე                  ლ. ბაღაშვილი