დმანისის მუნიციპალიტეტში სათამაშო ბიზნესის მოსაკრებლის შემოღების შესახებ

დმანისის მუნიციპალიტეტის საკრებულოს

დადგენილება №21-51

2011 წლის 23 დეკემბერი  

ქ. დმანისი

დმანისის მუნიციპალიტეტში სათამაშო ბიზნესის მოსაკრებლის შემოღების შესახებ

 „ადგილობრივი თვითმმართველობის შესახებ“ საქართველოს კანონის 22-ე მუხლის პირველი პუნქტის „მ“ ქვეპუნქტისა და საქართველოს კანონის ნორმატიული აქტების შესახებ 25-ე მუხლის თანახმად, დმანისის მუნიციპალიტეტის საკრებულომ დაადგინა:

    მუხლი 1

დამტკიცდეს დმანისის მუნიციპალიტეტში სათამაშო ბიზნესის მოსაკრებლის განაკვეთები:

ა) სამორინეს თითოეულ სათამაშო მაგიდაზე – კვარტალში 20000 ლარი;

ბ) თითოეულ სათამაშო აპარატზე – კვარტალში 2000 ლარი;

 გ) თითოეულ წამახალისებელ გათამაშებაზე – საპრიზო ფონდის 10%;

 დ) სისტემურ-ელექტრონული ფორმით მოწყობილ თამაშობაზე – კვარტალში 40000 ლარი;

 ე) აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე – კვარტალში 5000 ლარი.

    მუხლი 2

დადგენილების ძალაში შესვლიდან ძალადაკარგულად გამოცხადდეს დმანისის მუნიციპალიტეტის 2007 წლის 27 თებერვლის №61 დადგენილება.

    მუხლი 3

დადგენილება ძალაში შედის 2012 წლის 3 იანვრიდან.

საკრებულოს თავმჯდომარე    ბ. მგელაძე