ბოლნისის მუნიციპალიტეტის ტერიტორიაზე მშენებლობის ნებართვის მოსაკრებლის შემოღებისა და განაკვეთების განსაზღვრის შესახებ

ბოლნისის მუნიციპალიტეტის საკრებულოს

დადგენილება №56

2011 წლის  28 დეკემბერი

ქ. ბოლნისი   

ბოლნისის მუნიციპალიტეტის ტერიტორიაზე მშენებლობის ნებართვის მოსაკრებლის   შემოღებისა და განაკვეთების განსაზღვრის შესახებ

„ადგილობრივი თვითმმართველობის შესახებ“საქართველოს ორგანული კანონის 22-ე მუხლის 1-ლი პუნქტის„მ“ქვეპუნქტის,  ,,ადგილობრივი მოსაკრებლების შესახებ“საქართველოს კანონის მე-5 მუხლის პირველი პუნქტის„ა“ ქვეპუნქტისა და ,,ნორმატიული აქტების შესახებ” საქართველოს კანონის 25-ე მუხლის შესაბამისად, ბოლნისის მუნიციპალიტეტის საკრებულო ადგენს:

    მუხლი 1

განისაზღვროს მშენებლობის ნებართვის მოსაკრებელის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) შემდეგი განაკვეთები ერთ კვადრატულ მეტრზე:

ა)ახლად ასაშენებელი ობიექტის პროექტით გათვალისწინებული განაშენიანების ფართისათვის – 0,50 ლარი;

ბ)ხაზობრივი ნაგებობებისათვის(რკინიგზა, წყალსადენი, გაზსადენი გზა, ელ. გადაცემის ხაზები, ელ.კავშირი, არხები და სხვა) – 1.00 (ერთი) ლარი;

გ)კომერციული და სამრეწველო ობიექტის მშენებლობისათვის– 1.00 (ერთი) ლარი.

    მუხლი2

ამ დადგენილების ამოქმედებისთანავე ძალადაკარგულად გამოცხადდეს „მშენებლობის ნებართვის, სატენდერო და სათამაშო ბიზნესის ადგილობრივი მოსაკრებლების შემოღებისა და შესაბამისი ინსტრუქციების დაწესების შესახებ“ბოლნისის მუნიციპალიტეტის საკრებულოს 2010 წლის 11 იანვრის №220 დადგენილება.

    მუხლი 3

დადგენილება ამოქმედდეს  2012 წლის 1 იანვრიდან.    

საკრებულოს თავმჯდომარე                                                                         ნ. საბიაშვილი