„სადაზღვევო კომპანიების, ქალაქ თბილისის მერიის და სხვადასხვა ორგანიზაციების მიერ ქალაქ თბილისის მოსახლეობის სასწრაფო სამედიცინო დახმარების მომსახურების ასანაზღაურებელი ღირებულების განსაზღვრის შესახებ“

ქალაქ თბილისის მთავრობ ის      

 დადგენილება № 01.01.01

  2012 წლი ს 4 იანვარი

ქ. თბილისი

„სადაზღვევო კომპანიების, ქალაქ თბილისის მერიის და სხვადასხვა ორგანიზაციების მიერ ქალაქ თბილისის მოსახლეობის სასწრაფო სამედიცინო დახმარების მომსახურების ასანაზღაურებელი ღირებულების განსაზღვრის შესახებ

მოსახლეობის მიერ უფასო სასწრაფო სამედიცინო დახმარების მიღებისათვის, რაც განპირობებულია იმით, რომ ქალაქ თბილისის მერია სრულად ანაზღაურებს ქალაქის მოსახლეობისათვის სასწრაფო სამედიცინო მომსახურებას, უშუალოდ და სადაზღვევო პროგრამების მეშვეობით, საჭიროა განისაზღვროს სამედიცინო ბრიგადის გამოძახების ღირებულება, რომელიც იქნება ანაზღაურებული სსიპ „სასწრაფო სამედიცინო დახმარების ცენტრისათვის“ ქ. თბილისის მერიის, ასევე სადაზღვევო კომპანიების და, ცალკეულ შემთხვევებში სხვადასხვა ორგანიზაციის მიერ.

„ნორმატიული აქტების შესახებ“ საქართველოს კანონის მე-20 მუხლის შესაბამისად, ქ. თბილისის მთავრობა ადგენს:

1. ქალაქ თბილისის ადმინისტრაციულ საზღვრებში სსიპ ,,სასწრაფო სამედიცინო დახმარების ცენტრის“ სამედიცინო ბრიგადის გამოძახების ღირებულება, რომელიც ანაზღაურდება ქალაქ თბილისის მერიის, სადაზღვევო კომპანიებისა და, ცალკეულ შემთხვევებში სხვადასხვა ორგანიზაციის მიერ, განისაზღვრება 40 (ორმოცი) ლარის ოდენობით.

2. დადგენილება ძალაშია გამოქვეყნებისთანავე.

ქ .თბილისის მერის პირველი

მოადგილე (ვიცე-მერი)                                   დ.ნინიძე