სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში ჯარიმის ოდენობების განსაზღვრის შესახებ

მარნეულის მუნიციპალიტეტის საკრებულოს

დადგენილება №2 

2012 წლის 31 იანვარი

ქ. მარნეული

სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში ჯარიმის ოდენობების განსაზღვრის შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ლ“ ქვეპუნქტისა და „ტექნიკური საფრთხის კონტროლის შესახებ“ საქართველოს კანონის 23¹ მუხლის პირველი პუნქტის შესაბამისად, საკრებულო ადგენს:

1. განისაზღვროს ჯარიმის ოდენობები მარნეულის მუნიციპალიტეტის ტერიტორიაზე მიმდინარე სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში, შესაბამისი ზონების მიხედვით (დანართი №1-ის შესაბამისად).

2. დადგენილება ამოქმედდეს გამოქვეყნებისთანავე.

საკრებულოს თავმჯდომარე                  ი. ქერიმოვი

 

დანართი №1

ჯარიმის ოდენობები მარნეულის მუნიციპალიტეტში მიმდინარე სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში, შესაბამისი ზონების მიხედვით

№	ზონა	ზონის აღწერა	ჯარიმის ოდენობა (ლარებში) ყოველ ვადაგადაცილებულ დღეზე შემოწმების აქტის შედგენის დღისთვის არსებული სამშენებლო პროექტით გათვალისწინებული ასაშენებელი შენობა-ნაგებობის საერთო ფართობის თითოეულ კვადრატულ მეტრზე
1	I ზონა	ქ. მარნეულში, რუსთაველის, 26 მაისის, სამედ-ვურღუნის, აღმაშენებლის, ნარიმანოვის და ჟორდანიას ქუჩების მიმდებარე ტერიტორიის 30-მეტრიანი ზოლი.	0,50
2	II ზონა	მარნეულის მუნიციპალიტეტის ტერიტორიაზე გამავალი საერთაშორისო და შიდასახელმწიფო მნიშვნელობის საავტომობილო გზების ორივე მხარეს არსებული 50-მეტრიანი ზოლი; სკვერები (ბაღები) და მათ მიმდებარე 50-მეტრიან ზოლში არსებული ტერიტორია.	0,30
3	III ზონა	მუნიციპალიტეტის სოფლებსა და დაბებში არსებული სკვერები (ბაღები) და მათ მიმდებარე 30-მეტრიან ზოლში არსებული ტერიტორია	0,1