„საქართველოს სოფლის მეურნეობის სამინისტროს იურიდიული დეპარტამენტის დებულების დამტკიცების შესახებ“ საქართველოს სოფლის მეურნეობის მინისტრის 2009 წლის 14 აპრილის №2-89 ბრძანებაში ცვლილების შეტანის თაობაზე

საქართველოს სოფლის მეურნეობის მინისტრის

ბრძანება №2-24

2012 წლის 2 თებერვალი

ქ. თბილისი

 „საქართველოს სოფლის მეურნეობის სამინისტროს იურიდიული დეპარტამენტის დებულების დამტკიცების შესახებ“საქართველოს სოფლის მეურნეობის მინისტრის 2009 წლის 14 აპრილის №2-89 ბრძანებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტისა და „საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2009 წლის 18 თებერვლის №26 დადგენილებით დამტკიცებული დებულების მე-7 მუხლის პირველი პუნქტის „ე“ ქვეპუნქტის შესაბამისად, ვბრძანებ:

მუხლი 1. „საქართველოს სოფლის მეურნეობის სამინისტროს იურიდიული დეპარტამენტის დებულების დამტკიცების შესახებ” საქართველოს სოფლის მეურნეობის მინისტრის 2009 წლის 14 აპრილის №2-89 ბრძანებით (სსმ III, 27.04.2009, №50, მუხ. 564) დამტკიცებულ დებულებაში შეტანილ იქნეს ცვლილება და დებულების:

1. მე-2 მუხლს დაემატოს „კ¹“ ქვეპუნქტი და ჩამოყალიბდეს შემდეგი რედაქციით:

„კ¹) სამინისტროს მიერ ნაკისრი სახელშეკრულებო ვალდებულებათა ანალიზი და მონიტორინგი;“

2. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. კანონშემოქმედებითი საქმიანობის სამმართველო ახორციელებს:

ა) ნორმატიული აქტების სისტემატიზაციისა და შესრულების მიზნით, ნორმატიული აქტების და მათში შეტანილი ცვლილებების შესწავლას და აღრიცხვას;

ბ) სამინისტროს საპარლამენტო მდივნის საქმიანობის უზრუნველყოფას;

გ) სხვა უწყებებიდან შემოსული, აგრეთვე, სამინისტროს სტრუქტურული ქვედანაყოფებისა და სამინისტროს სისტემაში შემავალი საჯარო სამართლის იურიდიული პირების მიერ შემუშავებული ნორმატიული აქტების პროექტებზე სამართლებრივი დასკვნების მომზადებას;

დ) სამინისტროს სტრუქტურული ქვედანაყოფებისა და საჭიროების შემთხვევაში, სამინისტროს სისტემაში შემავალი დაწესებულებების სამართლებრივ უზრუნველყოფას;

ე) სამინისტროს სტრუქტურული ქვედანაყოფებისა და სამინისტროს სისტემაში შემავალი საჯარო სამართლის იურიდიული პირების მიერ მომზადებული საკანონმდებლო აქტების პროექტების კანონმდებლობით დადგენილი წესით საქართველოს მთავრობაში წარდგენის პროცედურების ორგანიზებას;

ვ) სამინისტროს კანონშემოქმედებითი საქმიანობის გეგმით გათვალისწინებული საკითხების დადგენილ ვადებში გადაწყვეტის ორგანიზებას;

ზ) თავისი კომპეტენციის ფარგლებში წინადადებების წარდგენას ნორმატიული აქტების შემუშავებისა და მოქმედ ნორმატიულ აქტებში ცვლილებებისა და დამატებების შეტანის თაობაზე;

თ) სამინისტროს მიერ დადებული ხელშეკრულებებისა და ნაკისრი სახელშეკრულებო ვალდებულებების შესახებ მონაცემთა ერთიანი ბაზის შექმნისა და მისი პერიოდულად განახლების ორგანიზებას;

ი) საკუთარი კომპეტენციის ფარგლებში, სამინისტროს მიერ ნაკისრ სახელშეკრულებო ვალდებულებათა ანალიზს და მონიტორინგს;

კ) ხელშეკრულებების ანალიზის საფუძველზე დასკვნების შემუშავებას და წინადადებების მომზადებას განსახორციელებელი ღონისძიებების შესახებ;

ლ) სამინისტროს სტრუქტურული ქვედანაყოფებისა და სამინისტროს სისტემაში შემავალი დაწესებულებებისგან, სხვა ფიზიკური და იურიდიული პირებისგან შესაბამისი ინფორმაციის გამოთხოვას;

მ) სამინისტროს მიერ დასადები ხელშეკრულების სამართლებრივ ექსპერტიზას (გარდა შრომითი და სახელმწიფო შესყიდვის შესახებ ხელშეკრულებებისა).“

ნ) სამმართველოში შემოსულ ოფიციალურ კორესპონდენციებზე, მოქალაქეთა წერილებსა და განცხადებებზე სათანადო რეაგირებას;

ო) მოქმედი კანონმდებლობით გათვალისწინებულ სხვა უფლებამოსილებებს.“.

მუხლი 2. ბრძანება ამოქმედდეს გამოქვეყნებისთანავე.

ზ. გოროზია