„ხელვაჩაურის მუნიციპალიტეტის ტერიტორიაზე ადგილობრივი (ქონების) გადასახადის შემოღებისა და გადასახადის განაკვეთების განსაზღვრის შესახებ’’ ხელვაჩაურის მუნიციპალიტეტის საკრებულოს 2011 წლის 05 აპრილის №17 დადგენილებაში ცვლილების შეტანის თაობაზე

ხელვაჩაურის მუნიციპალიტეტის საკრებულო ს

დადგენილება №07

2012 წლის29 თებერვალი

ქ. ბათუმი

„ხელვაჩაურის მუნიციპალიტეტის ტერიტორიაზე ადგილობრივი (ქონების) გადასახადის შემოღებისა და გადასახადის განაკვეთების განსაზღვრის შესახებ’’ ხელვაჩაურის მუნიციპალიტეტის საკრებულოს 2011 წლის 05 აპრილის №17 დადგენილებაში ცვლილების შეტანის თაობაზე

 „ნორმატიული აქტების შესახებ’’ საქართველოს კანონის მე-20 მუხლისა და ,,სასოფლო-სამეურნეო დანიშნულებისა და ტყის მიწებზე ქონების გადასახადის წლიური საბაზისო განაკვეთების დამტკიცების თაობაზე” საქართველოს მთავრობის 2012 წლის 14 თებერვლის №50 დადგენილების თანახმად, ხელვაჩაურის მუნიციპალიტეტის საკრებულომ დაადგინა:

 1. ,,ხელვაჩაურის მუნიციპალიტეტის ტერიტორიაზე ადგილობრივი (ქონების) გადასახადის შემოღებისა და გადასახადის განაკვეთების განსაზღვრის შესახებ’’ ხელვაჩაურის მუნიციპალიტეტის საკრებულოს 2011 წლის 05 აპრილის №17 დადგენილებაში (www.matsne.gov.ge 12/04/2011წ., სახელმწიფო სარეგისტრაციო კოდი 200130000.35.133.016035) შეტანილ იქნეს ცვლილება და დადგენილებით დამტკიცებული დანართის მე-4 პუნქტის ,,ბ”, ,,დ” და ,,ე” ქვეპუნქტები ჩამოყალიბდეს შემდეგი რედაქციით:

  ,,ბ) საძოვრებისათვის (ბუნებრივი და გაკულტურებული) – 16ლარი ჰექტარზე.”.

  ,,დ) სახნავისათვის (მათ შორის, მრავალწლიანი ნარგავებით დაკავებული მიწა, საბაღე, საბოსტნე) და საკარმიდამოსათვის – 87 ლარი ჰექტარზე;

  ე) ყოფილი საკოლმეურნეო და საბჭოთა მეურნეობის ტყის მიწები, რომლებიც გამოიყენება სასოფლო-სამეურნეო დანიშნულებით – 87 ლარი ჰექტარზე.”.

   2. ეს დადგენილება ამოქმედდეს კანონმდებლობით დადგენილი წესით მისი გამოქვეყნებისთანავე და მისი მოქმედება გავრცელდეს 2012 წლის 01 იანვრიდან წარმოშობილ ურთიერთობებზე.

საკრებულოს თავმჯდომარე                  მ. ფარტენაძე