„ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე“ საქართველოს მთავრობის 2012 წლის 4 იანვრის №1 დადგენილებაში ცვლილების შეტანის შესახებ
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მთავრობის დადგენილება (1)
დოკუმენტის ტექსტი
საქართველოს მთავრობის
დადგენილება № 109
2012 წლის 23 მარტი
ქ. თბილისი
„ტყითსარგებლობის წესის დამტკიცების შესახებ“საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე“ საქართველოს მთავრობის 2012 წლის 4 იანვრის №1 დადგენილებაში ცვლილების შეტანის შესახებ
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე“ საქართველოს მთავრობის 2012 წლის 4 იანვრის №1 დადგენილებაში (www.matsne.gov.ge, 06/01/2012, სარეგისტრაციო კოდი – 390050010.10.003.016674) შეტანილ იქნეს ცვლილება და დადგენილების მე-2 მუხლი ჩამოყალიბდეს შემდეგი რედაქციით:
„მუხლი 2. გარდამავალი დებულება
იმ შემთხვევაში, თუ ტყითსარგებლობის გენერალური ლიცენზიის, ხე-ტყის დამზადების სპეციალური ლიცენზიის, ტყითსარგებლობის შესახებ შესაბამისი ხელშეკრულების ან საქართველოს კანონმდებლობის საფუძველზე ამ დადგენილების ამოქმედებამდე გამოყოფილი ტყეკაფის მასალები არ ითვალისწინებს ხე-ტყის დატვირთვის ადგილის მითითებას (გარდა სოციალური ჭრისა), სავალდებულოა, რომ 2012 წლის 15 მაისამდე შესაბამის მართვის ორგანოში წარდგენილ იქნეს ინფორმაცია – აუთვისებელი ტყეკაფების ადგილმდებარეობის ნახაზი (აბრისი) მასშტაბით 1:10000 ან 1:25000, რომელზეც, „ტყითსარგებლობის წესით“ დადგენილ სხვა ინფორმაციასთან ერთად, ასევე დატანილი უნდა იქნეს ხე-ტყის დატვირთვის ადგილი GPS კოორდინატის მითითებით.“.
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ნ . გილაური