“ქალაქ თბილისის მერიის სსიპ – ქალაქ თბილისის არქიტექტურის სამსახურისათვის უფლებამოსილების მინიჭების შესახებ” ქ. თბილისის მთავრობის 2011 წლის 27 დეკემბერის №35.13.1465 დადგენილებაში ცვლილების შეტანის თაობაზე

ქალაქ თბილისის მთავრობ ის

დადგენილება №11.01.356

2012 წლი ს19 აპრილი

ქ. თბილისი

„ქალაქ თბილისის მერიის სსიპ – ქალაქ თბილისის არქიტექტურის სამსახურისათვის უფლებამოსილების მინიჭების შესახებ” ქ. თბილისის მთავრობის 2011 წლის 27 დეკემბრის №35.13.1465 დადგენილებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის, ,,საქართველოს დედაქალაქის – თბილისის შესახებ” საქართველოს კანონის 23¹  მუხლისა და 32¹  მუხლის საფუძველზე,

 ქ. თბილისის მთავრობა ადგენს:

1. „ქალაქ თბილისის მერიის სსიპ – ქალაქ თბილისის არქიტექტურის სამსახურისათვის უფლებამოსილების მინიჭების შესახებ” ქ. თბილისის მთავრობის 2011 წლის 27 დეკემბერის №35.13.1465 დადგენილებაში შეტანილ იქნეს შემდეგი ცვლილებები და დამატებები:

ა) დადგენილების პირველი პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) „ქალაქ თბილისის ტერიტორიების გამოყენებისა და განაშენიანების რეგულირების წესების დამტკიცების შესახებ“ ქალაქ თბილისის საკრებულოს 2009 წლის 27 მარტის №4-13 გადაწყვეტილების 38-ე მუხლით განსაზღვრული შენობის/ნაგებობის ნაწილებისა და არქიტექტურული დეტალების საზოგადოებრივ ტერიტორიაზე/სივრცეში ისეთი შეჭრის შესახებ, რაც მოქმედი კანონმდებლობის შესაბამისად, საჭიროებს საზოგადოებრივი სივრცის მესაკუთრის თანხმობას;“;

ბ) დადგენილების პირველი პუნქტის ,,დ“ ქვეპუნქტი ჩამოყალიბდეს შემდეგი რედაქციით:

,,დ) საზოგადოებრივ სივრცესა და ტერიტორიაზე ან/და ქ. თბილისის თვითმმართველი ერთეულის საკუთრებაში არსებულ ტერიტორიაზე იმ შენობა-ნაგებობის მონტაჟის ან/და არსებულ შენობა-ნაგებობაზე სამუშაოების წარმოების შესახებ, რომლისთვის გამოსაყენებელი ტერიტორია არ აღემატება 6 კვადრატულ მეტრს, გარდა ქ. თბილისის მთავრობის ,,ქ. თბილისის თვითმმართველი ერთეულის საკუთრებაში არსებული ქონების აუქციონის ფორმით პრივატიზების შესახებ“ 2011 წლის 28 ოქტომბრის №30.15.1214, 2011 წლის 11 ოქტომბრის №28.30.1133, 2011 წლის 21 ოქტომბრის №29.35.1169 და 2012 წლის 13 თებერვლის №05.30.139 დადგენილებებით განსაზღვრული ტერიტორიებისა;“;

გ) დადგენილების მე-2 პუნქტი ჩამოყალიბდეს შემდეგი რედაქციით:

„2. ამ დადგენილების პირველი პუნქტით გათვალისწინებული გადაწყვეტილება მიიღება მშენებლობის ნებართვის გაცემაზე, კულტურული მემკვიდრეობის ძეგლზე სამუშაოების ნებართვის გაცემაზე, პროექტის შემთანხმებელი და მშენებლობის ნებართვის გამცემი ორგანოს მიერ უნებართვოდ ან/და პროექტის დარღვევით აშენებული ობიექტების ან მათი ნაწილების ლეგალიზების შესახებ გადაწყვეტილების მიღებისას ან/და ,,მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 66-ე მუხლით დადგენილი პროცედურების განხორციელებისას, ცალკე ადმინისტრაციულ- სამართლებრივი აქტის გამოცემის გარეშე.“.

2. დადგენილება ძალაში შედის გამოქვეყნებისთანავე.

ქ. თბილისის მერი                                  გ . უგულავა